10-Laboratoriya ishi Mavzu: Tuzlarning kimyoviy xossalariga oid tajribalar Darsning maqsadi

2-tajriba. Anion kompleks birikmaning olinishi. Probirkaga 2-3 ml 0,1 M simob (II)- nitrat Hg(NO₃)₂eritmasidan quying va unga to cho’kma hosil bo’lguncha kaliy yodid KJ eritmasidan tomchilatib qo’shing. Cho’kmaning rangiga e’tibor bering. Cho’kma eriguncha yana kaliy yodid qo’shing.

K₂[HgJ₄] hosil bo’lish reaksiyasining molekulyar va ionli tenglamalarini yozing. Kompleks birikmaning nomini yozing.

3-tajriba. Kation kompleks birikmalarning olinishi.

a). Probirkaga 2-3 ml 0,5 n CuSO₄ eritmasidan quying. Unga avval to (CuOH)₂SO₄ cho’kmasi hosil bo’lguncha, so’ngra yana cho’kma erib ketguncha ammiak eritmasidan tomchilatib quying. Hosil bo’lgan kompleks ion [Cu(NH₃)₄]²⁺ ning rangi qanday? Cho’kma hosil bo’lishi va uning erish reaksiyalarining tenglamalarini yozing.

Hosil qilingan eritmani ikkita probirkaga bo’ling. Probirkalardan biriga NaOH eritmasidan, ikkinchisiga Na₂S eritmasidan qo’shing va ularning birida cho’kma hosil bo’lishini kuzating. Cu(OH)₂ va СuS larning eruvchanlik ko’paytmasiga asoslanib, cho’kma hosil bo’lish sababini tushuntiring.

b). 2-3 ml 0,1 n AgNO₃ eritmasiga bir necha tomchi NaCl eritmasidan qo’shing va AgCl cho’kmasi hosil bo’lishini ko’ring. Cho’kma erib ketguncha ammiak eritmasidan qo’shing va kompleks tuz diamin-kumush (I)-xlorid hosil bo’lishi reaksiya tenglamasini yozing.

Hosil qilingan eritmaga AgCl cho’kmasi hosil bo’lguncha suyultirilgan nitrat kislota qo’shing. Sodir bo’lgan o’zgarishning sababini tushuntiring va reaksiya tenglamasini yozing.