1
AZƏRBAYCAN RESPUBLİKASININ
İNSAN HÜQUQLARI ÜZRƏ MÜVƏKKİLİ
(OMBUDSMAN)
MƏHKUMLARIN HÜQUQİ VƏZİYYƏTİ
BAKI 2003
2
AZƏRBAYCAN RESPUBLİKASININ
İNSAN HÜQUQLARI ÜZRƏ MÜVƏKKİLİ
(OMBUDSMAN), PROFESSOR
ELMİRA SÜLEYMANOVANIN
ÜMUMİ REDAKTƏSİ İLƏ
Rəyçilər:
1. Aydın Qasımov
Azərbaycan Respublikası Ədliyyə Nazirinin müavini,
Məhkəmə Qərarlarının İcrası Baş İdarəsinin rəisi
2. Musa Hümbətov
Bakı Dövlət Universitetinin müəllimi, beynəlxalq ekspert
Tərtib edən:
Aydın Səfixanlı
Azərbaycan Respublikasının İnsan Hüquqları üzrə Müvəkkilinin
(Ombudsmanın) Aparatı Elmi-analitik şöbənin baş məsləhətçisi
Məhkumların hüquqi vəziyyəti, Bakı, Qanun 2003, s. 60
BMT-nin İnkişaf Proqramının maliyyə dəstəyi ilə dərc edilən bu kitabda
məhkumların milli qanunvericilikdə və beynəlxalq sənədlərdə təsbit olunmuş
hüquq və vəzifələri təhlil edilmişdir.
Kitab cəza məhkumların, cəzaçəkmə müəssisələrinin işçi heyyətinin,
hüquqşünasların, insan hüquq və azadlıqları problemləri ilə məşğul olan
qeyri-hökumət təşkilatlarının, habelə ali məktəb müəllimlərinin və
tələbələrinin istifadəsi üçün tövsiyyə olunur.
Q 1300130003-014 03-014
Az2
AB022051
© Azərbaycan Respublikasının İnsan Hüquqları üzrə Müvəkkili
(Ombudsman)
© Qanun
3
Məhkumların hüquqi vəziyyəti
Mündəricat:
Ön söz…………………………………………………………………….4
1. Azərbaycan Respublikasının Qanunvericiliyində məhkumların
hüquqi vəziyyəti…………………………………………………………...…6
2. Məhbuslarla beynəlxalq minimal standart davranış
qaydaları……………………………….……………………………………17
3. Avropa
penitensiar
qaydaları………………………………………35
4.
İstifadə olunmuş ədəbiyyat……………………...…………………57
4
Ön söz
Müstəqillik əldə etdikdən sonra hüquqi dövlət quruculuğu yolunu seçmiş
Azərbaycan Respublikası insan hüquqlarının və azadlıqlarının təmin
edilməsini dövlətin ali məqsədi kimi qəbul edərək, bu sahədə bir sıra hüquqi
islahatlar həyata keçirməyə başladı.
Azərbaycan Respublikası beynəlxalq hüquq normalarının primatlığı
prinsipini qəbul edərək, öz milli qanunvericiliyini beynəlxalq müqavilələrin
normalarına uyğun təkmilləşdirilməsi istiqamətində mühüm tədbirlər həyata
keçirmişdir.
1995-ci il 12 noyabr tarixdə qəbul edilmiş Azərbaycan Respublikasının
ilk milli Konstitusiyasında insan hüquqlarına dair beynəlxalq müqavilələrdə
nəzərdə tutulmuş insan hüquq və azadlıqları tam və əhatəli şəkildə təsbit
olunmuşdur.
Azərbaycan Respublikasının Konstitusiyasında təsbit olunmuş insan və
vətəndaş hüquqlarının daha effektiv təmin edilməsi məqsədi ilə Azərbaycan
Respublikasının Prezidenti bu sahədə mühüm fərman və sərəncamlar
imzalamışdır.
Azərbaycan Respublikasının Prezidentinin «İnsan və vətəndaş
hüquqlarının və azadlıqlarının təmin edilməsi sahəsində tədbirlər haqqında»
1998-ci il 22 fevral tarixli Fərmanı insan və vətəndaş hüquqlarının təmini
istiqamətində mühüm tədbirlər planı müəyyən etmişdir. Həyata keçirilən
tədbirlərin səmərəliyini artırmaq məqsədi ilə Azərbaycan Respublikası
Prezidentinin 1998-ci il 18 iyun tarixli 832 saylı Sərəncamı ilə «İnsan
hüquqlarının müdafiəsinə dair Dövlət Proqramı» təstiq edilmişdir.
Azərbaycanda insan hüquqlarının qorunması ilə bağlı aparılan islahatların
bir istiqaməti də məhkumların hüquqlarının qorunması məqsədi ilə
penitensiar sahədə həyata keçirilən tədbirlərdir.
