Cərrahiyyə Klinikasında qırtlaq-udlağın karsinoması olan xəstədə rekonstruktiv



Yüklə 14,73 Mb.
Pdf görüntüsü
səhifə2/3
tarix12.12.2016
ölçüsü14,73 Mb.
1   2   3

“Hər  il  Almaniyada 

yaşayan  nəvələrim  də 

bura istirahətə gəlir”

Ümumi  kimya  və  toksikoloji 

kimya  kafedrasının  professoru 

Əhliman  Süleymanov: 

Ailəmlə 

birlikdə ardıcıl olaraq 15 ildir 

ki,  burada  istirahət  edirəm. 

Övladlarım burada böyüyüb. 

Demək olar ki, indi də nəvələrim 

burada  böyüyürlər.  Hətta 

Almaniyada  yaşayan  qızım 

da hər il öz uşaqlarını götürüb 

istirahət  üçün  bura  gəlir. 

İstirahətimiz  mənalı  keçir. 

Hər il müəyyən yeniliklərin də 

şahidi oluruq. Yeməkxanadakı 

müsbət dəyişiklikləri xüsusilə 

qeyd etmək istərdim.  Aşpazlar 

çox keyfiyyətli, ləzzətli xörək 

hazırlayırlar. Xanımlar əlavə 

xörək  hazırlamaq  qayğısın-

dan  azaddırlar.  İdman  mey-

dançaları genişləndirilib, təzə 

avadanlıqla  təchiz  olunub. 

İdman yarışlarına münsif kimi 

müəllim və professorlar dəvət 

olunurlar. 

Ümumi  gigiyena  kafedrasının 

dosenti  Elmira  Abasova: 

1998-

ci ildən hər il “Təbib” istirahət 

düşərgəsinə  gəlirik.  Nəvəm 

burada böyüyüb. Dostları ilə 

birlikdə müsabiqələrdə iştirak 

edir.  Bura  Nabranın  ən  gözəl 

guşəsidir,  dənizlə    meşənin 

qovuşduğu  bir  yerdir.  Hamı 

bir-birini tanıyır, bu ərazi kiçik 

bir  kəndi  xatırladır.  Uşaqlar 

da, böyüklər də hər yay bura 

gəlməyi səbirsizliklə gözləyirlər. 

Otaqlar  həm  xaricdən,  həm 

də  daxildən  rənglənib.  Yeni 

çarpayılar  alınıb.  3  dəfə 

qidalanma  rejiminə  keçilib. 

Bir  sözlə,  əməkdaşlarımızın 

mənalı  istirahəti  üçün 

yaradılan şəraitdən çox razıyıq 

və  bu  rahatlığı  yaradanlara 

minnətdarıq. 

İctimai  fənlər  kafedrasının 

dosenti  Yavər  Vəliyev:

 

Hörmətli 



rektorumuz  əməkdaşlara 

göstərilən  sosial  qayğını 

həmişə  diqqət  mərkəzində 

saxlayır. Bunun nəticəsidir ki, 

Nabranın ən gözəl guşələrinin 

birində    istirahət  edirik. 

Burada çox gözəl əhval-ruhiyyə 

vardır.  Cahangir  müəllim 

tez-tez  düşərgəyə  baş  çəkir, 

MƏNALI 

u

 



Hər  yay  Azərbaycan  Tibb  Universitetinin  Nabran-

da  yerləşən  istirahət  düşərgəsinə  ezam  olunuruq.  Əsas 

məqsədimiz  buradakı  şəraitlə  oxucularımızı  yaxından 

tanış  etmək,  istirahətin  təşkili,  əməkdaşlarımızın  necə 

dincəlməsi barədə fikirlərimizi onlarla bölüşməkdir. Bu il 

də ənənəmizə sadiq qalaraq elə bu məqsədlə avqustun 

əvvəllərində Nabrana yollanırıq. Doğma Xəzərin sahili bo-

yunca görməyə alışdığımız gözəl mənzərələri seyr edə-edə 

illərdir  bizdən  ötrü  doğmalaşan  məkana  çatırıq.  “Təbib” 

yazılan  lövhənin  qarşısından  keçərək  universitetimizə 

məxsus  əraziyə  daxil  olduqda  qürur  qarışıq  doğma  bir 

hiss qəlbimizə hakim kəsilir. Düşərgənin mərkəzi sayılan 

“Çardağın altı”nda “nəfəsimizi dərdikdən” sonra sakinlərlə 

hal-əhval tuturuq. Bir az havadan-sudan, ordan-burdan da-

nışıb söhbətin səmtini isti-isti bizə lazım olan istiqamətə 

yönəldirik.  Yəni  daha  çox  istirahətçilərin  ürək  sözlərini, 

arzu  və  təkliflərini  dinləməyə  üstünlük  verir,  onlardan 

necə istirahət etdiklərini soruşuruq.

