Azərbaycan qəzeti 2006 Almaniyadakı Nizami Gəncəvi adına Mədəniyyət
Yüklə 0,82 Mb. Pdf görüntüsü
|
- Bu səhifədəki naviqasiya:
- Azərbaycan.- 2006.- 12 avqust.- S. 1. Heydər Əliyev Muzeyinin açılışı
- Azərbaycan.-2006.- 4 noyabr.- S. 2. 2007 Xəlilzadə F. Ənənələrə sadiqlik
- Azərbaycan.- 2007.- 8 fevral.- S. 6. Heydər Əliyev. Xronologiya (1923-2003)
- Azərbaycan.- 2007.- 9 may.- S. 5. Cabbarov S.
- Azərbaycan.-2007.-10 may.-S.12. Milli parkda Heydər Əliyevin doğum günü şərəfinə Gül bayramı keçirilmişdir
|
Azərbaycan qəzeti 2006 Almaniyadakı Nizami Gəncəvi adına Mədəniyyət İnstitutu ümummilli lider Heydər Əliyevin ədəbi obrazı yaradılmıs əsərlərin beynəlxalq müsabiqəsini keçirir Almaniyanın paytaxtı Berlin şəhərində fəaliyyət göstərən Nizami Gəncəvi adına Azərbaycan Mədəniyyət İnstitutu ümummilli lider Heydər Əliyevin ədəbi obrazını əks etdirən əsərlərin beynəlxalq müsabiqəsini keçirir. Qaydalara əsasən müsabiqəyə indiyə qədər çap edilməmiş nəsr əsərləri təqdim olunmalıdır. Müəlliflər əsərlərini sentyabrın 1-dən 2007-ci il sentyabrın 1-dək az.hkd@web.de elektron ünvanına göndərməlidirlər. Əsərə müəllif və onunla əlaqə vasitəsi haqqında məlumat və əlavə olunmalıdır. Müsabiqənin qalibinə əsərinin kitab halında Almaniyada alman və Azərbaycan dillərində çap olunması şərti ilə 3 min avro mükafat veriləcəkdir. İkinci və üçüncü yerlərin sahibləri isə əsərlərinin Azərbaycanda çap olunması şərti ilə müvafiq olaraq 1500 və 500 avro alacaqlar. Münsiflər heyətinin tərkibinə Almaniya universitetlərinin professorları, parlamentin üzvləri, tanınmış alman yazıçıları və tənqidçiləri daxildir. Azərbaycan.- 2006.- 12 avqust.- S. 1. Heydər Əliyev Muzeyinin açılışı Noyabrın 1-də Şəmkir şəhərində Heydər Əliyev Muzeyinin açılışı olmuşdur. Prezident İlham Əliyev açılışı bildirən lenti kəsdi və muzeylə tanış oldu. Muzeyin direktoru Fəxri Yusibov dövlətimizin başçısına məlumat verdi ki, ümumi sahəsi 567 kvadratmetr olan ikimərtəbəli binanın birinci mərtəbəsində linqafon kabineti, inzibati otaqlar və arxiv yerləşmişdir. İkinci mərtəbədə isə iki ekspozisiya salonu və elektron kitabxana zalı vardır. Heydər Əliyev Fondunun verdiyi tərtibat əsasında hazırlanmış ekspozisiyada ulu öndərin uşaqlıq və gənclik illərinə, milli təhlükəsizlik orqanlarında çalışdığı illərə, respublikamıza rəhbərliyinin hər iki dövrünə, Azərbaycanın yeni neft strategiyasının hazırlanması və həyata keçirilməsinə, ordu quruculuğu sahəsindəki fəaliyyətinə, xarici ölkələrə səfərlərinə aid fotoşəkillər, müxtəlif kitablar nümayiş etdirilir. Ulu öndərin həyat və fəaliyyəti ilə bağlı materiallar kompyuterlərin yaddaşına və disklərə yazılmışdır. Heydər Əliyev Fondunun dəstəyi ilə muzeydə rayonun ən fəal gəncləri, məktəbliləri üçün xüsusi kurslar da açılacaqdır. Prezident İlham Əliyev və xanımı Mehriban Əliyeva rəssam Afaq Kərimovanın üzərində ulu öndərin ayrı-ayrı sahələr üzrə tarixi xidmətlərini nümayiş etdirən "Heydər Əliyev və Azərbaycan xilaskarı" adlı rəsm əsərinə maraqla tamaşa etdilər, muzeyin ekspozisiyasına, o cümlədən əbədiyaşar Prezidentin 1972, 1979, 1998 və 2000-ci illərdə Şəmkirə səfərlərini və burada keçirdiyi görüşləri əks etdirən fotoşəkillərə, ümummilli liderin xalq rəssamı Natiq Əliyev tərəfindən hazırlanmış büstünə baxdılar. Prezident İlham Əliyev gənclərin bu cür muzeylərdən mərkəz kimi istifadə edərək Heydər Əliyevin zəngin irsini öyrənməsinin əhəmiyyətli olduğunu bildirdi. Dövlətimizin başçısı muzeyin fəxri qonaqlar kitabına ürək sözlərini yazdı. Azərbaycan.