1
İş № 2-1(105)-306/2016
AZƏRBAYCAN RESPUBLİKASI ADINDAN
Q Ə R A R
23 dekabr 2016-cıil
Sumqayıt şəhəri
Sumqayıt Apelyasiya Məhkəməsinin İnzibati - İqtisadi Kollegiyası
Sədrlik edən və məruzəçi-hakim Bəktaşi Səadət İnayət qızı,
hakimlər Quliyev Telman Osman oğlu və Rəhimov Elman Gülbaba oğlundan
ibarət tərkibdə, İsmayıl Samir Şahin oğlunun katibliyi,
İddiaçı İlyasova Əsli Qədimalı qızının iştirakı ilə,
İddiaçı İlyasova (Rzayeva) Əsli Qədimalı qızının cavabdeh Azərbaycan
Respublikası Müdafiyə Nazirliyi Mərkəzi Hərbi Həkim Komissiyasına qarşı 24 iyun
2014-cü il tarixli Hərbi Həkim Komissiyasının (qərarının) şəhadətnaməsinin
dəyişdirilib - xəstəliyin(min) hərbi xidmət dövründə alınması kimi qeyd olunmasının
cavabdehin üzərinə qoyulması tələbinə dair iddiası üzrə Sumqayıt İnzibati-İqtisadi
Məhkəməsinin 04 avqust 2015-ci il tarixli 2-1(85)-957/2015 saylı qərarından cavabdeh
tərəfindən verilmiş apelyasiya şikayətinə Sumqayıt Apelyasiya Məhkəməsinin
binasında şifahi məhkəmə iclasında baxaraq,
müəyyən etdi:
İddiaçı İlyasova Əsli Qədimalı qızı cavabdeh Azərbaycan Respublikası Müdafiə
Nazirliyinin Mərkəzi Hərbi Həkim Komissiyasına qarşı 24 iyun 2014-cü il tarixli
Hərbi
Həkim
Komissiyasının
(qərarının)
şəhadətnaməsinin
dəyişdirilib
-
xəstəliyin(min) hərbi xidmət dövründə alınması kimi qeyd olunmasının cavabdehin
üzərinə qoyulması barədə iddia ərizəsi ilə məhkəməyə müraciət etmişdir.
Sumqayıt İnzibati-İqtisadi Məhkəməsinin (hakim Z.Məmmədov) 04 avqust
2015-ci il tarixli qərarı ilə iddia təmin edilmişdir.
Həmin qərardan cavabdeh apelyasiya şikayəti verərək qərarın ləğv edilməsini
xahiş etmişdir.
Sumqayıt Apelyasiya Məhkəməsi inzibati-iqtisadi kollegiyasının 16 noyabr
2015-ci il tarixli qərardadı ilə apelyasiya şikayəti qismən təmin edilərək, birinci
instansiya məhkəməsinin qərarı ləğv edilmiş, iddia mümkün sayılmamışdır.
Həmin qərardaddan iddiaçı tərəfindən verilmiş kassasiya şikayəti Azərbaycan
Respublikası Ali Məhkəməsi inzibati-iqtisadi kollegiyasının 07 aprel 2016-cı il tarixli
qərarı ilə təmin edilərək, apelyasiya instansiya məhkəməsinin qərardadı ləğv edilmiş
və iş yeni apelyasiya baxışına qaytarılmışdır.
