O'yinning tavsifi. O'yinchilar juft-juft bo'lib yoki guruh-guruh bo'lib o'ynashlari mumkin. O'yinchilar oyoqlarida lankani tepib o'ynaydilar: 5—10 ta oddiy tepishdan so'ngra, 5—10 ta sach (lanka tepilayotgan oyoqni yerga qo'ymasdan), 5—10 lur (tepayotgan oyoqni orqaga qilib tepish) bajarilishi kerak. O'yinchi bularning hammasini lankani yerga tushirmasdan bajarib bo'lgandan so'ng keyingi o'yin boshlanadi. Agarda o'yinchi qo'yilgan vazifani oxiri-gacha yetkaza olmasa, unda navbat keyingi o'yinchiga o'tadi. Berilgan vazifalarni to'liq va aniq bajargan O'yinchilar g'olib chiqadi.
Bu o'yin o'quvchilarda epchillik, -chaqqonlik, tezkorlik, chidamlilik, sakrovchanlik sifatlarini tarbiyalashga yordam beradi.
«Danak yashirish» O'yinga tayyorgarlik. O'yin bolalar bilan ayni o'rik pishgan vaqtda o'ynalib, o'rik danaklarini tashlab yubormasdan, ularni yig'ish kabi odatlarni shakllantiradi. Bu o'yinni juft-juft yoki guruhlargabo'linib o'ynasa bo'ladi. O'yinni birinchi bo'lib kim boshlashini aniqlash uchun o'yinchilardan bin qo'liga bir danakni yashiradi, uni topgan o'yinchi o'yinni boshlaydi.
O'yinning tavsifi.O'yin galinj olgan o'yinchi qo'liga siqqanicha danak oladi va shunday deydi: «Chanta-chanta, danaklarim nechta?» O'yinchilardan har kim o'z chamasini aytadi. Keyin danak yashirgan bola qo'lini ochadi va danaklarni sanaydi, kam aytgan ham, ortiq aytgan ham farqini danak bilan to'laydi.
«Oq terakmi, ko'k terak» O'yinning tavsifi. Barcha o'yinchilarbaravar qilib ikki koman-daga bo'linadilar. Har bir komanda o'z sardorini saylaydi. Har bir komandaning o'yinchilari bir-bMari bilan mahkam qo'l ushlashib turadilar. Bir komanda o'yinchilari baravariga «Oq terakmi, ko'k terak, bizdan sizga kim kerak?» deb raqib komandadan so'raydi. Ikkinchi komanda a'zolari «Sizdan bizga Mastura (qarshi komanda o'yinchilardan birining ismini aytib) kerak!» deydi. Ismi aytilgan o'yinchi kelib qarshi komanda qatnashchilari hosil qilib turgan «zanjirni» uzishga harakat qiladi. Agar zanjirni uza olsa, shu komanda o'yinchilaridan birini o'z komandasiga olib ketadi, uza olmasa, o'zi shu komandada qoladi. Shu tariqa o'yin galma-gal almashinib davom etaveradi.
