Ўзбекистон республикаси олий ва ўрта махсус таълими вазирлиги

Apellyasiya instansiyasida ish yuritish 
Ishda ishtirok etuvchi shaxslar tomonidan xo`jalik sudining qonuniy 
kuchga kirmagan hal qiluv qarori ustidan apellyasiya shikoyati berilishi 
mumkin. 
www.ziyouz.com kutubxonasi

---

Apellyasiya instansiyasida ish yuritish xo`jalik pro-sessual 
qonunchiligidagi yangi institut bo`lib, qonuniy kuchga kirmagan sud 
hujjatlarining qonuniyligi va asos-liligini tekshirishga mo`ljallangan.
Qonunda belgilangan barcha shaxslar birinchi instansiya sudining hal 
qiluv qarori ustidan apellyasiya shikoyati berishlari mumkin. Prokuror esa 
protest kiritishi mum-kin.
Hal qiluv qarori ustidan apellyasiya shikoyati bilan murojaat qilish 
huquqiga ishda qatnashmagan, biroq xo`ja-lik sudi uning huquq va 
majburiyatlariga daxldor qaror chiqargan shaxslar ham egadir. qonuniy 
kuchga kirmagan qaror ustidan tomonlarning huquqiy vorislari va uchinchi 
shaxslar ham shikoyat qilishlari mumkin.
Apellyasiya shikoyati obyekti sifatida faqat birinchi instansiya 
sudining qonuniy kuchga kirmagan hal qiluv qarori, shu jumladan, davlat 
idoralarining, fuqarolarning o`z-o`zini boshqarish idoralarining hujjatlarini 
haqi-qiy emas deb topish to`g`risidagi darhol ijro etilishi kerak bo`lgan hal 
qiluv qarorlari ham bo`lishi mumkin. 
Ishda ishtirok etuvchi shaxs apellyasiya shikoyatining nusxasini 
olgach, uning yuzasidan o`z yozma fikrini va yozma fikrning nusxalari 
ishda ishtirok etuvchi boshqa shaxslarga yuborilganini tasdiqlovchi 
dalillarni apellyasiya shikoyati ko`riladigan kungacha yetib borishini 
taminlaydigan muddatda xo`jalik sudiga yuboradilar. 
Apellyasiya instansiyasida ish yuritish xo`jalik sudlov ishlarini 
yuritishning tarkibiy qismidir. Shuning uchun, apellyasiya instansiyasida 
ishni birinchi instansiya xo`jalik sudida ko`rib chiqish qoidalari bo`yicha 
ko`rib chiqiladi, bunda apellyasiyani ko`rib chiqishning mohiyatidan kelib 
chiqadigan ayrim istisnolar bo`lishi mumkin. 
Apellyasiya shikoyatini ko`rib chiqishda qonunda belgilangan ishni 
birinchi instansiya xo`jalik sudida ko`rib chiqishni tartibga soluvchi 
meyorlar qo`llaniladi.
Birinchi instansiya sudidan farqli o`laroq, apellyasiya sudi barcha 
ishlarni kollegial tartibda ko`rib chiqadi, bunda qoida tariqasida sud raisi 
yoki uning o`rinbosari yoxud biror sudya raislik qiladi. 
Apellyasiya sudi hal qiluv qarorini to`laligicha yoki qisman bekor 
qilishi va shikoyatni ko`rmasdan qoldirishi yoki ishni yuritishni tugatishi 
mumkin. 
Birinchi instansiya sudi qonunda ko`rsatib o`tilgan holatlar bo`lgani 
holda ish yuritishni tugatmagan yoki davoni ko`rmasdan qoldirmagan 
bo`lsa va ishni mazmunan ko`rib, hal qiluv qarori chiqargan bo`lsa, 
apellyasiya instansiyasi sudi bunday qarorni to`la yoki qisman bekor 
www.ziyouz.com kutubxonasi

---

qilishi hamda ishni yuritishni tugatishi yoxud davoni to`la yoki qisman 
ko`rmasdan qoldirishi mumkin. 
Agar birinchi instansiya sudining hal qiluv qarori bekor qilinmasa va 
o`zgartirilmasa, hal qiluv qarori qonuniy kuchga kiradi va aynan u ijro 
etilishi kerak. 
Qaror qabul qilingan kunidan etiboran besh kunlik muddatda ishda 
ishtirok etuvchi shaxslarga topshirilganligi malum qilinadigan buyurtma 
xat orqali yuboriladi yoki tilxat bilan topshiriladi. Jo`natish uchun 
ajratilgan bu muddat XPKda apellyasiya shikoyatini ko`rish uchun 
ajratilgan bir oylik muddatga kirmaydi. 
Apellyasiya instansiyasining qarori ustidan kassasiya tartibida 
shikoyat qilinishi mumkin.