-2006.- 4 noyabr.- S. 2. 2007 Xəlilzadə F. Ənənələrə sadiqlik Ümummilli liderimiz Heydər Əliyev mədəniyyət və incəsənət işçilərinə xüsusi diqqətlə yanaşar, onlara maddi və mənəvi dəstək göstərər, öz qayğısını əsirgəməzdi. Bu sahənin adamları da həmişə ulu öndərin bu həssas münasibətini ehtiramla xatırlayar, öz məhəbbətlərini bildirərdilər. Cənab İlham Əliyev də bu ənənəni ləyaqətlə davam etdirərək ölkənin mədəni həyatının daha yüksək səviyyədə olması üçün köməyini əsirgəmir. Ötən ilin mədəni hadisələrinə nəzər saldıqda biz bunun bir daha şahidi olduq. Elə bir mədəniyyət və incəsənt xadimi yoxdur ki, ölkə başçısı tərəfindən əməyi müxtəlif yöndən qiymətləndirilməsin. Təkcə insanlar deyil, mədəniyyət ocaqları da diqqət mərkəzində saxlanılıb. Ölkə başçısının göstərişi ilə iki muzey - Azərbaycan Tarixi və Ədəbiyyat muzeylərində ikinci ildir ki, təmir-bərpa işləri yüksək səviyyədə aparılır. Bununla bağlı teatrların da təmir olunmasına start verilmişdir. Opera və Balet, Milli Dram, Rus Dram, Kukla, Gənc Tamaşaçılar teatrları, eləcə də Heydər Əliyev adına Saray yenidən qurulacaqdır. İncəsənət muzeyində də təmir işləri getməkdədir. Muğam mərkəzi tikilir. Xalça muzeyini daha gözəl görünüşlü etmək üçün yeni layihələr hazırlanmışdır. Bu cür bərpa işləri təkcə Bakıda deyil, bölgələrdə də start götürüb. Gəncə şəhərində Filarmoniyanın, teatrın yenidən bərpasına başlanacaq. O cümlədən, Lənkəranda, Naxçıvanda bir sıra mədəniyyət ocaqları yenidən qurulacaq. Ölkə başçısının digər bir sərəncamı ilə əlaqədar olaraq Bakıda Müasir İncəsənət muzeyinin yaradılması danəzər dətutulub. Ötən ilin mədəniyyət sahəsi ilə əlaqədar yadda qalan mühüm hadisələrdən biri də ölkə başçısı cənab İlham Əliyevin Rəssamlar İttifaqının 65 illik yubileyilə bağlı tanınmış rəssamlarla görüşü olmuşdur. Dövlətimizin başçısı görüşdən əvvəl xalqımızın ümummilli lideri Heydər Əliyevin R.Mustafayev adına Dövlət İncəsənət Muzeyində yaradılmış xatirə otağında oldu. Görüş zamanı geniş nitq söyləyən möhtərəm Prezidentin hər kəlməsi rəssamlar tərəfindən rəğbətlə qarşılandı. Ölkə Prezidenti böyük ehtiram və məhəbbətlə söylədi: "Azərbaycanı dünyada tanıdan bizim ziyalılarımızdır - alimlərimiz, rəssamlarımız, şairlərimiz, yazıçılarımız, bəstəkarlarımızdır. Azərbaycanı bu insanlar tanıdırlar. Bu insanlar Azərbaycan cəmiyyətinin aparıcı təbəqəsidir, cəmiyyətin elitasıdır. Bütün cəmiyyətlərin və ölkələrin inkişafı müəyyən bir qrup insanın fəaliyyəti ilə bağlıdır. İstər siyasi müstəvidə, istərsə də mədəniyyət, incəsənət sahəsində. Bəzi başqa ölkələrin tarixinə nəzər salanda görürük ki, kim yadda qalır. Şəxsiyyətlər yadda