Cavabdeh apelyasiya şikayətində qeyd etmişdir ki, iddiaçı Ə.Rzayevaya aid 24
iyun 2014-cü il tarixli 1490 saylı xəstəlik haqqında şəhadətnamə cavabdeh tərəfindən
tərtib edilməmişdir. Bu səbəbdən qeyd edilən xəstəlik haqqında şəhadətnamədə
Müdafiə Nazirliyinin Mərkəzi Hərbi Həkim Komissiyası tərəfindən dəyişikliyin
aparılması mümkün deyildir. İddiaçı Silahlı Qüvvələrin Baş Klinik Hospitalın terapiya
profilli hospital hərbi-həkim komissiyası tərəfindən şəhadətləndirilmiş, 24.06.2014-cü
il tarixli 1490 saylı xəstəlik haqqında şəhadətnamə həmin hərbi-həkim komissiyası
tərəfındən tərtib edilmişdir. Bu səbəbdən Sumqayıt İnzibati-İqtisadi Məhkəməsi
tərəfindən cavabdeh kimi Silahlı Qüvvələrin Baş Klinik Hospitalı qəbul edilməli və
2
vətəndaş Ə.Rzayevaya aid 24.06.2014-cü il tarixli 1490 saylı xəstəlik haqqında
şəhadətnamədə dəyişikliyin aparılması öhdəliyi Silahlı Qüvvələrin Baş Klinik
Hospitalın üzərinə qoyulmalıdır. İddiaçı Bakı şəhəri Nizami rayon hərbi komissarlığı
(indiki adı Azərbaycan Respublikası Səfərbərlik və Hərbi Xidmətə Çağırış üzrə Dövlət
Xidmətinin Nizami rayon idarəsi) tərəfindən 01.03.1999-cu il tarixdə hərbi xidmətə
düzgün çağırılmamış və bunun məsuliyyətini Bakı şəhəri Nizami rayon hərbi
komissarlığı daşıyır. Ə.Rzayeva iddia ərizəsini Azərbaycan Respublikası Səfərbərlik
və Hərbi Xidmətə Çağırış üzrə Dövlət Xidmətinin Nizami rayon idarəsinə qarşı
verməlidir. Müdafiə Nazirinin 02.03.1997-ci il tarixli 30 saylı əmri ilə qüvvədə olmuş
“Hərbi-həkim ekspertizası haqqında Əsasnamə” nin “Xəstəliklər cədvəlinin” 80-cı
maddəsinin “b” bəndinə əsasən vətəndaş Ə.Rzayeva 01.03.1999-cu il tarixdə qan
dövranı çatışmazlığının mərhələsindən asılı olmayaraq “mədəciklərarası arakəsmənin
defekti” diaqnozu ilə hərbi xidmətə yararsız idi. Ə.Rzayevada mövcud olan və 2014-cü
ildə aşkar edilmiş xəstəlik hərbi xidmət dövründə yaranmamış, hərbi xidmət dövründə
ağırlaşmamış və bu səbəbdən xəstəliyin hərbi xidmətlə səbəbli əlaqəsi 24.06.2014-cü il
tarixdə Silahlı Qüvvələrin Baş Klinik Hospitalın terapiya profilli hospital hərbi-həkim
komissiyası tərəfindən «xəstəlikdir, hərbi xidmət dövründə alınmışdır» kimi düzgün
təyin edilmişdir.
Azərbaycan Respublikası Nazirlər Kabinetinin 29.02.2008-ci il tarixli 59 saylı
qərarı ilə təsdiq edilmiş «Hərbi-həkim ekspertizası haqqında Əsasnamə»-nintələbləri
ilə hərbi xidmət dövründə dispanserizasiyanın aparılması hərbi-həkim komissiyalarına
həvalə olunmuş və dispanserizasiya zamanı qüsura yol verildiyinin araşdırılması MN
MHHK-nın səlahiyyətində deyildir. Dispanserizasiyanın nəticələrinə görə cavabdeh
dispanserizasiyanın keçirildiyi hərbi-tibb müəssisəsi və həmin müəssisənin həkim-
