Ağırlıq mərkəzinin təyini – ağırlıq mərkəzi həm ölçmə, həm də hesablama üsulu ilə təyin edilir. Bədənin ümumi ağırlıq mərkəzini Borelli, Veber qardaşları, Meyler, İvanitski təyin etmişlər. Əsas duruş vəziyyətində ağırlıq mərkəzi 2 – ci oma fəqərəsi səviyyəsində yerləşir. Qadınlarda bir qədər aşağıda yerləşir. İnsan hərəkətdə olanda a.m. yerini dəyişir.
Mühazirə 6.
Fiziki məşğələlər hərəkətin idarəetmə sistemi kimi.
Biomexanikada idman hərəkətləri idmançının özü tərəfindən idarə olunan hərəkət sistemi kimi öyrənilir. İdman texnikasına yaxşı yiyələnmək üçün, idarəetmənin necə təşkil olunduğunu və texnikanın formalaşması və təkmilləşməsində nə kimi dəyişikliklər baş verdiyini bilmək lazımdır.
İnsanın hərəkət sistemi idarə etmə nöqteyi – nəzərindən müəyyən ardıcıllıqla öyrənilir: 1) sistemin tərkibi və strukturası. 2) sistemin vəziyyəti, yəni onun hərəkətlərinin xarakteristikası. 3) hərəkət proseslərinin necə icra olunması. 4) hansı təsirlər və yollar son məqsədə çatdırır. Bütün bunlar sistemin idarə olunmasıdır.
İdman texnikaında əsas idarəedici təsirlər əzələ qüvvələridir ki, lazımi istiqamətdə sistemin vəziyyətini dəyişirlər.
İdarəetmə prosesləri bütövlükdə tsiklik xarakter daşıyır. N.A.Bernşteyn qarşılıqlı təsiri periferik və mərkəzi hissələrə ayırmışdır. Periferik hissə ondan ibarətdir ki, idmançının bədəni - əzələ qüvvəsi xarici qüvvələrə təsir edir, xarici qüvvələr isə əks təsir göstərərək əzələ qüvvəsinin dəyişikliyinə səbəb olur.
Qarşılıqlı təsirin mərkəzi hissəsi (beyin) idmançı bədənidir. Beyin öz əmrlərilə əzələnin halını və deməli hərəkəti dəyişdirir. İdmançı bədənin hərəkətləri ilə əmələ gələn siqnallar isə beyin tərəfindən idarə olunmaya təsir göstərir.
Dostları ilə paylaş: | 