qalır, iqtisadi göstəricilər yadda qalmır. Yaxud da hansısa konkret bir xarakter daşıyan uğurlar yadda qalmır. İnsanlar yadda qalır, əməllər yadda qalır". Vaxtilə Azərbaycan rəssamları unudulmaz Heydər Əliyevi özlərinin ən yaxın dostu adlandırırdılar. Rəssamlar İttifaqının sədri, xalq rəssamı Fərhad Xəlilov görüş zamanı bu hadisəni xatırlayaraq məmnunluğunu bildirdi ki, ulu öndərdən qalan gözəl ənənələr bu gün də yaşadılır. Buna sübut üçün İlham Əliyevin ölkə rəssamlarına, sənətkarlara göstərdiyi böyük diqqət və qayğıdan söz açıldı. Ulu öndərin qoyub getdiyi ənənə bu gün nəinki uğurla davam etdirilir, həm də daha da genişləndirilir. Rəssamlar İttifaqının 65 illiyi ilə əlaqədar bir sıra rəssamların əməyini müxtəlif orden və medallarla, fəxri adlarla qiymətləndirən İlham Əliyev təsviri sənətin nümayəndələrini əlamətdar ildönümü münasibətilə təbrik edərək dedi: "Sizi bu gözəl yubiley münasibətilə təbrik edirəm. Bu yubileylə əlaqədar burada nümayiş etdirilən sərgi də çox təəssürat bağışlayır. Bu, bir daha göstərir ki, Azərbaycanın incəsənəti, rəssamlıq məktəbi çox zəngindir, çox dərin köklərə əsaslanır və eyni zamanda, indi artıq gənc nəsil də öz yerini tutmaqdadır. Bu da çox vacibdir. Yəni bu əlaqələr qırılmır, bu gözəl ənənələr davam edir. Xüsusilə onu qeyd etmək istəyirəm ki, Rəssamlar İttifaqının fəaliyyəti və peşəkarlığı, rəssamların gördüyü işləri nəticəsində Azərbaycanda bütövlükdə rəssamlıq məktəbi son illər ərzində xeyli dərəcədə güclənmişdir. Bunu Azərbaycan ictimaiyyəti də görür və xarici mütəxəssislər də seyr edirlər". Rəssamlarla söhbət zamanı ölkə başçısının bir fikri də fırça ustalarının ürəyincə oldu. Öz milli ənənələrimizə sadiq qalaraq dünyada gedən proseslərə açıq gözlə baxmağı, ən müsbət, ən mütərəqqi yenilikləri Azərbaycanda tətbiq etməyi məsləhət görən cənab İlham Əliyev bu baxımdan bütövlükdə ölkənin mədəni həyatının çox böyük diqqətdə olduğunu bildirdi. "Mən Prezident kimi çalışıram ki, bu sahə diqqətdən kənarda qalmasın... Azərbaycanın mədəni həyatı həm də onun siyasi səviyyəsini əks etdirir". Azərbaycanın iqtisadi potensialının möhkəmlənməsi və zənginləşməsi başqa sahələrdə olduğu kimi, mədəniyyət məsələlərinin də həllini asanlaşdırır. Bu görüşün yadda qalan məqamlarından biri də bu oldu ki, ölkə başçısı rəssamların görüşünə məmnuniyyətlə gəlmişdi. Prezident hər bir rəssamı dinləmək, onu narahat edən problemləri həll etmək niyyətində olduğunu bildirdi. "Yaxşı olardı bilim ki, sizi ən çox narahat edən məsələlər hansılardır və biz onları operativ qaydada həll edə bilərik". Bu cür səmimi münasibət, diqqət və qayğı fırça ustalarını həqiqətən riqqətə gətirdi. Onlar bildirdilər ki, özlərini çox bəxtiyar sanırlar. Vaxtilə ümummili liderimiz Heydər Əliyev tərəfindən qoyulan ənənələr bu gün belə hərtərəfli inkişafdadır. Görüşün sonunda Rəssamlar İttifaqının 65 illiyi ilə əlaqədar ilk dəfə olaraq təsis edilmiş qızıl medalın ilk nümunəsi ölkə Prezidenti cənab İlham Əliyevə və tanınmış rəssamlara təqdim edildi. Rəssamlar İttifaqının bu münasibətinə öz təşəkkürünü bildirən İlham Əliyev