İşlədiyim aptek: Şamaxı Kanon aptek. Bitirdiyim təhsil müəssisəsi

---

Mən aptek rəhbəri olsaydım, nə edərdim? 
Ad,soyad,ata adı: Rüstəmova Səyyarə Madər qızı 
İşlədiyim aptek: Şamaxı Kanon aptek. 
Bitirdiyim təhsil müəssisəsi: Davinçi estetik tibb kursu 
İxtisasım: Tibb bacısı,əczaçı 
Azərimed şəbəkəsində çalışdığım müddət: 3 ay 
Aptek işi,əczaçılıq,bəziləri üçün bəlkə də sadə ,əhəmiyyətsiz bir iş kimi gələ bilər,amma bu iş 
dəqiqlik,peşəkarlıq,ünsiyyət mədəniyyəti, təmizlik və ən əsası bütün dərman vasitələrinə və onların 
istifadə təlimatlarına bələd olmaq kimi çox mürəkkəb kompetensiyaları özündə cəm edən çətin və 
şərəfli peşə sahələrindən biridir. 
Mən aptek rəhbəri olsaydım,nə edərdim? Bu sualı özüm-özümə verdikdə,doğrusu,ilk öncə sevdiyim 
sənətin ağırlığı ,məsuliyyəti məni tədirgin etdi.Özümü aptek müdri kimi təsəvvür etdikdə minlərlə 
insan,minlərlə xəstəlik və sənin çaşmaq səhv etmək imkanının sıfır olması.Bu məsuliyyətdir,həm də 
böyük məsuliyyət.Çünki insanların həyatı,sağlamlığı sənin əlindədir.Amma bir qədər dərindən 
düşündükdə fikirləşdim : “niyə də yox?” axı bu iş üçün heç də digərlərindən az savada ,potensiala 
,insanlarla işləmək bacarığına ,məsuliyyətə,maliyyə savadlılığına ,təhsilə və ən əsası işimə olan böyük 
marağa və öyrənmə istəyinə sahib deyiləm. 
Aptek cəmiyyətdə hər kəsin daxil olduğu ,cəmiyyətin hər təbəqəsi ilə münasibətdə olan ciddi bir 
müəssisədir.Mənim aptekimdə ilk öncə təmizlik,səliqə-sahman hökm sürməlidir.Tez-tez dezinfeksiya 
olunmalıdır.Bununla biz insanlara tibbin “A”hərfini öyrətmiş olarıq,yəni- təmizlik sağlamlıqdır fikrini. 
İkincisi aptekdə aptek işçilərinin peşəkarlıq və insanlarla ünsiyyət bacarığıdır ki,bu biz əczaçıların ən 
mühüm kompetensiyalarından olmalıdır.Peşəkarlıq dedikdə öz işini mükəmməl bilən insanlar nəzərdə 
tutulur.İnsanlarla ünsiyyət bacarığının mükəmməlliyi isə əczaçının ən əsas vəzifəsi olmalıdır.Biz 
əczaçılar bir gülüş ,bir xoş sifət,bir xoş sözlə bəlkə də gələn xəstənin ağrılarını yüngülləşdirəcəyik? 
Üçüncüsü aptek insanlara xidmətlə yanaşı eyni zamanda bir kommersiya müəssisəsidir.Buna görə 
də maliyyə əməliyyatlarına ciddi nəzarət edilməli,hər bir qəpiyin hesabı düzgün aparılmalıdır. 
Düşünürəm ki,yuxarıda yazılan fikirlər hər bir aptekdə əməl olunmalı olan ən əsas 
müddəalardır.Yuxarıda qeyd etdiyim kimi aptek,həm də cəmiyyətlə birbaşa münasibətdə olan bir 
müəssisədir, ona görə də aptekin işində xalqı tibbi maarifləndirmə də əsas yerlərdən birini 
tutmalıdır.Məsələn:Aptek müdri olsaydım müxtəlif xəstəliklər haqqında məlumat ,onlardan qorunma 
yolları barədə aptekdə müxtəlif posterlər asmaq,tez -tez əczaçılar olaraq müxtəlif növ 
maarifləndirmə tədbirləri təşkil etmək,hər ay bir neçə nəfər imkansız şəxsə(xüsusən uşaqlara)pulsuz 
dərman və digər tibbi yardımın təşkili,həkimlər və digər tibb işçiləri ilə bərabər xeyriyyə 
kompaniyaları təşkil edərək ayda ən azı bir nəfər imkansız müalicəyə ehtiyacı olan şəxsin müəyyən 
edilərək müalicəsinə yardım etmək kimi layihələrlə insanları maarifləndirmək və sevindirməklə biz 
həm yaxşılıq etmiş, həm də aptekin işinin təşkilində ,xalq arasında tanınmasında ,digər apteklərlə 
rəqabətində bir addım öndə olmuş olarıq. 
Azərbaycanda aptek işi sadəcə dərman satmaq kimi qəbul edilir,amma əslində biz tibbi savadlılığın 
artmasında çox iş görə bilərik.Hər şeyi dövlətin etməsini gözləmək doğru deyil.Vətəndaş olaraq hər 
birimiz əlimizdən gələn qədər bu xalq ,dövlət ,millət üçün çalışmalıyıq.Necə ki,ordumuz düşmənlə 

---

mübarizədə üzərinə düşəni edir,həkimlərimiz koronavirusla mübarizədə üzərinə düşəni 
edir,müəllimlərimiz cahilliklə mübarizədə üzərlərinə düşəni edirlər, biz də əczaçılar xalqa xidmətdə 
üzərimizə düşəni etməliyik.