31 avqust  2015-ci il

http://www.amu.edu.az

5

əməkdaşların  necə  istirahət 

etmələri  ilə  maraqlanır.    Elə 

bunun özü düşərgə sakinlərinə 

göstərilən diqqət və qayğının 

göstəricisidir.  Ümumiyyətlə, 

qayğı çox yüksəkdir. Sakinlər 

a r a s ı n d a 

s ə m i m i y y ə t , 

mehribançılıq hökm sürür. Sanki 

hamı eyni bir ailənin üzvüdür. 

Azər  müəllim  də  sağ  olsun, 

uşaqların  təhlükəsizliyini 

yüksək səviyyədə qoruyur.

«Atıcılıq  yarışını  da 

idman  növləri  sırasına 

daxil etmişik»

Sakinlərin  adını  tez­tez 

çəkdikləri  bədən  tərbiyəsi  və 

idman  kafedrasının  müəllimi, 

düşərgənin təlimatçı­xilasedicisi 

Azər  Bağırov

  burada  təşkil 

olunan  idman  yarışlarından 

həvəslə söhbər açır:



- Universitet əməkdaşlarının 

istirahəti  üçün  lazımi  şərait 

yaratmağa  çalışırıq.  Hər  il 

etdiyimiz yeniliklərlə insanları 

cəlb edirik. Birinci mərhələdə 

40-a  yaxın  uşaq  yarışlara 

qatılmışdı.  Yarışa  qatılan 

uşaqlarla həm dəniz sahilində, 

həm  düşərgənin  ərazisindəki 

idman meydançasında iməcilik 

həyata keçirdik. 

İdman  yarışları  əsasən 

domino, şahmat, dama, güllə 

atıcılığı  və  üzgüçülük  idman 

növü üzrə idi. Domino yarışına 

təxminən  25-ə  qədər  uşaq 

qatılmışdı. Birinci yerə Xəyal 

Hidayətzadə,  2-ci  yerə  Emil 

Quluzadə,  3-cü  yerə  isə  Ziya 

Bünyadzadə  layiq  görüldü. 

30-dan  çox  uşağın  qatıldığı 

dama yarışında 1-ci yerə Emil 

Quluzadə,  2-ci  yerə  Həmid 

Rzazadə,  3-cü  yerə  Fərid 

İsmayılov çıxdı. 

Müharibə  şəraitində  yaşa-

dığımız  bir  dövrdə  uşaqların 

böyük  marağına  səbəb  ola 

biləcəyini nəzərə alıb bu ildən 

xüsusi önəm verdiyimiz güllə 

atıcılığı  yarışında  1-ci  yerə 

Elton Əliyev, 2-ci yerə Samir 

Əliquliyev, 3-cü yerə isə Cəmil 

Cəfərov layiq görüldü. Deməli, 

bizim  uşaqların  arasında  da 

sərrast atıcılar yetişməkdədir 

ki , 

o nl ara 

g əl ə c ə k d ə 

torpaqlarımızın  müdafiəsini 

tam şəkildə etibar etmək olar. 

Hesab  edirəm  ki,  belə 

yarışların  keçirilməsi  çox 

zəruridir  və  yeniyetmələr 

arasında böyük maraq yaradır. 

Ümumi fiziki hazırlıq yarışı 5 

mərhələdən ibarətdir ki, buraya 

da qaçış, idman nərdivanında 

əllərlə  yerimək,  turnikdə 

dartınmaq,  yerdə  qolların 

açılıb-bükülməsini  həyata 

keçirmək  və  ayaqları  paralel 

vəziyyətdə saxlamaq daxildir. 

