Vahid nəqliyyat sistemi fənnindən Fərdi Fəaliyyət

Yüklərin paketləşdirilməsi. Paketin yaradılması məsuliyyətli bir prosesdir. Onun keyfiyyəti paketin vəziyyətinə, yükün yükləmə - boşaldılması, daşınması və saxlanması zamanı onun keyfiyyət və kəmiyyətinin saxlanmasına təsir edir.
Yüklərin altlıqlara yığılması zamanı müxtəlif yığılma qaydalarından istifadə olunur.
Paketlərin qurulması və sökülməsinin mexanikləşdirilməsi və avtomatlaşdırılması üçün avtomat və yarımavtomat paketləşdirici qurğulardan istifadə olunur.
Altlıq parkı və onun səmərəliliyi. Q yük axınını mənimsəmək üçün lazım olan altlıqların sayı altlığın dövr vaxtından t_ad asılı olaraq (sutkalarla) aşağıdakı kimi təyin olunur.
A_s= Q t_ad n_e / q_a
burada Q - sutka ərzində bir istiqamətdəki yük axını, t/sutka
q_a - altlığın yük götürmə qabiliyyəti
n_e- altlıqların geri qaytarılmasındakı mümkün sapmaları nəzərə alan ehtiyat əmsalıdır.
Yüklərin altlıqlarla paketlərdə daşınması sürücünün və yükləmə - boşaltma işçilərinin əmək məhsuldarlığını, hərəkət tərkibinin istifadə səmərəliliyini artırır, ekspedisiya xərclərini azaldır, nəqliyyat prosesinin bütün mərhələlərində yüklərin qorunmasını təmin edir. Lakin yüklərin paketləşdirilməsinə sərf olunan xərclər hesablandıqda nəqliyyat vasitələrinin daşman yük vahidinə düşən yük götürmə qabiliyyətinin azalması, altlıqların hazırlanması və təmirinə əlavə xərclər də nəzərə alınmalıdır.
Daşman yükün 1 tonuna nəzərən altlıqların istismar xərclərini aşağıdakı ifadədən təyin etmək olar.
X _is = (X_h + X_t) t_ad / G_i t_x q_f
burada X_h - altlıqların hazırlanması xərcləri
X_t - altlığın bütün istismar müddəti ərzində təmir xərcləri
t_ad - altlığın dövrünün orta müddəti
G_i - altlığın il ərzindəki istismar günlərinin sayı
t_x - altlığın xidmət müddəti
q_f - altlığın faktiki yüküdür.
Altlığın dövr müddəti azaldıqca onun istifadə səmərəliliyi artır. Altlığın ölçülərinin avtomobillərin kuzasının ölçülərinə uyğunluğu böyük əhəmiyyət kəsb edir.