mütəxəssisidir. Vətəndaş Ə.Rzayeva 24.06.2014-cü il tarixdə Silahlı Qüvvələrin Baş
Klinik
Hospitalın
terapiya
profilli
hərbi-həkim
komissiyası
tərəfindən
şəhadətləndirilmiş və onda təyin edilmiş “anadangəlmə ürək qüsuru: mədəciklərarası
arakəsmənin defekti, I (birinci) funksional sinif ürək çatışmazlığı” xəstəliyinə əsasən,
«Hərbi-həkim ekspertizası haqqında Əsasnamə»nin “Xəstəliklər cədvəlinin” 80-ci
maddəsinin “b” bəndinin III qrafası üzrə “sülh dövründə hərbi xidmətə yararsız,
müharibə dövründə məhdud yararlı” sayılmış və «Hərbi-həkim ekspertizası haqqında
Əsasnamə»nin 7.2-ci bəndinin e) yarımbəndinə əsasən anadangəlmə xəstəliyin hərbi
xidmətlə səbəbli əlaqəsi “ümumi xəstəlikdir” kimi təyin edilmişdir. Ə.Rzayevanın
diaqnozunda qeyd edilmiş “I (birinci) funksional sinif ürək çatışmazlığı” vətəndaşda
qan dövranı çatışmazlığının 0 (sıfır) olduğuna dəlalət edir. Vətəndaş Ə.Rzayevanın
anadangəlmə xəstəliyi hərbi xidmət dövründə ağırlaşmamışdır. Sumqayıt İnzibati-
İqtisadi Məhkəməsinin qərarı Azərbaycan Respublikası Nazirlər Kabinetinin
29.02.2008-ci il tarixli 59 saylı qərarı ilə təsdiq edilmiş «Hərbi-həkim ekspertizası
haqqında Əsasnamə»nin 7.2-ci bəndinin ç) yarımbəndinin tələblərinə uyğun deyildir.
Həmin
Əsasnamənin
7.2-ci
bəndinin
ç)
yarımbəndinə
əsasən,
xəstəlik
şəhadətləndirilən şəxsin hərbi xidmət keçməsi dövründə yarandığı, yaxud
şəhadətləndirilən şəxsin hərbi xidmətə çağırılmasına və ya hərbi xidmətə könüllü daxil
olmasına qədər yaranmış xəstəliyi hərbi xidmət dövründə onun hərbi xidmətə
yararlılıq kateqoriyasını dəyişən, o cümlədən, müvəqqəti yararsızlığına gətirib çıxaran
dərəcəyə çatdığı halda, xəstəliyin hərbi xidmətlə səbəb əlaqəsi «Xəstəlikdir, hərbi
xidmət dövründə alınmışdır» kimi təyin edilir. Lakin vətəndaş Ə.Rzayevada Silahlı
3
Qüvvələrin Baş Klinik Hospitalın kardiologiya bölməsində 11.06.2014-cü il tarixdən
24.06.2014-cü il tarixə kimi müayinə zamanı təyin edlmiş “anadangəlmə ürək qüsuru:
mədəciklərarası arakəsmənin defekti, I (birinci) funksional sinif ürək çatışmazlığı”
xəstəliyi hərbi xidmət dövründə yaranmamış, hərbi xidmətə daxil olmamışdan əvvəl
yaranmış anadangəlmə xəstəlikdir və hərbi xidmət dövründə onun hərbi xidmətə
yararlılıq kateqoriyasını dəyişən dərəcəyə çatmamışdır. Bu xəstəlik ilə vətəndaş
Ə.Rzayeva 1999-cu ildə və 2014-cü ildə hərbi xidmətə yararsızdır. Bu səbəbdən və
«Hərbi-həkim ekspertizası haqqında Əsasnamə»nin 7.2. bəndinin ç) yarımbəndinə
əsasən
vətəndaş
Ə.Rzayevada
təyin
edilmiş
“anadangəlmə
ürək
qüsuru:
mədəciklərarası arakəsmənin defekti, I (birinci) funksional sinif ürək çatışmazlığı”
xəstəliyinin hərbi xidmətlə səbəb əlaqəsinin «xəstəlikdir, hərbi xidmət dövründə
alınmışdır» kimi təyin edilməsi mümkün deyildir.