Bu  da  idmançıdan  böyük  bir 

iradə, cəsarət tələb edir. Birinci 

yerə  layiq  görülən  Samir 

Əliquliyev  turnikdə  16  dəfə 

dartındı, idman nərdivanında 14 

dəfə gedib qayıtdı və ayaqlarını 

paralel  vəziyyətdə  35  dəqiqə 

saxladı  ki, bu da V sinif şagirdi 

üçün yaxşı nəticədir. 2-ci yeri 

Rəşad Ağazadə, 3-cü yeri Fərid 

İsmayılov tutdu. 

Şahmat yarışına 25-ə qədər 

uşaq qatılmışdı. 1-ci yerə Eltun 

Əliyev, 2-ci yerə Məhəmmədəli 

Əliyev,  3-cü  yerə  Samir 

Əliquliyev layiq görüldü. Samir 

bütün yarışlarda öz bacarığını 

nümayiş etdirirdi. Düşünürəm 

ki, belə perspektivli uşaqlara 

həmişə böyük ehtiyacımız var 

və  onların  əsl  idmançı  kimi 

yetişmələri üçün  üzərlərində 

ardıcıl işləmək lazımdır. 

Üzgüçülüyün  əhəmiyyətini 

nəzərə alaraq idmanın bu növünü 

də daim diqqətdə saxlayırıq. Biz 

dənizdə iplə məsafə müəyyən 

edir,  yarışanların  qarşısında  

məqsəd qoyuruq ki, bu məsafəni 

üzməlidirlər. Onlar çalışırlar ki, 

qarşılarına  qoyulan  məqsədə 

nail olaraq normativi ödəsinlər. 

27 nəfərdən normativ götürüldü, 

9 nəfər də üzməyi öyrəndi.  

İkinci  növbədə  də  çox 

uşaq  qatılıb  yarışlara.  Həm 

böyüklər,  həm  də  kiçiklər 

arasında  ən  böyük  maraq 

atıcılıq  yarışına  oldu.  Bu 

yarışda 50-yə qədər iştirakçı 

vardı. Mükafatlar da müəyyən 

edildi. Kiçiklər arasında birinci 

yerə  Ceyhun  Məmmədli,  2-ci 

yerə  Anar  Əzimzadə,  3-cü 

yerə  isə  Nigar  Əlizadə  layiq 

görüldülər.  Nigar  yarışın  ən 

kiçik  yaşlı  iştirakçısıdır  və 

sərrast atıcı olmağa layiq bir 

qızdır. Böyüklər arasında 1-ci 

yerə  Cəlal  Məlikov,  2-ci  yerə 

Tərlan  Əliyev,  3-cü  yerə  isə 

Cavid  Ağazadə  çıxdı.  Dünən 

(avqustun 3-də) domino yarışını 

başa çatdırdıq. Gərgin mübarizə 

getdi və qaliblər müəyyənləşdi.  

Xəyal Hidayətzadə 1-ci, Mehin 

İsayeva  2-ci,  Vüqar  Əsmətov 

3-cü  yerə  layiq  görüldülər. 

Dama yarışının da püşkü atılıb. 

Uşaqlar günlərini çox mənalı 

keçirərək  futbol,  voleybol 

oynayırlar.  Azərbaycanın 

futbol klublarına da azarkeşlik 

edirik. 

Dənizdə  uşaqların  təh-

lükəsizliyini qorumaq məqsədi 

ilə  2 sahə yaratmışıq: 1-ci və 2-ci 

sahə. 2-ci sahənin girəcəyində 

şarlar  yerləşdirmişik,  ondan 

o  yana  üzüb  keçən  olmasın. 

Çalışırıq ki, bu qaydalara  hamı 

riayət eləsin. 

Öz fikirlərini bizimlə bölüşən 

ictimai fənlər kafedrasının do-

senti Məhəmməd Paşayev, la-

borant  Mehparə  Əliyeva,  uni-

versitetimizin əməkdaşı Fatma 

Əliyeva, Onkoloji Klinikanın baş 

tibb bacısı Kəmalə Zülfüqarova, 

həyat yoldaşı Azad Zülfüqarov, 

ictimai sağlamlıq və səhiyyənin 

təşkili kafedrasının professoru 

Vaqif Vəkilov və başqaları bu-

rada yaradılan rahat şəraitdən, 

onlara göstərilən diqqət və qay-

ğıdan razılıqla söhbət açdılar. 

