Fan bo’yicha talabalarning bilimi, ko’nikma va malakalariga qo’yiladigan talablar «Multimedia tizimlari va texnologiyalari» o’quv fanini o’zlashtirish jarayonida amalga oshiriladigan masalalar doirasida bakalavr:
Multimedia texnologiyalari haqida tushunchalar: multimedia - axborot turlari. Multimedianing texnik ta’minoti, multimediali axborotlarni almashishni tashkil etishni, multimediali ilovalarni yaratish texnologiyasini bilishi kerak;
grafik ma’lumotlar: videotizimlar va ularni sozlash, grafik ma’lumotlarni taqdim etish uchun qo‘llaniladigan asosiy fayl formatlari, fayl formatlarini o’zgartirish, grafik ma’lumotlarni hosil qilish, namoyish etish va tahrirlash dasturlaridan foydalanish ko’nikmalariga ega bo’lishi kerak;
zamonaviy axborot-kommunikasiya texnologiyalarini o’z predmet sohasida qo’llay olish, ovozli va video ma’lumotlarni taqdim etuvchi fayl formatlar va asosiy tamoyillar; ovoz kartasini va video ma’lumotlarni hosil qiluvchi texnik vositalarni o’rnatish hamda ularni sozlash; ovozli va video ma’lumotlarni hosil qilish, tahrirlash va ijro etish malakalariga ega bo’lish kerak.
Fanning o’quv rejadagi boshqa fanlar bilan o’zaro bog’liqligi;uslubiy jihatidan uzviyligi va ketma-ketligi Multimedia tizimlari va texnologiyalari fani asosiy kasbiy fanlaridan biri hisoblanib, 3-4-5-6 - semestrlarda o’qitiladi. Dasturni amalga oshirish o‘quv rejasidagi rejalashtirilgan nazariy informatika, algoritmlash va dasturlash tillari, ma’lumotlar bazasi va ularni boshqarish tizimlari fanlaridan olingan nazariy va amaliy bilimlarga tayanadi.
Fanning ta’limdagi o‘rni Multimedia tizimlari va texnologiyalari fanidan olingan bilim, ko’nikma va malakalar informatika o’qituvchisining umumta’lim maktablari, akademik litsey va kasb-hunar kollejlaridagi kasbiy faoliyatida asosiy o’rin tutib, yoshlarga bilim berishda va mutaxassis tayyorlashda muhim ahamiyat kasb etadi. Har bir kompyuterdan foydalanuvchining bilimlarini oshirib borishda yangi axborot texnologiyalarining yangi dasturiy ta’minotni ta’minlash bugungi kunda muhim masalalaridan biridir. Shuning uchun bo’lg’usi pedagog kadrlarni tayyorlashda yangi axborot texnologiyalaridan foydalanib multimedia texnologiyasini o’rgatish zamon talabidir