Apelyasiya baxışı zamanı iddiaçı İlyasova Əsli Qədimalı qızı apelyasiya
şikayətinə etiraz edərək bildirmişdir ki, o, 01 mart 1999-cu ildə Azərbaycan
Respublikası Müdafiə Nazirliyinin 004 saylı Hərbi hissəsinə radiologiya laborant-kiçik
hərbi qulluqçu vəzifəsinə qəbul edilmişdir. 2013-cü ildə səhəttində baş vermiş problem
ilə əlaqədar həkimə müraciət etmiş və xəstəliyi səbəbindən müalicə olunmuşdur. Tibbi
müayinəyə göndərilmiş və 24 iyun 2014-cü il tarixli, 1490 saylı Mərkəzi Hərbi Həkim
Komissiyasının “Xəstəlik haqqında şəhadətnamə”sinə əsasən xəstəliyinin “Ümumi
xəstəlik” olması, yəni hərbi xitmətlə əlaqəsi olmayan xəstəlik kimi qiymətləndirilmiş
və 4-cü Ordu Korpus Komandirinin 29 iyul 2014-cü il tarixli əmrinə əsasən “Hərbi
xidmətkeçmə haqqında” Əsasnamənin 156-cı maddəsinin “v” bəndinə (xəstəliyə)
əsasən həqiqi hərbi xidmətdən ehtiyata buraxılmışdır. O, hərbi xidmətə yararlı hesab
edilərək, qəbul edilmiş, 15 ildən artıq xidmət etmişdir. Silahlı qüvvələrdə işlədiyi
müddətdə hər il tibbi müayinədən keçmiş, lakin onda xəstəlik aşkar olunmamışdır.
İddiaçı birinci instansiya məhkəməsinin qərarının dəyişdirilmədən saxlanılmasını
məhkəmə kollegiyasından xahiş etdi.
Apelyasiya baxışı zamanı, 02 dekabr 2016-cı il tarixdə keçirilmiş məhkəmə
iclasında iddiaçının vəkili Məmmədov Məmməd Əzi oğlu apelyasiya şikayətinin
dəlillərinə etiraz edərək onun təmin edilməməsini məhkəmə kollegiyasından xahiş
etdi.
Cavabdeh
məhkəmə
iclasının
yeri
və
vaxtı
barədə
dəfələrlə
məlumatlandırılmasına baxmayaraq onun nümayəndəsi məhkəmə iclasına gəlməmiş,
məhkəməyə gəlməməyin səbəbini və ya mümkünsüzlüyünü bildirmədən və bu
səbəblərin üzürlü olması barədə sübutlar təqdim etməmişdir. Məhkəmə kollegiyası
Azərbaycan Respublikasının İnzibati-Prosessual Məcəlləsinin 62.3-cü maddəsinə
əsasən işə cavabdehin nümayəndəsinin iştirakı olmadan baxılmasını mümkün hesab
etmişdir.
Məhkəmə kollegiyası iş materiallarını və apelyasiya şikayətinin dəlillərini
araşdıraraq, tərəflərin izahatlarını dinləyərək və işdə olan sübutlara hüquqi qiymət
verərək belə hesab edir ki, apelyasiya şikayəti təmin edilməli və birinci instansiya
məhkəməsinin qərarı ləğv edilməklə iddia tələbi təmin edilməməlidir.
Azərbaycan Respublikasının İnzibati Prosessual Məcəlləsinin 82-ci maddəsinə
əsasən apelyasiya instansiyası məhkəməsi mübahisə ilə bağlı işə şikayət həddində və
hüquqi məsələlər, habelə sübutlar və faktlar (faktiki hallar) əsasında mahiyyəti üzrə
tam həcmdə baxır.
4
İş materiallarında olan seriya AD 0000200 saylı şəxsi vəsiqənin notarial
qaydada təsdiqlənmiş surətindən görünür ki, Rzayeva Əsli Qədimalı qızı 01 mart
1999-cu il tarixdə Azərbaycan Respublikasının Silahlı Qüvvələrində xidmətə qəbul
edilmişdir.
İş materiallarında olan 004 saylı Hərbi hissə komandirinin 06 avqust 2014-cü il
tarixli 202 saylı nizami hissə üzrə əmrindən çıxarışdan görünür ki, 4-cü Ordu Korpusu
Komandirinin 29.07.2014-cü il tarixli 044 nömrəli əmrinə əsasən Rzayeva Əsli
Qədimalı qızı “Hərbi xidmətkeçmə haqqında” Əsasnamənin 156-cı maddəsinin “v”
bəndinə (xəstəliyə görə) əsasən həqiqi hərbi xidmətdən ehtiyata buraxılmışdır.
