Ormannıx. Bu sözə “meşəli” mənasında Azərbaycan dilinin Qa-
zax dialektində təsadüf edilib: Bura elə ormannıxdı kın doŋuza hır desəŋ girməz (4, 347).
Türk ədəbi dilində orman sözü “meşə” mənasında işlənir (75,
864): Vahşî hayvanlar gibi ormanlarda, ağaç kovuklarında saklanır- dı (Namık Kemal) (70, 2397). Meşə sözü isə “palıd” mənasını ifadə
edir (75, 763): O evlerin önlerine kuru meşe dallarıyla örtülü çardak- lar yapmışlar (Refik H.Karay) (70, 2032). E.Əzizov Azərbaycan dilin-
də meşə lekseminin işlənmə tarixinin daha qədim orman sözünün-
künün isə nisbətən yeni olduğunu qeyd edir. O, min ildən çox bun-
dan əvvəl Xəzər dənizinin cənub sahilində yaşamış elamitlərin dilin-
də meşə sözünün Azərbaycan dilindəki mənasında işlənməsinə əsas-
lanır: “Orman sözü, çox güman ki, Azərbaycan ərazisinə sonradan
gələn türk tayfalarının dili üçün səciyyəvi olmuş, buna görə də məh-
dud dairədə işlənmiş, ümumişlək sözlərin sırasına keçə bilməmiş-
dir” (24, 43). Orman, ormanlı, ormanlıq sözlərinə “meşə, meşəli, çox
ağaclı, meşəlik” mənasında Azərbaycan ədəbi dili nümunələrində
də rast gəlinib: Ətraf bir orman kimi ağaclıq idi (S. Hüseyn); Bəli, bi- zim kənd, daha doğrusu, bizim oba Səngər adlanan, meşəli, ormanlı uca dağın ətəyində yerləşir (S.Rəhimov); Burası qalın, sıx ormanlıq, sərt qayalıq, uçurumlu dərdlərlə qucaqlanmışdı (A.Şaiq) (12, 528).