dedi: "Bu medal mənim üçün əzizdir". Rəssamlar İttifaqının tarixində unudulmaz bir səhifəni təşkil edən bu görüşdə fırça ustaları ölkə başçısı ilə xatirə şəkli çəkdirdilər. Unudulmaz görüşdən yadigar olaraq ulu öndərin çox sevdiyi rəssam Səttar Bəhlulzadənin əsərini Prezidentə təqdim etdilər. Azərbaycan rəssamlıq məktəbinin ən dəyərli nümayəndələrindən biri olan Səttar Bəhlulzadə haqqında maraqlı fikirlər söyləyən İlham Əliyev bildirdi ki, Azərbaycan rəssamlarının əsərləri təkcə öz məmləkətimizdə deyil, dünyanın neçə-neçə möhtəşəm sərgi salonunun bəzəyidir. Əzim Əzimzadə, Səttar Bəhlulzadə, Mikayıl Abdullayev, Vəcihə Səmədova, Elmira Şahtaxtinskaya, Tahir Salahov, Hüseyn Əliyev, Qəzənfər Xalıqov... kimi rəssamları olan bir xalqın mənəviyyatı həmişə yüksəkdir. Çox yaxşı haldır ki, bu ənənəni davam etdirən yeni nəsil də sənətə gəlməkdədir. Ölkə başçısının söylədiyi nitqdə bu məsələ də öz əksini tapmışdır: "Azərbaycan rəssamları dünyada tanınır. Müxtəlif şəxsi kolleksiyalarda, kataloqlarda Azərbaycan rəssamlarının işləri vardır. Siz bizdən də yaxşı bilirsiniz ki, Azərbaycan rəssamları bu gün doğrudan da, çox böyük şöhrət qazanıblar. Bu, çox sevindirici haldır və onu göstərir ki, Azərbaycan hərtərəfli inkişaf edir". Təbii ki, hər bir dövlətdə hökumətin fəaliyyəti iqtisadi artım, siyasi məsələlərin həlli, təhlükəsizliyin təşkil olunması ilə ölçülür. Həmişə iqtisadi uğurlardan daha çox danışılır. Maraqlıdır ki, ölkə başçısı dəfələrlə vurğuladı: "Ancaq bununla bərabər, hər bir ölkənin mənəvi, mədəni həyatı da ölkənin səviyyəsini göstərir. Bu sahəyə daha da böyük diqqət göstərilməlidir". Bu parlaq fikir deməyə əsas verir ki, Azərbaycanda milli ənənələrə sadiqlik yüksək səviyyədə davam etməkdədir. Azərbaycan.- 2007.- 8 fevral.- S. 6. Heydər Əliyev. Xronologiya (1923-2003) Prezident Kitabxanasında Heydər Əliyevin həyat və fəaliyyətinin xronologiyası tərtib edilmiş və onun elektron versiyası hazırlanmışdır Müasir Azərbaycan tarixinin 30 ildən artıq bir dövrünü əhatə edən mərhələ, Vətənimizin ictimai-siyasi, iqtisadi və mədəni həyatının bütün sahələrindəki dirçəliş illəri Heydər Əlirza oğlu Əliyevin adı ilə bağlıdır. Bir qərinəlik bu dövr Azərbaycan tarixinə Heydər Əliyev dövrü kimi əbədi həkk olunmuşdur. Bu illərdə Heydər Əliyevin dəst-xətti ilə Azərbaycanın quruculuq salnaməsinə ən parlaq səhifələr yazılmışdır. Azərbaycanda dövlətçilik ənənələrinin XX əsrin sonlarında bərpa edilib zənginləşdirilməsi, dövlət müstəqilliyinin möhkəmləndirilməsi, onun əbədi, dönməz xarakter alması, ölkəmizin dinamik iqtisadi inkişaf yolu ilə inamla irəliləməsi, beynəlxalq nüfuzunun sürətlə artması Heydər Əliyevin misilsiz fəaliyyəti sayəsində mümkün olmuşdur. Heydər Əliyev müdrik rəhbərliyi, siyasi uzaqgörənliyi, qətiyyəti və əzmkarlığı ilə zəmanəmizin görkəmli siyasi xadimi kimi tanınmış, Azərbaycan xalqının ümummilli liderinə çevrilmişdir. Bütün həyatı boyu öz xalqına sədaqətlə xidmət etmiş Heydər Əliyevin ömür yolu hər bir azərbaycanlı üçün örnəkdir. Heydər Əliyevin gerçəkləşdirdiyi quruculuq salnaməsinin, dövlətçilik