Mühazirə 1 İnteryerin tipologiyası və təsnifatı

Mühazirə 1

İnteryerin tipologiyası və təsnifatı

Bina və qurğuların kompleks əlamətlərini memarlıq tipologiyası öyrənir. Memarlıq-inşaat obyektlərinin layihələndirilməsi, tikintisi və istismarı memarlıq-inşaat normalarına əsasən təsnifatlaşdırılır. Təsnifatlaşdırma aşağıdakılara əsasən həyata keçirilir:

-obyektlərin istismarına verilən sosial-funksional tələblər;

-istismar funksiyalarına görə optimal sahə, onların parametrləri və mühitin keyfiyyətləri;

-müxtəlif funksional təyinatlı yerləşgələrin məqsədyönlü əlaqələri, qruplaşması, kooperasiyası və izolyasiyası;

-funksional sahələrin qarşılıqlı əlaqələrinə təsir edən şərtlər;

-bina tiplərinin sosial, funksional və iqtisadi parametrlərinin optimal komponovka variantları;

-hər bir bina tipinin təhlükəsizliyinin, dayanıqlığının, ekoloji təmiz mühitinin, fizioloji və psixoloji komfortunun təmin edilməsi üçün normativ tələblər.

Binaların memarlıq-tikinti tipologiyası memarlıq-inşaat obyektlərinin təsnifatlaşdırılması, onların ümumi əlamətləri üzrə müqayisəsini öyrənən elmdir. Burada təsnifatlaşdırma aşağıdakılara görə aparır:

-funksional təyinata görə;

-tipinə görə;

-həcm-plan parametrlərinə görə;

-formayaratma qanunauyğunluqlarına görə;

- şəhərsalma funksiyalarına və onlara verilən tələblərə görə;

-istismar keyfiyyətlərinə görə.