Nurobodda qurilish sohasi xodimlari kuni nishonlandi

Nurobodda qurilish sohasi xodimlari kuni nishonlandi

Bugun Nurobod tumanidagi “Diydor” bazmgohida “O‘zbekiston Respublikasi qurilish sohasi xodimlari kuni” munosabati bilan bayram tadbiri tashkil etildi.

Tadbirga usta binokorlar, me’mor va loyihachilar, pudratchi tashkilotlar vakillari, mehnat faxriylari, soha ilg‘orlari, davlat va jamoat tashkilotlari vakillari taklif etildi.

Unda so‘zga chiqqanlar so‘nggi yillarda tumanimizda bunyod etilgan bino va inshootlarning barchasi yurtimizda amalga oshirilayotgan islohotlarning mahsuli ekanligini ta’kidlashdi.

Tadbirda ko‘p yillik samarali mehnati, tumanda amalga oshirilayotgan keng ko‘lamli bunyodkorlik ishlariga qo‘shgan munosib hissasi, qishloqlarimiz qiyofasini tubdan o‘zgartirish borasidagi katta xizmatlari hamda mamlakatimizning qurilish sohasini ravnaq toptirishga qo‘shgan munosib hissasi uchun bir guruh soha vakillari tuman hokimligining tashakkurnomasi va qimmatbaho esdalik sovg‘alari bilan taqdirlandi.