Digər  həmsöhbətlərimiz  də 

istirahətlərindən, asudə vaxtla-

rının səmərəli keçməsindən bö-

yük həvəslə danışır, onlara bu 

şəraiti yaradanlara minnətdarlıq 

etməyi də unutmurlar.

“ Y e m ə k l ə r i n 

keyfiy yətindən  hamı 

razıdır”

Operativ cərrahlıq və topoqrafik 

anatomiya  kafedrasının  tədris 

hissə  müdiri,  baş  müəllim  Arif 

Kosayev:

 

Artıq  neçə  illərdir 



“Təbib” istirahət düşərgəsində 

dincəlirəm.  Əvvəllər  bura 

övladlarımla gəlirdim, indi 4 

nəvəmlə gəlirəm. Təəssüratım 

çox  yüksəkdir.    Hər  il  bura 

gələndə  hansısa  yeniliyin, 

dəyişikliyin  şahidi  oluram. 

Ərazidəki  səliqə -səhman 

göz  oxşayır.  Verilən  qidanın 

keyfiyyətindən hamı razıdır. Bu 

il heç kəs əlavə yemək hazırlamır. 

Bu  da  həm  xanımlarımızın, 

həm də bizim rahatlığımızdır 

ki,  əlavə  bazarlıq  etmirik.  

Düşərgədə  xidmət  göstərən 

insanların  böyük  qayğısını 

hiss  edirik.  Bu  da  Malik 

müəllimin uğurlu fəaliyyətinin 

nəticəsidir. Bakının istisindən 

qaçıb gəlmişik ki,  il boyu gərgin 

zehni əməkdən sonra yaranan 

yorğunluğumuzu  çıxaraq. 

Əməkdaşlarına  göstərdikləri 

diqqətə, qayğıya görə hörmətli 

rektorumuz akademik Əhliman 

Əmiraslanova,  Həmkarlar 

İttifaqı  Komitəsinin  sədri 

Cahangir  Qasımova  öz 

adımdan,    ailəmiz  adından 

minnətdarlığımı çatdırıram. 

Farmakologiya  kafedrasının 

professoru  Vəli  Əsmətov: 

Azərbaycan Tibb Universiteti 

bizim üçün müqəddəs bir yerdir. 

Bu  adla  bağlı  olan  hər  şey 

bizə əzizdir. “Təbib” istirahət 

güşərgəsi  də  ilk  növbədə 

universitetimizə  məxsus 

olduğuna  görə  dəyərlidir. 

Artıq  5-6  gündür  ki,  burada 

dincəlirik. Tam qayğı ilə əhatə 

olunmuşuq. Hətta Həmkarlar 

İttifaqı  Komitəsinin  sədri 

mənə zəng edərək necə istirahət 

etməyimizlə  maraqlanıb. 

İstirahət çox düzgün qurulub. 

Yaşlı  insanlar    və  uşaqlar 

üçün əlverişli şərait yaradılıb. 

Qidalanma normallaşıb. Hətta 

qidalanma  kaprizinə  malik 

olan adamlar da qorxmadan, 

İSTİRAHƏTİN ÜNVANI - «TƏBİB»

http://www.amu.edu.az

31 avqust 2015-ci il

6

Mütəxəssis sözü



P

rezident  İlham  Əliyevin  tapşırığına  uyğun  olaraq, 

dərman  vasitələrinin  qiymətlərinin  tənzimlənməsi 

prosesi  davam  etdirilir.  Məlumat  verildiyi  kimi,  Tarif 

(qiymət) Şurasının bu il iyulun 30-da keçirilmiş iclasında 

256 dərman vasitəsi üzrə qiymətlər təsdiq olunub.

Tarif  (qiymət)  Şurasının  avqustun  25­də  keçirilən 

növbəti  iclasında  isə  daha  801  dərman  vasitəsinin 

qiyməti müəyyənləşdirilib.

Şuranın  Katibliyindən  AZƏRTAC­a  bildirilib  ki, 

ümumilikdə,  elan  olunmuş  25  təsiredici  maddə  üzrə 

1057 dərman vasitəsinin qiymətləri tənzimlənib. Bunun 

nəticəsində hazırda satışda olan dərman vasitələrinin 

qiymətləri  ilə  müqayisədə  46  faiz  dərman  vasitəsinin 

qiyməti  2  dəfədən  çox,  24  faiz  dərman  vasitəsinin 

qiyməti 3 dəfədən çox ucuzlaşdırılıb. Bütövlükdə isə, 

həmin tərkib üzrə satışda olan dərman vasitələrinin 94 

faizi üzrə qiymətlər aşağı salınıb.

