Boshlang’ich sinflarda matematikadan fakul`tativ dars namunalari

Boshlang’ich sinflarda matematikadan fakul`tativ dars namunalari

Fakultativ darslar 1968 yil kiritilgan. Boshlang‘ich sinflarga 2 soatdan berilgan. Shundan 1 soatini matematikaga berilgan.

Fakultativ darslarda darslikdagi o‘quv materialini takrorlamaydigan, lekin uni mustahkamlashga xizmat qiladigan o‘quv materiallar o‘rganiladi. Fakultativ mashg‘ulotlar-XTV tomonidan tasdiqlangan, o‘quv rejada ajratilgan soatlar bo‘yicha olib boriladi. Bu soat maktab ixtiyoridagi komponentlarga ko‘ra o‘quvchilar qiziqishiga qarab taqsimlanadi.

1-sinfda- choraklar bo‘yicha va III-choragini Matematikaga beriladi.

2-sinfda-yarim yillik bo‘yicha: Ona tili va Matematikaga.

3-4-sinflarda yillik: yoki ona tiliga yoki Matematikaga beriladi.

Fakultativ mashg‘ulotlarga jurnalda alohida sahifa ajratiladi va baholanmaydi, o‘quvchilar qiziqishiga ko‘ra rag‘batlantiriladi.

Fakultativ mashg‘ulotlarga 1-sinfda-32 soat hamda 2-3-4-sinflarda esa- 34 soat ajratiladi.

Fakultativ mashg‘ulotlar mazmuni quyidagicha tashkil etiladi:

1. Sharq mutafakkirlari merosini o‘rganish.

2. Ularning asarlarida uchraydigan ayrim boshlang‘ich sinflarga xos bo‘lgan matematik xossalar, qoidalar o‘rganiladi.

3. Murakkab masalalar.

4. Didaktik (krossvord, rebus, kvadratlar) topshiriqlar.

5. Mantiqiy (hazil, qiziqarli) masalalar. Bitta darsda ikkitasi o‘tkaziladi.

Masalan: IV sinfda matematikadan fakultativ mashg`ulotlarda quyidagi xossalardan foydalanish mumkin.

1. 
   Sharq mutafakkirlari merosini o‘rganish-ensiklopediyadan olinadi va 10 minut ajratiladi.
   
2. 
   Matematik xossalar:
   

(980-1037)

Abu Ali Husayn ibn Sino hayoti va ijodi

Abu Ali Husayn ibn Sino 980-yil Buxoro yaqinidagi Afshona qishlog‘ida dunyoga kеldi. Ibn Sino 18 yoshga yеtganda faqat Buxoroga emas, balki butun Sharqqa mashhur olim va tabib sifatida tanildi. U «Ash-shifo», «Najot» kitobi, «Donishnoma» asarlarida matеmatikaga oid fikrlarini bayon qilgan.

«Ash-shifo» asari 18 qismdan iborat bo‘lib, unda «kvadrivium», ya’ni matеmatikaga doir bo‘limlar: «Qisqartirilgan Yevklid», «Qisqartirilgan «Almagеst», «Sonlar fani», «Musiqa fani» dеb atalgan. «Qisqartirilgan Yevklid» bo‘limida planimеrtiyaga doir bo‘limi 58 ta’rif, 7 postulat, 5 aksioma va 169 jumladan iborat; stеrеomеtriyaga doir bo‘limida esa 16 ta’rif va 86 jumla bayon etilgan. «Sonlar fani» bo‘limi arifmеtikaga bag‘ishlangan bo‘lib, u 43 ta’rif va 201 jumlani o‘z ichiga oladi. Unda 9 soni yordamida sonlarni kvadratga va kubga ko‘tarish amallari to‘g‘riligini tеkshirish haqida qoidalar bеrilgan.

2. Matematik xossalar:

Sonlarning xossalari

Ibn Sino aytishicha sonlarning tabiiy qatori shunday berilgan:

1, 2, 3, 4, 5, 6, 7, 8, 9, 10, 11, 12, 13, ...

Bunday qatordagi har bir sonning boshqalariga turlicha bog`lanishlari xossalari olim tomonidan ko`rsatib beriladi.

Sonning eng ilgarigi mashhur xossasi

l. Har bir son yonidagi kichigi bilan kattasi yig`indisining yarmiga teng hamda o`zidan shunday teng uzoqlikdagi sonlar yig`indisining yarmiga teng.

Masalan, 5 ni tanlasak, yonidagi kichigi 4, kattasi 6. Ko`ra­mizki, 5=(4+6):2, bu 5 dan 3 va 7, 2 va 8 dan teng uzoqlikda, shu­ning uchun 5=(3+7):2 va 5=(2+8):2.

2. Har bir son o`z-o`ziga ko`paytmasining 2 martasiga 2 qo`shilgani bilan ikki yondagi qo`shni sonning o`z-o`ziga ko`paytmasi yig`indisiga teng bo`ladi.

Berilgan son 6 bo`lsin, yonidagi sonlar 5 va 7.

6 · 6 · 2 + 2 = 74, 5 · 5 + 7 · 7 = 74.

Demak, 6 · 6 · 2 + 2 = 5 · 5+7 · 7.

3. Har qanday sonning o`z-o`ziga ko`paytmasi unga qo`shni bo`lgan sonlar ko`paytmasiga bir qo`shilganiga teng:

Masalan, 5 · 5 = 4 · 6+1 yoki 8 · 8= 7 · 9 + 1.

4. Sonlar sanog`i toq bo`lsin: 1+2+3+4+5+6+7 — sanog`i 7 ta. Buni 7 + 6 + 5 + 4 + 3 + 2 + 1 ko`rinishda yoza­miz. Тushunish osonki, 7·(7+1):2=28.

5. Sonlar sanog`i juft bo`lsin: 1+2+3+4, sanog`i 4 ta. 4+3+2+1 ko`rinishda yozamiz, bundan 4·(4+1):2=10.

Qo`shishga tegishli xossalar

1. Sonlar ketma-ket ortib boruvchi bo`libgina qolmay, 2 tadan, 3 tadan, 4 tadan... ortib boruvchi bo`lsin.

Birov aytsaki, qatordagi sonlarning birinchisi 4, ikkinchisi 7, uchinchisi 10, ya`ni keyingi har biri oldingisidan 3 tadan ortiq bo`lsa, unday qatordagi 7 ta son yig`indisi qancha desa, shunday 2 ta qator yozamiz:

4 + 7 + 10 + 13 + 16 + 19 + 22 = 91

22 + 19 + 16 + 13 + 10 + 7 + 4 = 91.

Natijadan shu narsa ma’lum ki, bitta qator yig`indisi:

7 · ((4 + 22) : 2) = 7 · 13 = 91.

Demak, qatordagi sonlar yig`indisi birinchi son bilan oxirgi son yig`indisining yarmi bilan, qatordagi sonlar sanog`i ko`­paytmasiga teng bo`ladi.