C++ dasturlash tili 1980 yillar boshida Bjarne Stroustrup tomonidan C dasturlash tiliga asoslangan holda yaratildi. C++ dasturlash tili juda ko’p qo’shimchalarni o’z ichiga olgan dasturlash tilidir. Bu qo’shimchalarning eng asosiysi ob’ektlar bilan ishlash olish imkoniyatidir. Dasturlarni tez va sifatli yozish hozirgi kunda katta ahamiyat kasb etmoqda. Buni ta’minlash uchun ob’ektli dasturlash g’oyasi ilgari surildi. C++ dasturlash tili esa gibrid tildir. Unda С dasturlash tiliga o’xshab strukturali dasturlash yoki yangicha, ob’ektlar bilan dasturlash mumkin. C++ dasturlash tili funksiya va ob’ektlarning juda boy kutubxonalariga ega. Ya’ni C++ dasturlash tilida dasturlashni o’rganish ikki qismga bo’linadi. Birinchisi bu C++ dasturlash tilini o’zini o’rganish, 2-si esa C++ da tilining standart kutubxonasidagi tayyor ob’ekt va funksiyalarini qo’llashni o’rganishdir.