Bununla  da,  dövlət  qeydiyyatına  alınmış  dərman 

vasitələrinin  təqribən  15  faizinin  hazırkı  qiymətlərlə 

müqayisədə  əhəmiyyətli  dərəcədə  aşağı  olan  satış 

qiymətləri  təsdiqlənib.  Böyük  sosial  əhəmiyyət  kəsb 

edən bu proses bütün dərman vasitələrinin qiymətləri 

tənzimlənənədək  intensiv  şəkildə  davam  etdiriləcək 

və  bu  ilin  sonunadək  əksər  dərman  vasitələri  üzrə 

qiymətlərin tənzimlənməsi başa çatdırılacaq.

Əvvəllər  də  elan  edildiyi  kimi,  25  təsiredici  maddə 

(kombinə olunmuş dərman vasitələri istisna olmaqla) 

üzrə 1057 dərman vasitəsinin təsdiq edilmiş qiymətləri 

bu  il  sentyabrın  15­dən  qüvvəyə  minəcək.  Şuranın 

qərarına  əsasən,  həmin  tarixdən  etibarən  qiymətləri 

təsdiq  edilməyən  qeyd  olunan  tərkibli  dərman 

vasitələrinin  satışı  yalnız  qiymətlər  təsdiq  edildikdən 

sonra həyata keçirilə bilər.

İclasda daha 55 yeni təsiredici maddə üzrə dərman 

vasitələrinin 

qiymətlərinin 

təsdiqlənməsi 

üçün 


sənədlərin  (bəyannamələrin)  qəbulu  elan  olunub 

və  bunun  üçün  son  müddət  bu  il  sentyabrın  10­dək 

müəyyən edilib.

Tarif  (qiymət)  Şurasının  qərarları  və  qiymətləri 

tənzimlənmiş  dərman  vasitələrinin  siyahısı  ilə  Şu-

ranın  rəsmi  internet  səhifəsində  (www.tariff.gov.az) 

və  AZƏRTAC­ın  saytında  http://azertag.az/  tanış  ola 

bilərsiniz.



Tarif (qiymət) Şurasının növbəti iclasında daha 801 dərman 

vasitəsinin qiyməti təsdiq edilib

 

H



azırda damar və venala-

rın xroniki xəstəlikləri 

dünyada ən çox yayılmış 

xəstəliklər sırasındadır. 

Bunlar arasında daha 

çox varikozun adı çəkilir. 

Bu xəstəliklərin yaran-

ma səbəbi, profilaktikası, 

müayinə və müalicəsi 

haqqında Azərbaycan 

Tibb Universitetinin (ATU) 

professoru, tibb elmləri 

doktoru, Dünya və Avropa 

Damar Cərrahları Assosia-

siyasının üzvü Məhəmməd 

Kərimov danışıb.

      

  

- Bir millimetrlik sahə düşünək. Bu sahə 

Varikoz xəstəliyi doğrudanmı dünyada 

çox yayılıb? Bu xəstəliyin ən çox hansı 

növünə rast gəlinir və səbəbi nədir?

- Dünya üzrə statistikaya görə, hazırda 

əhalinin 40-50 faizi varikozdan əziyyət 

çəkir. Aşağı ətrafların (ayaqların) vena-

larının, yəni dərialtı səthinin venalarının 

varikoz genişlənməsi daha çox yayılıb. 

Əgər varikozun başlanğıc formasını 

(kiçik damarların genişlənməsini) də 

bura əlavə etsək, demək olar ki, varikoz 

xəstəliyi az qala əhalinin 70-80 faizini 

əhatə edir. Azərbaycanda varikozu artıq 

“xalq xəstəliyi” adlandırırlar.

Beynəlxalq araşdırmaların nəticələrinə 

görə, varikoz xəstəliklərinə qadınlar 

arasında daha çox rast gəlinir. Statistika-

ya fikir versək, qadınlar arasında varikoz 

35-50 faiz, kişilər arasında 25-35 faiz 

civarında rast gəlinir. Səbəbi odur ki, 

qadınlar varikoza meylli olurlar. Əgər 

qadın hamiləlik keçirərsə, bu, aşağı 

venozlara əlavə ağırlıq verir və variko-

zun yaranma ehtimalı daha da artır. Əgər 

qadın bir dəfə hamilə olarsa 40 faiz,  

üç dəfə hamiləlik keçirərsə, varikozun 

yaranma ehtimalı 360 faiz olur.