İş materiallarında olan 04 sentyabr 1999-cu il tarixli seriya VII-JQ 390219 saylı
“Nikahın bağlanması haqqında” şəhadətnamənin təsdiqlənmiş surətindən görünür ki,
İlyasov Əhliman Əhməd oğlu ilə Rzayeva Əsli Qədimalı qızı arasında 04 sentyabr
1999-cu il tarixdə nikah bağlanmış, nikahdan sonra ərə (arvada) İlyasov(a) soyadı
verilmiş və bu barədə nikahın bağlanması haqqında akt qeydləri kitabında 109 nömrə
ilə qeydiyyat aparılmışdır.
İş materiallarında olan seriya AZE 14985767 saylı şəxsiyyət vəsiqəsinin
təsdiqlənmiş surətindən görünür ki, İlyasova Əsli Qədimalı qızına 20 oktyabr 2014-cü
ildə Sumqayıt ŞPİ QŞVŞ tərəfindən yeni şəxsiyyət vəsiqəsi verilmişdir.
İş materiallarında olan 1490 xəstəlik haqqında şəhadətnəmədən görünür ki, hərbi
xidmət baş çavuşu Rzayeva Əsli Qədimalı qızı 004 saylı hərbi hissənin hərbi
qulluqçusu kimi, 24 iyun 2014-cü ildə Silahlı Qüvvələrin Baş Klinik hospitalın terapiya
profılli hospital hərbi-həkim komissiyası tərəfindən şəhadətləndirilmiş, onda təyin
edilmiş «Anadangəlmə ürək qüsuru: mədəciklərarası arakəsmənin defekti. I(birinci)
funksional sinif ürək çatışmazlığı» diaqnozuna əsasən Azərbäycan Respublikası
Nazirlər Kabinetinin 29.02.2008-ci il tarixli 59 saylı qərarı ilə təsdiq edilmiş «Hərbi-
həkim eskpertizası haqqında Əsasnamə»nin «Xəstəliklər cədvəli»nin 80 «b»
maddəsinin III qrafasına əsasən «sülh dövründə hərbi xidmətə yararsız, müharibə
dövründə məhdud yararlı sayılmış və xəstəliyin hərbi xidmətlə səbəbli əlaqəsi «Hərbi-
həkim eskpertizası haqqında Əsasnamə»nin 7.2 maddəsinin e bəndinə əsasən «ümumi
xəstəlikdir» kimi təyin edilmişdir.
Həmin şəhadətnəmədən həmçinin görünür ki, Silahlı Qüvvələrin Baş Klinik
Hospitalınin terapiya profilli hospital ştatlı hərbi-həkim komissiyasının 24 iyun 2014-
cü il tarixli qərarı Müdafiə Nazirliyinin Mərkəzi Hərbi Həkim Komissiyası tərəfindən
təsdiq edilmişdir.
İşdən görünür ki, İlyasova Əsli Qədimalı qızı Azərbaycan Respublikası Müdafiə
Nazirliyinin Mərkəzi Hərbi Həkim Komissiyasına qarşı 24 iyun 2014-cü il tarixli 1490
saylı “Xəstəlik haqqında şəhadətnamə”nin dəyişdirilərək, xəstəliyin hərbi xidmət
dövründə alınması kimi qeyd olunmasının cavabdehin üzərinə qoyulmasını xahiş
etmişdir.
Birinci instansiya məhkəməsiiddia tələbini təmin etmiş və bu zaman ona istinad
etmişdir ki, Rzayeva (İlyasova) Əsli Qədimalı qızı nə 01 mart 1999-cu ildə hərbi
xidmətə qəbul edilərkən, 15 ildən artıq xidməti dövründə hər il dispanserizasiyadan
keçərkən onun sağlamlıq vəziyyəti ilə bağlı problemi (ürək çatışmazlığı) olmamışdır.