fəlsəfəsinin və azərbaycançılıq məfkurəsinin dərindən öyrənilməsi üçün öncə onun həyat və fəaliyyətinin bütün sahələrinin araşdırılmasına ehtiyac vardır. Bunları nəzərə alaraq Azərbaycan Respublikası Prezidenti İşlər idarəsinin Prezident Kitabxanası Heydər Əliyevin həyat və fəaliyyətinin xronologiyasını tərtib etmiş və onun elektron versiyasını www.preslib.az saytı vasitəsilə istifadəçilərə təqdim etmişdir. Prezident Kitabxanası yarandığı vaxtdan etibarən ümummilli liderin həyat və fəaliyyətinin bütün sahələrinə dair sənədlərin toplanması və həmin sənədlərin elektron variantının hazırlanması istiqamətində sistemli iş aparır. Ümummilli liderimiz Heydər Əliyevin anadan olmasının 84-cü ildönümü ərəfəsində istifadəçilərə təqdim edilən bu xronologiya kitabxananın əməkdaşlarının üzərində işlədikləri "Heydər Əliyevin həyat və fəaliyyətinin salnaməsi" adlanan böyük bir layihənin birinci mərhələsini əhatə edir. Xronologiyanın hazırlanması zamanı ümummilli liderimizin ötən əsrin 80-ci illərində SSRİ rəhbərliyində təmsil olunduğu və 90-cı illərin əvvəllərində Naxçıvan Muxtar Respublikasına rəhbərlik etdiyi dövrlərdə həyat və fəaliyyətinin ən önəmli məqamlarına diqqət yetirilmiş, müstəqil Azərbaycanın Prezidenti olduğu dövrdə (1993-2003-cü illər) isə onun gündəlik fəaliyyətinin tam xronologiyası öz əksini tapmışdır. Layihənin ikinci mərhələsi ümummilli liderin Prezidentliyi dövründə fəaliyyətinin mühüm sahəsi olan xarici ölkələrə səfərləri, keçirdiyi çoxsaylı görüşləri və qəbulları zamanı, həmçinin müxtəlif tədbirlərdə etdiyi çıxışların, nitqlərin, məruzələrin, bəyanatların, müsahibələrin tam mətnlərinin elektron versiyasının hazırlanmasını nəzərdə tutur. Bu istiqamətdə xeyli iş görülmüş, həmin sənədlərin elektron mətnlərinin bir hissəsi artıq kitabxananın saytında yerləşdirilmişdir. Heydər Əliyev irsinin toplanıb saxlanılmasını, gələcək nəsillərin ondan istifadəsini təmin etmək məqsədilə kitabxananın kollektivi bütün səylərini səfərbər etmişdir. Azərbaycan.- 2007.- 9 may.- S. 5. Cabbarov S. Ulu öndərin xatirəsinə dərin ehtiram Dövlət Əmlakının İdarə Edilməsi üzrə Dövlət Komitəsinin inzibati binasında xalqımızın ümummilli lideri, ulu öndər Heydər Əliyevin büstünün açılış mərasiminə həsr olunmuş tədbir keçirilib. Tədbirdə komitənin işçiləri, Milli Məclisin üzvləri iştirak edirdilər. Açılış mərasimində çıxış edən komitənin sədri Kərəm Həsənov qeyd etdi ki, 30 ildən artıq bir dövr ərzində ölkəmizə rəhbərlik etmiş ulu öndər Heydər Əliyev Azərbaycanın məsuliyyətini öz çiyinlərində daşıyan, onu bir dövlət və bir millət kimi tarixin sınaqlarından çıxaran nadir rəhbər, vətəndaş və şəxsiyyətdir ki, vaxtında onun gördüyü bütün işlər indi bizim ümummilli sərvətimizdir. "Bilirəm ki, 30 ildən artıq Azərbaycana bəxş etdiyim töhfələr - zavodlar, buruqlar, binalar, obyektlər, abidələr, yeni qəsəbələrE mən həyatda olmayanda da Heydər Əliyevin izləri kimi yaddaşlarda yaşayacaq" deyən ulu öndər heç də yanılmamışdır. Bu gün hər bir azərbaycanlı müstəqil Azərbaycan dövlətinin Heydər Əliyevin şah əsəri olduğunu