1. Kirish.
Ushbu dastur 5110200 – Fizika va astronomiya o’qitish metodikasi bakalavriat ta’lim yo’nalishi uchun mo’ljallangan bo’lib, u talabalarga fizikadan bilimlar berish va ularda amaliy ko’nikma va malakalarni shaklantirishni ko’zda tutadi.
Mazkur dasturda fanning o’qitishdan maqsad va uning vazifalari, talabalarning bilimlari va ko’nikmalariga qo’yiladigan talabalar, fizika fanini boshqa fanlar bilan aloqasi, fanni o’qitishdagi yangi texnologiyalar, fanni o’qitish semestrlari va metodik ko’rsatmalari o’rin olgan.
1.1. Fanning maqsadi va vazifalari. Fanni o’qitishdan maqsad – bo’lajak o’qituvchilarga tabiat qonunlari to’g’risida chuqur va mustahkam bilim berish bilan birga ularda amaliy ko’nikma va malakalarni shakllantirish va ilmiy dunYoqarashini rivojlantirishdan iborat.
Fanning vazifasi – bo’lajak o’qituvchilarni Kadrlar tayyorlash milliy dasturi asosida o’quvchilarni g’oyaviy-mafkuraviy tarbiyalash va ta’limni samarali tashkil etishga o’rgatish. Kasb yo’nalishi asosini tashkil etuvchi fizik nazariyalar va qonunlarni o’kitishda innovatsion usullardan foydalanish hamda talabalarni mustaqil ishlash faoliyatniga o’rgatishdan iborat.
1.2. Fanni o’zlashtirishga qo’yiladigan talablar. Fanni o’zlashtirishga qo’yiladigan talablar Davlat ta’lim standartidagi malakaviy tavsifga muvofiq ishlab chiqiladi va quyidagicha bayon etiladi.
«Umumiy fizika: Elektromagnetizm” fanni o’zlashtirish jarayonida amalga oshiradigan masalalar doirasida bakalavr:
- fizika qonunlari va fizik hodisalarning mohiyatini, ularning matematik ifodalanishlarini, o’zaro bir-birlari bilan bog’lanishlarini, ilg’or pedagogik texnologiya asoslarini; pedagogik va fizik terminologiyalarni fizik asboblarning ishlash tamoyillarini bilishi kerak;
- nazariy bilimlarni amaliyotga qo’llash, fizik asboblar bilan ishlash, fizik doimiylar jadvallari bilan ishlash, masalalar yechish ko’nikmalariga ega bo’lishi kerak;
- ilmiy-metodik adabiyotlar bilan ishlash, zaruriy metodik yo’riqnomalar tuzish; ta’limning axborot texnologiyalaridan foydalana olish, masalalar yechish, laboratoriya ishlari qurilmalarini yig’ish va tajribalar o’tkazish, tajriba xatoliklarini hisoblash malakalariga ega bo’lishi kerak.
