ADİL MƏMMƏDOV Naxçıvan MR Xəstəxanası Travmatologiya şöbəsi UOT:616 DAYAQ-HƏRƏKƏT APARATI YAD CİSİMLƏRİ SAHƏSİNDƏ YENİLİKLƏRİMİZ
Ta qədimlərdən soyuq və odlu silah münaqişələri ilə əlaqədar yad cisim (YC)
məsələsi hərbi səhra cərrahlarını narahat edən aktual problemlərdən olmuşdur. Lakin, təcrübə
göstərir ki, dinc dövr cərrahiyyəsində yad cisimlər heç də az yer tutmur (4).
İndiyədək dünyanın ən məşhur cərrahlarının bu mövzu ilə ciddi maraqlanması, yad
cisimlərin diaqnostika və çıxarılmasına aid yeni-yeni mütərəqqi təkliflər irəli sürmək
cəhdləri bu problemin hələ də öz həllini tapmamasına işarədir. Müdriklərin fikrincə – elm və
texnikanın hər hansı sahəsində yeni təkliflərə ehtiyac duyulursa, deməli, o problem hələ də
öz həllini tapmamışdır.
İndiyədək bədənin müxtəlif toxumalarından 500-dən artıq iynə, metal, şüşə, taxta
qırıqları, odlu silah mənşəli güllə, qırma, mərmi qəlpələri və s. yad cisimləri çıxartma
təcrübəmiz bizə bu sahədə 2 ixtira, 4 - səmərələşdirici təklif irəli sürməyə stimul vermişdir
(şəkil 1).