fəxrlə qeyd edir. Komitə sədri bildirdi ki, anadan olmasının 84-cü ildönümü ərəfəsində ulu öndər Heydər Əliyevin büstünün açılışı ilə komitənin kollektivi ümummilli liderin hər bir azərbaycanlı üçün örnək olacaq həyat və fəaliyyətini yad etmək və onun xatirəsi üçün kiçik bir töhfə verməklə qürur duyur. Azərbaycanın cari siyasi tarixinin son 35 ili Heydər Əliyevlə, onun çoxtərəfli genişmiqyaslı zəngin əməli-nəzəri və siyasi fəaliyyəti ilə bağlı olmuşdur. Çətin günlərdə həmişə xalqla bərabər olan, dövlətçiliyimizin memarı, xalqımızın xilaskarı, ulu öndər 1993-cü ildə xalqın təkidli tələbi ilə hakimiyyətə qayıtdıqdan sonra ölkədə tüğyan edən siyasi və iqtisadi böhranın qarşısını qısa müddət ərzində almaqla yanaşı, müasir dövlətçiliyimizin əsasını qoymuşdur. Həmin dövrdə siyasi müstəqilliyin bünövrəsi sayılan iqtisadi siyasət düzgün qurulmadığından, Azərbaycanın nəinki suveren dövlət, hətta adi coğrafi məkan kimi mövcudluğu təhlükə altında qalmışdır. Belə ağır bir zamanda ulu öndərimiz bütün çətinliklərə, maneələrə mətinliklə sinə gərərək xalqımızı vətəndaş qarşıdurmasından, müstəqilliyimizi itirmək təhlükəsindən qurtardı, müasir tariximizə dövlətçiliyimizin xilaskarı kimi daxil oldu. Heydər Əliyevin Azərbaycan rəhbərliyinə gəlişi həm də siyasi aləmdə ölkəmizə inamın, iqtisadiyyatda inkişaf meyillərinin bərqərar olması, qısa müddətdə respublikada azad sahibkarlıq və biznes fəaliyyətinin genişlənməsi, ölkəyə investisiya axınının güclənməsi, neft strategiyasının reallaşmağa başlaması ilə nəticələndi. Bütün bunlar böyük siyasətçi Heydər Əliyevin dövlətçiliyimizin möhkəmləndirilməsi, Azərbaycanın iqtisadi qüdrətinin artırılması, xalqımızın həyat səviyyəsinin yaxşılaşdırılması kimi mühüm amilləri ehtiva edən müdrik siyasəti idi. Komitə sədri onu da vurğuladı ki, Heydər Əliyevin ölkəmizə rəhbərlik etdiyi dövrlərdə ardıcıl və səmərəli islahatlar hesabına formalaşdırdığı inkişaf potensialı bu gün cənab Prezident İlham Əliyevin məqsədyönlü fəaliyyəti nəticəsində reallığa çevrilmişdir. Əsası ümummilli liderimiz Heydər Əliyev tərəfindən qoyulmuş yeni neft strategiyasının inkişaf etdirilməsi, Azərbaycanın xarici investisiyalar üçün cəlbediciliyinin qorunması, iqtisadiyyatın müxtəlif sahələrinə yönələn sərmayələrin qeyri-neft sektoruna, regionların inkişafına doğru istiqamətləndirilməsi, əhalinin sosial rifah halının yaxşılaşdırılması ölkədə həyata keçirilən iqtisadi islahatların prioritet istiqamətini təşkil edir. Bu gün Azərbaycan ümumi daxili məhsulun artım tempinə görə lider dövlətdir. Cənab İlham Əliyevin Prezident seçildiyi vaxtdan 535 min yeni iş yeri açılmışdır ki, bunun da 83 faizi regionların payına düşür. K.Həsənov sonda tədbir iştirakçılarının nəzərinə çatdırdı ki, bu iqtisadi yüksəliş strategiyasının mühüm hissələrindən biri olan dövlət əmlakının idarə edilməsi sahəsində də müvafiq uğurlar qazanılıb. Tədbirdə YAP-ın icra katibi Əli Əhmədov, Milli Məclisin İqtisadi siyasət daimi komissiyasının sədri, akademik Ziyad Səmədzadə və Milli Məclisin üzvü Xanhüseyn Kazımlı çıxış etdilər. Azərbaycan.-2007.