Aləmdə baş verənlərin yazılmış olduğu kitab Əlidədir (ə) Süleym dedi: “Hüseyn (ə) qətlə yetirildikdə İbn Abbas hönkürtü ilə ağladı.
Sonra dedi: “Bu ümmət Peyğəmbərindən sonra nələr gördü? İlahi, Səni şahid
tuturam ki, Əli ibn Əbu Talibi (ə) və onun övladlarını sevirəm. Onun və övlad-
larının düşmənlərindən uzağam. Mən onların əmrlərinə təsliməm.
Əlinin (ə) kitabında Əhli-Beytə (ə) olunacaq zülmlər barədə xəbərlər Zi-Qarda Əlinin (ə) yanına getdim. Bir kitab çıxartdı və dedi: “Ey İbn Ab-
bas! Bu kitabı Peyğəmbər (s) mənə imla etmiş və mən də öz əlimlə yazmışam”.
Dedim: “Ey Möminlərin əmiri! Onu mənim üçün oxu!”
Kitabı oxudu. Kitabda Peyğəmbərin (s) vəfatından bəri Hüseynin (ə)
qətlinədək olan hər şey yazılmışdı. Necə öldürüləcəyi, onu kimin öldürəcəyi,
kimlərin ona yardım edəcəyi və kimlər onunla birlikdə şəhid olacaqları... Bun-
dan sonra Əli (ə) o qədər ağladı ki, məni də ağlatdı.
Mənə oxuduğu kitabda bunlar vardı: ona qarşı necə davranacaqları, Fatiməni
necə şəhid edəcəkləri, oğlu Hüseynin necə şəhid olacağı və ümmət ona necə
xəyanət edəcəyi. Hüseynin necə öldürüləcəyini və onu kimin öldürəcəyini oxu-
duğunda çox şiddətlə ağladı. Sonra qiyamətə qədər olacaq hadisələri oxumadan
kitabı bağladı.
