Reja:. Havo elektr uzatish tarmog‘ida impuls o‘lchov asbobi bilan bajariladigan ishlar

ISH TO'LIQ TAMOM BO'LGANDAN SO'NG ELEKTR USKUNANI ULASH


Reja:


1.. Havo elektr uzatish tarmog‘ida impuls o‘lchov asbobi bilan bajariladigan ishlar.
2. Megaommetr va elektr o‘lchov asboblari bilan bajariladigan ishlar.
3.. Elektr himoya vositalari qo‘llash va sinash. Elektr sinov.
1. Sinash va o‘lchash. Begona tok manbaidan yuqori kuchlanish berib sinash
Elektr uskunalarida, shu jumladan, elektr uskunalaridan tashqarida (ishlatil-maydigan elektr uskunalarida, omborxonada, korxona maydonida, dalada va h.k.) ko‘chma sinov uskunalarini qo‘llab sinov o‘tkazish ishlari, naryad bilan bajarilishi shart. Sinov o‘tkazishga ijozatni ish rahbari, agar u tayinlanmagan bo‘lsa, ishboshi beradi.
Bunday hollarda naryadni sinov o‘tkazishga, ushbu ishlar zarurligi haqida qaror qabul qilgan va naryad berish huquqiga ega bo‘lgan xodim tomonidan beriladi.
Uskunalarni ta‘mirlash yoki ta‘mirlash jarayonida o‘tkaziladigan sinov ishlari, naryadning «Quyidagi ishlar bajarilishi yuklatilgan» degan satrida qayd qilinishi shart.
1000 V kuchlanishgacha bo‘lgan elektr uskunalarida sinov ishlarini farmoyish bilan bajarishga ijozat beriladi.
Sinov ishlarini tarkibida IV guruhga ega bo‘lgan ishboshi, III guruhga ega bo‘lgan brigada a‘zosi, qo‘riqlash uchun qo‘yilgan II guruhli brigada xodimi amalga oshirishi kerak.
Sinov ishlarini bajaruvchi, brigada tarkibiga tayyorgarlik ishlarini bajarishga jalb qilinadigan va uskuna ustidan nazorat qilish uchun ta‘mirlovchi ishchilar kiritilishi mumkin.
Uskunani ta‘mirlash yoki ta’mirlashni bajaradigan brigada tarkibiga sinov ishlarini bajarish uchun sozlash korxonalari yoki elektr laboratoriya xodimlari kiritilishi mumkin. Bunday holatda, sinov ishlariga ishboshi yoki uning ko‘rsatmasi bilan sozlash korxonasi yoki laboratoriya xodimlaridan IV guruhga ega bo‘lgan ishchi rahbarlik qiladi.
Kuchlanishi 1000 Voltdan yuqori bo‘lgan elektr uskunalaridan tashqarida turib, tok o‘tkazuvchi qismlari butunlay to‘r bilan yopilgan, eshiklari esa, blokirovka bilan jihozlangan doimiy o‘rnatilgan sinov uskunalarida izolyasiya materiallarini va buyumlarini (himoya vositalari, har xil izolyasion detallar va hokazolar) ommaviy birdaniga sinovdan o‘tkazish ishlarini amaldagi yo‘riqnomaga asosan, III guruhga ega bo‘lgan bir ishchi bajarishi mumkin.
Sinov ishlarini o‘tkazishga berilgan naryad, ishga va unga tayyorgarlik ishlari-ni bajarish uchun, ijozat sinov uchun mo‘ljallangan elektr uskunada ishlayotgan boshqa brigadalar chiqarib yuborilgandan so‘ng va ular naryadlarini ishga ijozat beruvchiga topshirganlaridan keyingina beriladi.
Doimiy navbatchisi bo‘lmagan elektr uskunalarida ishboshiga brigadani ish joyidan chiqarib yuborganidan so‘ng, ishdagi tanaffusni rasmiylashtirib, naryadni o‘zida qoldirishga ruxsat etiladi.
Sinalayotgan uskuna, sinov uskunasi va ulash simlari to‘siq, arqon bilan to‘silishi, hamda ularga yozuvi tashqariga qaragan, «Sinalmoqda! Hayot uchun xavfli!» degan shior osilishi shart. To‘siqni sinov o‘tkazayotgan xodim o‘rnatadi.
Zarur bo‘lgan taqdirda sinalayotgan uskuna, sinov uskunasi va ulash simlariga begona odamlarni yaqinlashishini oldini olish uchun, II guruhga ega bo‘lgan brigada a‘zolaridan birini nazoratchi etib tayinlanishi kerak. Nazoratchilik qilayotgan brigada a‘zosi to‘siqdan tashqarida turishi va sinalayotgan uskunani kuchlanish ostida deb hisoblashi shart. Nazoratchilik qilayotgan xodim, o‘z ish joyini faqat ishboshining ruxsati bilan tashlab ketishi mumkin.
