Nima ishlab chiqarish kerak?

K I R I Sh
Iqtisodiyotning bozor munosobatlariga o'tishi bilan jamiyatda bozor iqtisodiyotining amal qilish mexanizmlari, turli mulkchilikka asoslangan korxonalarning (firmalarning) xo'jalik yuritish faoliyatini, ularning bozor sharoitidagi harakatini, mavjud ishlab chiqarish resurslaridan oqilona foydalanish yo'llarini va shu asosda ularning samarali faoliyat yuritishlarini o'rgatuvchi bilimga bo'lgan ehtiyoj ortib bormoqda.
Bunda tahlil uchun davlat, kooperativ, xususiy va shu kabi boshqa bo'lim (tarmoq) larning ayrim korxonalari (sub'ektlari) olinib talab va taklif, ulardagi daromadlar va harajatlar, ishchilar soni va ularning ish bilan ta'minlanishi, ishlab chiqarilayotgan mahsulotlar miqdori, ularning bahosi va shu kabi qator boshqa iqtisodiyot ko'rsatkichlar tahlil etiladi.
Bozor iqtisodiyoti sub'ektlari faoliyatini tahlil etishda ularning faoliyatida bevosita ta'sir etuvchi talab va taklif, foydalilik va iste'molchilarning bozordagi munosabati, ishlab chiqarish va uning xarajatlari, korxona foydasi va uni oshirish, mahsulotlar bahosi va raqobat shakllari, ishlab chiqarish omillari bozori va ulardan oqilona foydalanish yo'llari, umumiy muvozanat va davlatning bozorni boshqarishdagi roli, bozor sharoitida narxni shakllantirish, raqobatli bozor, monopoliya va oligopoliya, ishlab chiqarish vositalari bozori kapital qo'yilmalar, sarmoya va shu kabi qator boshqa masalalar o'rganiladi. Mana shu muamamoni echish uchun har bir sub'ektlar qo'yidagi uchta iqtisodiy savolga javob berishi kerak.
Nima ishlab chiqarish kerak?
Qanday ishlab chiqarish kerak?
Kimga ishlab chiqarish kerak?
«Mikroiqtisodiyot - 2» fanning asosiy vazifasi talablarga bozor munosabatlari davrida iqtisodiyotda amal qiladigan qonuniyatlar harakatini, bozor mexanizmining nazariy va amaliy asoslarini, ishlab chiqarish tarmoqlarini va bozorlarning faoliyat ko'rsatish va rivojlanish mexanizmini ochib beradi, jamiyatdagi resurslar tanqisligiga va odamlar ehtiyojini qondirish zarurati to'g'risida keng iqtisodiy mushohada yuritishini va uni amalda tadbiq etish yo'llarini ko'rsatib beradi.