7-amaliy ish. Yuklanuvchi ko’rinishidagi dasturiy vositalarni tahlillash Amaliy ishdan maqsad

701-20 guruh talabasi G’oziyev Xasan

7-amaliy ish. Yuklanuvchi ko’rinishidagi dasturiy vositalarni tahlillash

Amaliy ishdan maqsad: Dasturiy vositalarni teskari muhandislik usullariga qarshi himoyalash bo’yicha amaliy ko’nikmaga ega bo’lish.

Nazariy qism

Dasturiy ta’minot nuqtai nazaridan, teskari muhandislik - bu qanday ishlashi va qanday algoritmlardan foydalanilganini bilish uchun kompilyasiya qilingan dasturni tadqiq qilish jarayoni. Dasturiy ta’minotni o’zgartirish qonuniy maqsadlarda, xususan, zararli dasturlarni tahlil qilish uchun ishlatilishi mumkin bo’lsada, u odatda xakerlar tomonidan noqonuniy harakatlar uchun ham foydalaniladi. Xususan, krek qilishda xakerlar tomonidan foydalaniladi. Shuning uchun dasturiy vositalarni yaratuvchilardan noqonuniy teskari muhandislik usullariga qarshi himoyani ta’minlash talab etiladi.

Dasturiy ta’minotni tahlil qilishning bir qancha yondashuvlari mavjud:

1. Tarmoq orqali almashinadigan ma’lumotlarni tahlil qilish uchun paket sniferlari yordamida tahlil qilish.

2. Dasturiy vosita kodini assambler tiliga ifodalash orqali tahlil qilish.

Dasturiy ta’minotni teskari muhandislikdan himoyalashning to’liq kafolatlangan usuli mavjud bo’lmasada, ushbu jarayonni murakkablashtirishga harakat qilish talab etiladi. Amaliy qismda ularning ayrimlari bilan tanishib chiqiladi.