Ekologik muammolarni insoniyat tomonidan hamkorlikda hal etilishi V.I.Vernadskiy tomonidan noosfera kontseptsiyasi doirasida, o’tgan asrning boshlarida ta'kidlab o’tilgan. Global
hamkorlik doirasida ekologik muammolarni yechimini topishga barcha davlatlar, millatlar va
mamlakatlar jalb etilishi hayotiy zaruratdir.
“Ekologik muammo hozirgi paytda butun sayyoramizga daxldor muammo bo'lib qoldi... Ekologik
muammolarni hal etishga bevosita qatnashish, u yoki bu darajada hissa qo'shish, umumdavlat,
umumxalq, umuminsoniyat ishidir. Bu umumbashariy muammo yechimidan hech kim – na bir davlat va siyosat arbobi, na biron-bir musulmon yoki nasroniy chetda qolmasligi kerak.” Karimov I.A.
O'zbekiston XXI asr bo'sag'asida: ... 1997 y. “Asrlar tutash kelgan pallada butun insoniyat,
mamlakatimiz aholisi juda katta ekologik xavfga duch kelib qoldi. Buni sezmaslik, qo'l
qovushtirib o'tirish o'z-o'zini o'limga mahkum etish bilan barobardir. Afsuski hali ko'plar ushbu
muammoga beparvolik va ma'suliyatsizlik bilan munosabatda bo'lmoqdalar”. Karimov I.A.
O'zbekiston XXI asr bo'sag'asida: ... 1997 y. “… har qaysi davlat, har qaysi millat
nafaqat yer osti va yer usti tabiiy boyliklari bilan, harbiy qudrati va ishlab chiqarish
salohiyati bilan, balki birinchi navbatda o'zining yuksak madaniyati va ma'naviyati bilan
kuchlidir” Karimov I.A. Barkamol avlod orzusi. 1999 y.
Keling, tabiat ertaga qanday bo'lishligini bir tasavvur etaylik! Ikki yo'l bor: 1. Inson
tabiat sirlarini o'rganib, unga madadkor bo'lib, hamkorlikda, garmonik holda yashashi
kerak... 2. Inson tabiat zahiralaridan hozirgi sur'atlarda foydalanib, biosferani ham,
davlatini ham, oilasini ham tanazzulga uchratishi kerak. Bu yo'ldan qaysi birini tanlash
insoniyatning o'ziga bog'liq...
Sizga taklifimiz: Tabiatning tabiiyligini saqlashga harakat qiling! Tabiatning yaxlitligini buzmang! Tabiatga ta'sir etishdan avval, har daqiqada ta'sir ortidan keladigan oqibatni o'ylang! Bu bilan o'zingizning, kelajak avlodingizning umr boqiyligini saqlab qolasiz.