Azərbaycan Respublikasının 1 sentyabr 2000-ci ildən qüvvəyə minmiş
yeni Cəzaların İcrası Məcəlləsi ölkədə həyata keçirilən məhkəmə-hüquq
islahatlarının tərkib hissəsidir. Azərbaycan Respublikasının ilk müstəqil
Konstitusiyasına, dövlətimizin tərəfdar çıxdığı beynəlxalq sənədlərə müvafıq
hazırlanmış bu yeni qanunverici akt öz humanistliyinə, demokratikliyinə və
insan hüquq və azadlıqlarının etibarlı təminatına imkan yaradan icra
mexanizminə görə sabiq məcəllədən kəskin şəkildə fərqlənir. Yeni məcəllədə
diqqəti xüsusilə cəlb edən məsələlərdən biri də məhkumların hüquqi
vəziyyətinin kifayət qədər geniş və ətraflı müəyyən
5
edilməsidir. Belə ki, sabiq İslah Əmək Məcəlləsində məhkumların hüquqi
vəziyyətinə aydınlıq gətirən məsələyə cəmi bir maddə həsr olunmuşdursa,
yeni məcəllədə məhkumların hüquqi vəziyyətinə müstəqil bölmə həsr
olunmuş, məhkumların malik olduğu hüquq və azadlıqlar daha əhatəli şəkildə
öz təsbitini tapmışdır. Məlumdur ki, məhkumların hüquqi vəziyyəti onların
hüquq və azadlıqlarının, qanuni mənafelərinin və vəzifələrinin məcmusundan
ibarətdir. Məhkumların əsas hüquqlarının bilavasitə qanunverici tərəfindən
müəyyən edilməsi heç də təsadüfi deyildir. Qanunverici bununla məhkumları
cəzaların icrası prosesində iştirak edən əsas subyektlər sırasına daxil etmiş və
islah olunma prosesində onların iştirakının vacibliyini bir daha göstərmişdir.
Qeyd olunanlarla əlaqədar son illərdə məhkumların bu hüququnun həyata
keçirilməsi, yəni onlara öz hüquq və azadlıqları, vəzifələri barəsində məlumat
verilməsi sahəsində istər dövlət, istərsə qeyri-hökumət təşkilatları tərəfındən
müəyyən işlər görülsə də, bu tədbirlərin fəal şəkildə davam etdirilməsinə
yenə də ehtiyac duyulur. Bu ehtiyacı nəzərə alaraq Azərbaycan
Respublikasının İnsan Hüquqları üzrə Müvəkkili (Ombudsman) Aparatı
«Məhkumların hüquqi vəziyyəti» adlı kitab hazırlamışdır. Kitabda
Azərbaycan Respublikasının Konstitusiyasına və Cəzaların İcrası
Məcəlləsinə istinadən məhkumların hüquqi vəziyyətinə kifayət qədər ətraflı
aydınlıq gətirilmişdir. Burada ardıcıllıqla məhkumların əsas hüquqları təhlil
edilmiş, cəza çəkən şəxslərin vəzifələrinə və onlara riayət edilməsinin
vacibliyinə diqqət yetirilmişdir. Kitabda diqqəti onun anlaşıqlı dildə
yazılması cəlb edir. Kitaba məhkumların hüquq və azadlıqlarının
müdafiəsinə, onlarla davranışa həsr olunmuş iki beynəlxalq sənədin əlavə
edilməsi onun faydalılığını daha da artırır.
Kitab cəza çəkən məhkumların, cəzaçəkmə müəssisələrinin işçi heyətinin,
hüquqşünasların, insan hüquq və azadlıqları problemləri ilə məşğul olan
qeyri-hökumət təşkilatlarının, habelə təhsil müəssisələrinin istifadəsi üçün
tövsiyyə olunur.
Azərbaycan Respublikasının İnsan Hüquqları üzrə Müvəkkili
(Ombudsman) E. Süleymanova
6
1. Azərbaycan Respublikasının Qanunvericiliyində məhkumların hüquqi
vəziyyəti
Azərbaycan Respublikası Konstitusiyasının 53-cü maddəsinə əsasən,
Azərbaycan Respublikasının vətəndaşı heç bir halda Azərbaycan
Respublikası vətəndaşlığından məhrum edilə bilməz.
Azərbaycan Respublikasının vətəndaşı heç bir halda Azərbaycan
Respublikasından qovula və ya xarici dövlətə verilə bilməz.
Azərbaycan Respublikası onun ərazisindən kənarda müvəqqəti və ya
daimi yaşayan Azərbaycan Respublikası vətəndaşlarının hüquqi müdafiəsinə
təminat verir və onlara hamilik edir.
Məhkum - barəsində cəza təyin edən məhkəmə hökmü qanuni qüvvəyə
minmiş şəxsdir.
Azərbaycan dövləti məhkumların hüquq və azadlıqlarına, qanuni
mənafelərinə hörmət edir və onları qoruyur, məhkumlara islah edilmə
vasitələrinin tətbiq edilməsinin qanuniliyini, cəzaların icrası zamanı onların
hüquqi müdafiəsini və şəxsi təhlükəsizliyini təmin edir.
Cəzaların icrası və çəkilməsi zamanı məhkumların qanunvericiliklə
nəzərdə tutulmuş hüquq və azadlıqları təmin olunur.
Məhkumların hüquq və azadlıqları yalnız qanunvericiliklə müəyyən
olunmuş qaydada məhdudlaşdırıla bilər.
Dostları ilə paylaş: |