Ali-Muhammedin sirleri indd
Təlhə və Zübeyrin vasitəsilə Peyğəmbərin (s) zövcəsinin
Yüklə 1,7 Mb. Pdf görüntüsü
|
|
Təlhə və Zübeyrin vasitəsilə Peyğəmbərin (s) zövcəsinin
savaşa çıxarılması Sonra Əli (ə) Təlhəyə üzünü tutub dedi: “Ey Təlhə! Qadınlarınız da sizinlədir?” Təlhə dedi: “Xeyr”. Əli (ə) buyurdu: “Siz elə bir qadına etimad etdiniz ki, Allahın kitabında onun evində oturması əmr edilmişdir. Öz qadınla- rınızı çadır və xeymələrinizdə qoruduğunuz halda onu (hər kəsə) göstərdiniz. Nə Peyğəmbərə (s) və nə də özünüzə qarşı insafl ı rəftar etdiniz. Öz qadınla- rınızı evlərdə oturtdunuz, amma Peyğəmbərin (s) həyat yoldaşını çölə çıxar- dınız. Halbuki Allah onlarla yalnız pərdə arxasından danışmağı əmr etmişdir. Mənə Abdullah ibn Zübeyrin imam olaraq sizə namaz qıldırmasından xəbər ver! İkinizdən biri digərindən razı deyilmi? Həmçinin, bədəviləri mənimlə döyüşə dəvət etməyinizdən də xəbər ver! Sizi buna məcbur edən nə idi?” Təlhə dedi: “Ey, biz şurada altı nəfər idik. Bizdən biri (Əbdürrəhman ibn Ovf) öldü və digəri də (Osman) öldürüldü. Bu gün dörd nəfər qalmışıq və heç birimiz səni istəmirik”. Əli (ə) buyurdu: “Bu mənim əleyhimə deyil. Biz şurada ikən iş bizdən başqasının əlində idi. Amma bu gün mənim əlimdədir. Mən Osmana beyət etdikdən sonra xilafəti məsələsini yenidən şuraya qaytara bilərdimmi? Buna ixtiyarım vardı?” Təlhə dedi: “Xeyr”. Əli (ə) “Niyə?” deyə soruşdu. Təlhə dedi: “Çünki sən öz istəyinlə beyət etmişdin”. Əli (ə) buyurdu: “Bu necə olur? Ənsar qılınclarını çəkərək “Əgər öz içinizdən birinə beyət etsəniz, məsələni bitirərsiniz. Əks halda hamınızın bo- yununu vuracağıq” dedikləri halda necə öz istəyimlə beyət etmiş sayılıram?! Məgər siz ikiniz mənə beyət etdiyiniz zaman sənə və yoldaşlarına belə bir söz 170 Suleym ibn Qeys Hilali deyildimi? Zorla beyət etdirilmək barədə mənim dəlilim səninkindən daha açıqdır. Sən və yoldaşın məcburiyyət olmadan, öz istəyinizlə mənə beyət et- diniz. Siz bunu edən ilk kəslər idiniz və sizə heç kim “Beyət etməlisən, yoxsa sizi öldürərik” demədi”. Təlhə geri döndü və döyüş başladı. Təlhə öldürüldü və Zübeyr məğlub oldu 1 . 1 Zübeyr döyüşdən qaçmış, Bəsrə şəhəri kənarında Əmr ibn Cərmuz tərəfi ndən qətlə yetirilmişdi. |