Savol: Mazkur vaziyatda tomonlar o‘rtasidagi nizo qay tartibda hal qilinadi? Bitimni haqiqiy emas deb topishga nima asos bo‘ladi? Vaziyatga huquqiy baho bering?
Savol: Mazkur vaziyatda tomonlar o‘rtasidagi nizo qay tartibda hal qilinadi? Bitimni haqiqiy emas deb topishga nima asos bo‘ladi? Vaziyatga huquqiy baho bering?
3-kazus Fuqaro Sharipov oldi-sotdi shartnomasiga asosan sotib olgan umumiy mulk hisoblangan uy-joyi uchun qo‘shni ko‘chmas mulk (er uchastkasi, boshqa ko‘chmas mulk) egasi qo‘shnisi fuqaro Asadovga o‘zganing yer uchastkasidan cheklangan tarzda, ya'ni o‘zi uyiga elektr uzatgich, aloqa va quvur liniyalarini o‘tkazish va ulardan foydalanish, suv bilan ta'minlash uchun foydalanish (servitut) huquqini berishni so‘radi.
Fuqaro Asadovga yer uchastkasiga servitut belgilanishi uning uchastkaga egalik qilish, undan foydalanish va uni tasarruf etish huquqlaridan mahrum etishligini ta'kidlab, qo‘shnisi fuqaro Sharipovning iltimosini rad qildi.
Fuqaro Sharipov qo‘shnisining yer uchastkasiga servitut belgilashni rad etish to‘g‘risidagi qaroriga norozi bo‘lgan holda fuqarolik ishlari bo‘yicha tuman sudiga servitut huquqini belgilab berish to‘g‘risida da'vo ariza bilan murojaat qildi.
Sud jarayonida umumiy mulk hisoblangan yer uchastkasidan foydalanishda, umumiy mol-mulk bo‘yicha soliqlar va boshqa majburiy to‘lovlarni to‘lashda, shuningdek mol-mulkni saqlash va asrash chiqimlarida qo‘shnisi ishtirok etmagan. Fuqaro Sharipov ushbu xarajatlarni to‘g‘ri taqsimlanishini talab qildi.
Muhokama qiling. Vaziyatga huquqiy baho bering?
4-kazus Qishloq xo‘jaligi mahsulotini yetishtirishga ixtisoslashgan “Bunyodkor” agrofirmasi va tayyorlovchi o‘rtasida qishloq xo‘jaligi mahsulotini qayta ishlash yuzasidan shartnoma tuzildi. Mazkur shartnoma taraflar vakillari tomonidan imzolandi. Shartnomada shartnomaning mavzusi, mahsulotning nomi, assortimenti, miqdori (hajmi), sifati, narxi (turlari bo‘yicha) shartlar kiritilishi taraflarning e'tiboridan chetda qolib ketdi. Biroq, taraflar bu holatni o‘xshash vaziyatdan kelib chiqqan holda kelishib ketishini belgilab olishdi.
Mazkur shartnomani ijro qilish maqsadida “Bunyodkor” agrofirmasi va “Qishloqqurilishbank” o‘rtasida qishloq xo‘jalik mahsulotlarini yetishtirishni moliyalashtirish maqsadida bitim tuzildi. Mazkur bitimga asosan “Bunyodkor” agrofirmasiga 200.000.000 so‘m moliyaviy mablag‘ ajratildi. Ushbu mablag‘larni qaytarilishini ta'minlash maqsadida mevali daraxtlar garovga qo‘yildi. Ob-havoning noqulay kelishi natijasida mevali daraxtlar nobud bo‘ldi. Bundan xabardor bo‘lgan bank “Bunyodkor” agrofirmasidan garov predmetini almashtirishni talab qildi.
