Jigar to'qimasi yallig'lanishining klinik ko'rinishi jarayonning tarqalishiga, parenximaning shikastlanish darajasiga va mezenximal hujayralar reaksiyasiga qarab aniqlanadi. Qorin yuqori yarmida va o'ng qovurg'a ostida og'riq, jigar kattalashishi ya sariqlik uning asosiy klinik belgilari hisoblanadi.
Jigar faoliyatining buzilish belgilari ham ma’lum ahamiyatga ega bo'lib, ular to'g'risidagi ma’lumotlar jigar yetishmovchiligi bayon etilgan sahifalarda keltirilgan. Aksariyat bemorlarda yallig'lanishning umumklinik belgilari - isitmalash (ko'pincha subfebril) va intoksikatsiya (holsizlik, ko'p terlash va boshqalar), leykotsitoz, ECHT oshishi, oqsil, uglevod almashinuvining buzilishlari kuzatiladi. Jigar to'qimasi yallig'lanishining klinik belgilari ko'p hollarda unga olib kelgan kasallik - sepsis, autoimmun tizimli kasalliklar (sarkoidoz, tugunchali periarterit, tizimli qizil volchanka va boshqalar) negizida yaqqol ko'rinmasligi mumkin.
Ba’zan jigar to'qimasining yallig'lanishi oqibatida shikastlanishning o‘zi og'ir asoratlarga- (jigar parenximasining massiv nekrozi oqibatidagi jigar komasi, shishli - assitik, gemorragik sindrom va boshqalar) olib kelishi va ular kasallikning birinchi belgilari bo'lishi mumkin.
Ba’zan jigar to'qimasining yallig'lanishi oqibatida shikastlanishning o‘zi og'ir asoratlarga- (jigar parenximasining massiv nekrozi oqibatidagi jigar komasi, shishli - assitik, gemorragik sindrom va boshqalar) olib kelishi va ular kasallikning birinchi belgilari bo'lishi mumkin.
Shu bilan bir qatorda ko'p hollarda jigar to'qimasining yallig'lanishi (ayniqsa surunkali o'choqli) klinik belgilarsiz yoki minimal simptomlar bilan kechadi va asosan jigar kattalashishi bilan namoyon bo'ladi. Shuning uchun jigar to'qimasi yallig'lanishini o'z vaqtida tashhislash uchun zardobdagi quyida keltirilgan biokimyoviy o'zgarishlar muhim ahamiyatga ega.