-10 may.-S.12. Milli parkda Heydər Əliyevin doğum günü şərəfinə Gül bayramı keçirilmişdir Ümummilli liderimiz Heydər Əliyevin doğum günü şərəfinə Bakı Şəhər İcra Hakimiyyətinin təşkilatçılığı ilə mayın 10-da Milli parkda ənənəvi Gül bayramı keçirilmişdir. Şəhər icra hakimiyyətinin başçısı Hacıbala Abutalıbov, ictimaiyyətin nümayəndələri əvvəlcə Heydər Əliyev adına Sarayın qarşısındakı parka gələrək müstəqil dövlətimizin xilaskarı və qurucusunun, xalqımızın dahi oğlunun əzəmətli abidəsi önünə əklil qoymuş, gül dəstələri düzmüş, xatirəsinə sonsuz ehtiramlarını bildirmişlər. Sonra Milli parkda - Paraşüt qülləsinin önündə Gül bayramının rəsmi açılışı olmuşdur. Bayramda ölkəmizdə fəaliyyət göstərən diplomatik korpusun nümayəndələri, tanınmış ziyalılar, şəhərimizin sakinləri iştirak etmişlər. Ümummilli liderimiz Heydər Əliyevin çoxşaxəli siyasi fəaliyyətindən danışan Bakı Şəhər İcra Hakimiyyətinin başçısı Hacıbala Abutalıbov iftixar və inamla bildirmişdir ki, qədirbilən xalqımız dahi rəhbərimizin xidmətlərini heç vaxt unutmayacaq. İnsanların Heydər Əliyevə olan sonsuz məhəbbətini müxtəlif formalarda nümayiş etdirdiklərini diqqətə çatdıran natiq qeyd etmişdir ki, Gül bayramında iştirak edən yaradıcı şəxslərin, tələbə və məktəblilərin dahi rəhbərimizə həsr etdikləri sənət əsərləri də xalqımızın böyük oğluna olan tükənməz sevgisinin bariz nümunəsidir. Baharın bu gözəl çağında Bakının hər bir rayonu parkda ayrıca təmsil olunmuşdu. İlk qarşılaşdığımız Səbail Rayon İcra Hakimiyyəti başçısının müavini Xalidə Bayramova bildirmişdir ki, bağça uşaqlarının, məktəblilərin, müəssisə və şirkətlərin nümayəndələrinin, şəhərimizin sakinlərinin müxtəlif çiçək və otlardan, bitkilərdən, yarpaqlardan hazırladıqları rəngarəng tablolar öz görünüşü və ifadəliyi ilə seçilir, uşaq təxəyyülünün hədsiz imkanlarını nümayiş etdirir, hər kəsdə xoş ovqat yaradır. Milli parkda dünyanın müxtəlif yerlərindən gətirilmiş, respublikamızın təbiətində təsadüf edilməyən güllər də az deyildi. Təbiəti sevən, təsviri sənətə həvəs göstərən uşaqlar öz istedadlarını birbaşa nümayiş etdirmək imkanı qazanmışdılar. Onlar bayram iştirakçılarının gözü qarşısında asfalt və kağız üzərində gözəl lövhələr yaratmışdılar. Ümummilli liderimiz Heydər Əliyevin və Zərifə xanım Əliyevanın portretlərinə güllərdəın toxunmuş xalçanın qarşısında xeyli tamaşaçı toplaşmışdı. Xətai Rayon İcra Hakimiyyəti başçısının müavini Xeyrulla Hüseynli bildirmişdir ki, xalçanın müəllifi memar Camal Rəşidəlizadədir. Qaradağ rayonu ərazisində məskunlaşmış məcburi köçkünlərin əl işləri də tamaşaçılar tərəfindən maraqla qarşılanmışdır. Rayon icra hakimiyyəti başçısının müavini Zemfira Şıxəliyeva qeyd etmişdir ki, dahi rəhbərimizin siyasi xəttini uğurla davam etdirən Prezident İlham Əliyevin səyləri nəticəsində ölkəmizin ərazi bütövlüyü bərpa olunacaq və xalqımız ən möhtəşəm Gül bayramını Azərbaycanın dilbər güşəsi olan Şuşada keçirəcəkdir. Gül bayramı uşaq bədii-özfəaliyyət kollektivlərinin rəngarəng konsert proqramları ilə davam etmişdir. Yüklə 0,82 Mb. Dostları ilə paylaş:
|