Varikozun yaranmasında üçüncü 

önəmli amil - birləşdirici toxuma siste-

minin anadangəlmə zəifliyi sindromu-

dur. İnsan orqanizmində iki skelet var: 

sümük skeleti və ona birləşik toxumadan 

ibarət olan skelet. İkinci skeletimiz bizim 

həyatımız üçün çox önəmli rol oynayır. 

Və bu toxuma bütün orqanlarda var, 

xüsusilə damarların divarında. Əgər bu 

sistemdə anadangəlmə  zəiflik varsa

onda varikozun yaranma ehtimalı daha 

çox olur. Anadangəlmə varikozu olan 

qadınların anası, xalası və yaxud digər 

qohumunda bu xəstəlik olur. Yəni, bu, 

həm də irsi xəstəlikdir.



- Belə çıxır, varikoz əsasən 

anadangəlmə faktorlarla əlaqəlidir?

- Yox, digər amillər həyatda rast 

gəlinən faktorlardır. Məsələn, oturaq 

həyat, saatlarla ayaqüstə durmaq, ağır 

fiziki işlə məşğul olmaq, yük qaldırmaq 

və s. davranışlar da varikozun əmələ 

gəlməsində böyük rol oynayır. Bunlar-

dan başqa, piylənmə, ağır çəki, xroniki 

kolitlər, qəbzlik də varikoz yaradan əsas 

faktorlardandır.

Varikoz xəstəliyinin daha çox C2 

və C3 variantlarına rast gəlinir. Yəni, 

əsasən diametri 3 mm-dən böyük olan 

damarların genişlənməsi ilə bizə daha 

çox müraciətlər olunur. Varikoz xroniki 

gedişə malik xəstəlikdir, uzun illər da-

vam edir. Əsasən yay aylarında qadınlar-

da ağrılar artır, soyuq aylarda isə azalır.

Varikozun daha çox rast gəlinən 

fəsadları arasında bunları saymaq olar: 

trombozlar, kəskin tromboz, tromboflebit 

. qanaxmalar, trofiki dəyişikliklərin və 

trofiki qanaxmaların baş verməsi. Bizə 

müraciət edən xəstələrin əksəriyyətində 

varikozun bu və ya digər fəsadı 

müşahidə olunur. Trafkiyaları olan 

xəstələrdə yaralar uzun illərlə sağalmır. 

Və onların sağalması demək olar ki, 

qeyri-mümkündür.


Kataloq: uploads -> xeberler -> tebib qezeti 2015
tebib qezeti 2015 -> Tibb Universitetində yeni əczaçılıq laboratoriyası açılıb Macarıstanın Azərbaycandakı səfiri Tibb Universitetində olub
tebib qezeti 2015 -> Dünyanın tanınmış ekspertləri atu-nun qonağı olub Tibb Universitetində elmi-praktik konfrans
tebib qezeti 2015 -> Əliağa Əlizadənin anadan olmasının 100 illiyinə həsr olunmuş elmi-praktik konfrans
tebib qezeti 2015 -> “heydəR ƏLİyev və azərbaycan nitq məDƏNİYYƏTİ” Kİtabinin
tebib qezeti 2015 -> Atu-da ana və uşaq sağlamlığına dair seminar keçirildi Azərbaycan Tibb Universitetində 2015-2016-cı tədris ilinin payız semestrinin imtahan sessiyasına hazırlığın
tebib qezeti 2015 -> Tibb Universitetində daha iki xəstəyə böyrək köçürüldü
tebib qezeti 2015 -> S.ƏLİyev: “TƏDRİSİn yüKSƏk səVİYYƏDƏ aparilmasi müƏLLİMLƏRİn təLƏBƏLƏRƏ olan

Yüklə 14,73 Mb.

Dostları ilə paylaş:
1   2   3




Verilənlər bazası müəlliflik hüququ ilə müdafiə olunur ©azkurs.org 2020
rəhbərliyinə müraciət

    Ana səhifə