Hətta şəxsin hərbi xidmətə çağrılmasına qədər, lakin hərbi xidmətə yararlı hesab edilən
hər hansı bir xəstəliyi hərbi xidmət müddətində xidmətə yararlılıq kateqoriyasını
dəyişərsə və bu səbəbdən həmin şəxs xidmətdən ehtiyata buraxılarsa, onun xəstəliyinin
5
hərbi xidmətlə səbəb əlaqəsi “Ümumi xəstəlikdir” kimi deyil, “Xəstəlikdir, hərbi
xidmət dövründə alınmışdır” kimi qiymətləndirilməlidir.
Məhkəmə kollegiyası hesab edir ki, birinci instansiya məhkəməsi düzgün hüquqi
nəticəyə gəlməmişdir.
Məhkəmə kollegiyası tərəfindən məhkəmə-tibbi ekspertizası keçirilmiş və
Azərbaycan Respublikası Səhiyyə Nazirliyi Məhkəmə-Tibbi Ekspertiza və Pataloji
Anatomiya Elmi-Təcrübi və Tədris Birliyinin 25 oktyabr 2016-cı il tarixli T274/2016
nömrəli ekspert rəyində qeyd edilmişdir ki, Rzayeva (İlyasova) Əsli Qədimalı qızı istər
SQ-nin Baş Klinik Hospitalında, istərsə də MN-nin Mərkəzi Hərbi poliklinikasında
müayinələrdən
keçərkən
onda
“anadangəlmə
ürək
qüsuru, mədəciklərarası
arakəsmənin defekti” diaqnozu müəyyən olunmuşdur. Bu qüsur ürək-damar sisteminin
anadangəlmə inkişaf qüsurlarından biri olub, bətndaxili həyatın embriogenzen
dövründə başlanılır. Həmin xəstəlik ilk dəfə 2013-cü ilin noyabr ayında aparılmış
müvafiq müayinələrdən sonra aşkar edilmişdir.
Ekspert rəyindən göründüyü kimi, İlyasova Əsli Qədimalı qızında aşkar edilmiş
“Anadangəlmə ürək qüsuru: mədəciklərarası arakəsmənin defekti. I (birinci)
funksional sinif ürək çatışmazlığı” diaqnozu Azərbaycan Respublikasının Silahlı
Qüvvələrində işlədiyi vaxt deyil, anadangəlmə xəstəlik olmuşdur və həmin xəstəlik
sonradan aşkar olunmuşdur.
Həmçinin, məhkəmə kollegiyasının iclasında dindirilmiş ekspert Kazımov Hafiz
Mirquzalı oğlu bildirmişdir ki, İlyasova Əsli Qədimalı qızında aşkar olunan xəstəlik
ürək-damar sisteminin ən çox rast gəlinən anadangəlmə inkişaf qüsurlarından biri olub,
bətndaxili həyatın embriogenez dövründən başlanılır. Əsas səbəblərədən biri kimi gen
və xromosom mutasiyaları göstərilsə də, ürəkdə orqanogenez prosesinin müxtəlif
inkişaf mərhələlərinin pozulması zamanı baş verir. İddiaçıda aşkar edilən ürək qüsuru
anadangəlmə olsa da 2013-cü ilin noyabr ayında aşkar edilmişdir. Hansı işdə
işləməməsindən asılı olmayaraq insan yaşlandıqca onda olan həmin xəstəlik aşkar
büruzə verməyə başlayır. Həmin xəstəlik onun işləməsi ilə əlaqədar yaranmamışdır.
Azərbaycan Respublikası İnzibati Prosessual Məcəlləsinin2.1-ci maddəsinə
əsasən bu Məcəllə ilə başqa qayda müəyyən edilmədiyi və bu Məcəllə ilə nəzərdə
tutulmuş prosessual prinsiplərə zidd olmadığı hallarda, inzibati mübahisələrə dair
işlər üzrə məhkəmə icraatında Azərbaycan Respublikası Mülki Prosessual
Məcəlləsinin müddəaları tətbiq oluna bilər.
