Fanning o`quv rejadagi boshqa fanlar bilan o`zaro bog’liqligi va uslubiy jihatdan uzviy ketma-ketligi
“Mintaqaviy turizm” fani umumkasbiy fan hisoblanib, 5-semestrda o’qitiladi. Dasturni amalga oshirish o’quv rejasida rejalashtirilgan “Mintaqaviy iqtisodiyot”, “Menejment”, “Marketing”, “Turizm”, “Xalqaro turizm” va boshqa fanlardan etarli bilim va ko’nikmalarga ega bo’lish talab etiladi. “Mintaqaviy turizm” fani “Turizmda transport xizmatlari”, “Turizmni rejalashtirish”, “Ekologik turizm”, “Turopereyting” va boshqa fanlarni o’rganishda asos bo’lib xizmat qiladi.
Fanning ishlab chiqarishdagi o`rni
Talabalarning “Mintaqaviy turizm” fanini o’zlashtirishlari uchun o’qitishning ilg’or va zamonaviy usullaridan foydalanish, yangi informatsion-pedagogik texnologiyalarni tadbiq qilish muhim axamiyatga egadir. Fanni o’zlashtirishda ma’ruza matnlari, tarqatma materiallar, elektron materiallardan foydalaniladi. “Mintaqaviy turizm” fanining ma’ruza va amaliy darslarda mos ravishda ilg’or pedagogik texnologiyalar, jumladan, Power Point dasturi keng qo’llaniladi.
Fanni o’qitishda zamonaviy axborot va pedagogik texnologiyalar hamda o’quv mashg’ulotlarini loyihalash
Mazkur fanni o’qitish jarayonida ta’limning zamonaviy medotlari, pedagogik va axborot-kommunikatsiya texnologiyalari qo’llanilishi nazarda tutilgan. Jumladan, zamonaviy kompyuter texnologiyalari yordamida prezentatsion va elektron-didaktik texnologiyalaridan, guruhli fikrlash, insert, FSMU, klaster kabi pedagogik texnologiyalarini qo’llash nazarda tutilgan.
Fanning mutaxassis tayyorlashdagi tutgan o`rni
Butun dunyo bo’yicha turistik xizmatlarga o’sib borayotgan talab eng avvalo ijtimoiy-iqtisodiy sabablar bilan izohlanadi (umumiy daromadlar o’sishi va bo’sh vaqtning ko’payishi, haq to’lanadigan ta’tillar muddati ko’payishi, nafaqa ta’minotining yetarli darajasi oila tarkibini bolalar kamayishi evaziga o’zgarishi va h.k). Shuningdek transport taraqqiyotidagi o’sish, uni arzonlashishi va hammaning qurbi etishi, valyuta cheklovlarining kamaytirilishi yoki bekor qilinishi, viza rejimining liberallashtirilishi kabilar.
Dostları ilə paylaş: |