Azərbaycan Respublikası Mülki Prosessual Məcəlləsinin 97.1-ci maddəsinə
əsasən işə baxılarkən xüsusi bilik tələb olunan sualları izah etmək üçün məhkəmə
işdə iştirak edən şəxsin vəsatəti və ya öz təşəbbüsü ilə ekspertiza təyin edə bilər.
Həmin Məcəllənin 101.2-ci maddəsinə əsasən ekspert rəyində aparılmış
tədqiqatların müfəssəl təsviri, onlara əsasən çıxarılmış nəticələr və məhkəmə
tərəfindən qoyulmuş suallara əsaslandırılmış cavablar verilməlidir. Əgər ekspert
ekspertiza aparılarkən iş üçün əhəmiyyəti olan, haqqında sual qoyulmayan halları
müəyyən edirsə, o, bu hallar barədə mülahizələrini öz rəyinə daxil etməyə haqlıdır.
Həmin Məcəllənin 101.3-cü maddəsinə əsasən ekspertin rəyi məhkəmədə
tədqiq olunur və digər sübutlarla yanaşı qiymətləndirilir.
Azərbaycan Respublikası İnzibati Prosessual Məcəlləsinin 12.1-ci maddəsinə
əsasən məhkəmə proses iştirakçılarının izahatlarını, ərizə və təklifləri ilə, onların
təqdim etdikləri sübutlarla və işdə olan digər materiallarla kifayətlənməyərək,
6
mübahisənin düzgün həlli üçün əhəmiyyət kəsb edən bütün faktiki halları xidməti
vəzifəsinə görə araşdırmağa borcludur.
Həmin Məcəllənin 14.3-cü maddəsinə görəinzibati orqan iddiaçının arzuladığı
inzibati aktın qəbulunu konkret halda istisna edən faktiki şərtlərin mövcudluğuna
istinad etdiyi hallarda, belə şərtlərin mövcudluğunu sübut etmək vəzifəsi həmin
inzibati orqanın üzərinə düşür.
Həmin Məcəllənin 58.7-ci maddəsinə əsasən sübutlar məhkəmə tərəfindən tam
və hərtərəfli araşdırıldıqdan sonra qiymətləndirilir.
Birinci instansiya məhkəməsi işin hallarını, iş üzrə mövcud olan sübutları tam və
hərtərəfli araşdırmadan, müvafiq ekspertiza təyin etmədən iddia tələbini əsaslı hesab
edərək təmin etmiş və bununla da düzgün olmayan qərar qəbul etmişdir.
Göstərilənlərə
əsasən
məhkəmə
kollegiyası
belə
nəticəyə
gəlir
ki,
cavabdehinapelyasiya şikayətində göstərdiyi dəlillər əsaslı olduğundan, şikayət təmin
edilməli, birinci instansiya məhkəməsinin qərarı ləğv edilməli, iddia tələbi təmin
edilməməlidir.
Şərh edilənlərə əsasən və Azərbaycan Respublikasının İnzibati Prosessual
Məcəlləsinin 69, 87.6, 89 və 94.1-ci maddələrini rəhbər tutaraq, məhkəmə kollegiyası
qərara aldı:
Azərbaycan Respublikası Müdafiə Nazirliyinin Mərkəzi Hərbi Həkim
Komissiyasının apelyasiya şikayəti təmin edilsin.
Sumqayıt İnzibati-İqtisadi Məhkəməsinin 04 avqust 2015-ci il tarixli
2-1(85)-957/2015 saylı qərarı ləğv edilsin.
İddia təmin edilməsin.
Qərar təqdim olunduğu gündən 1 (bir) ay müddətində Sumqayıt Apelyasiya
Məhkəməsi vasitəsi ilə ondan Azərbaycan Respublikası Ali Məhkəməsinin inzibati-
iqtisadi kollegiyasına kassasiya şikayəti verilə bilər.
Sədrlik edən hakim
Səadət Bəktaşi
Hakimlər
Telman Quliyev
Elman Rəhimov
Dostları ilə paylaş: |