Agar kabelni ikkinchi uchi berkitilgan xonada (kamerada), komplekt taqsim-lovchi uskunani xonasida yoki xona ichida joylashgan bo‘lsa, kabel elektr uzatish tarmoqlarini sinash jarayonida eshikka yoki to‘siqda, «Sinalmoqda! Hayot uchun xavfli!» degan shior osilishi shart.
Agar kabel elektr uzatish tarmog‘ini ikkinchi uchi joylashgan xona eshigi va unga o‘rnatilgan to‘siq berkitilmagan yoki kabelning fazalari trassadagi ta‘mirlashga mo‘ljallangan tarmoq bilan qo‘shib sinaladigan bo‘lsa, kabelni trassadagi fazasi ulangan joyga shiorlar osishdan tashqari, yana brigada tarkibiga kiritilgan II guruhli ishchidan yoki navbatchi xodimlardan qo‘riqlovchi qo‘yilishi kerak.
Sinov uskunasi va sinalayotgan uskuna har xil xonalarda yoki taqsimlovchi elektr uskunaning boshqa bir yerida joylashgan bo‘lsa, izolyasiya ahvolini tekshirib turish uchun III guruhga ega bo‘lgan brigada a‘zolarining birortasi ishboshidan alohida turishiga ruxsat etiladi. Ushbu brigada a’zolari to‘siqdan tashqarida joylashishlari va sinov ishlarini boshlashdan oldin ishboshidan yo‘riqnoma (instruktaj) olishlari kerak.
Sinovga salbiy ta‘sir beradigan yerdan ulagichni olish va sinov ishlari tamom bo‘lganidan so‘ng, qayta o‘rniga qo‘yish, faqat sinov ishlariga rahbarlik qilayotgan xodim ko‘rsatmasi bilan sinov uskunasini yuqori kuchlanishli qismini yerga ulangandan keyin amalga oshirilishi mumkin.
Sinash sxemasini yig‘ishda birinchidan sinov uskunasi, himoya va ishchi yerga ulagichlarini o‘rnatishni bajarish va kerak bo‘lgan taqdirda, sinaladigan uskuna tanasini (korpusini) himoyalovchi yerga ulagichini o‘rnatish zarur. Ko‘chma sinov uskunasi bilan sinov o‘tkazilganida, ushbu uskuna tanasini faqat ishchi sxema yordamida yerga ulash ta’qiqlanadi.
Ko‘chma sinov uskunasi tanasini ko‘ndalang kesimi, kamida 10 mm² bo‘lgan egiluvchan mis sim bilan alohida yerga ulanishi kerak. Sinov o‘tkazishdan oldin, uskuna tanasini yerga mustahkam ulanganligini tekshirish zarur.
Sinov uskunasini 380/220 V kuchlanishli tarmoqqa ulashdan oldin, uning yuqori kuchlanishli qismi yerga ulanishi shart.
Sinash sxemalarini yerga ulash uchun ishlatiladigan egiluvchan mis simning ko‘ndalang kesimi, kamida 4 mm² bo‘lishi kerak.
Sinov uskunasini 380/220 V kuchlanishli tarmoqqa ulaganda, zanjir uzilishini yaqqol ko‘rsatadigan o‘chirish-yoqish apparatlari orqali yoki uskunani boshqaruvchi shchitga o‘rnatilgan shtepsel vilkasi orqali ulash shart.
O‘chirish-yoqish apparati ushlab qoluvchi qurilma bilan jihozlangan bo‘lishi yoki apparatning qo‘zg‘almas va qo‘zg‘aluvchi kontaktlari orasiga izolyasion qatlam (nakladka) qo‘yilishi kerak.
Sinash uskunasini 380/220 V kuchlanishli elektr tarmog‘iga ulovchi sim yoki kabel, ushbu tarmoqqa o‘rnatilgan avtomatik o‘chirgich yoki saqlagich bilan himoya qilingan bo‘lishi shart. Ko‘chma sinash uskunasini elektr tarmog‘iga ushbu elektr tarmog‘ini ekspluatatsiya qiluvchi tashkilot vakili (xodimi) ulab berishi zarur.
Sinov uskunasidagi nazoratchining ish joyi, uskunani 1000 V kuchlanishdan yuqori qismidan ajratilgan bo‘lishi kerak. Uskunani, 1000 V kuchlanishdan yuqori qurilmasiga kiradigan eshigi blokirovka bilan jihozlangan bo‘lib, eshik ochilganda uskunadan kuchlanish olinishi va uskunaga kuchlanish berish mumkin bo‘lmasligi shart. Nazoratchining ish joyida, uskunaga 1000 Voltdan past va undan yuqori kuchlanish berilganligini ko‘rsatuvchi yorug‘lik signalizatsiyasi bo‘lishi kerak. Bun-dan tashqari, ko‘chma sinov uskunasida kuchlanish paydo bo‘lishi bilan, avtomatik ravishda ishlovchi tashqi yorug‘lik signalizatsiyasi bo‘lishi zarur.
Yuqori kuchlanishli o‘zgarmas tokni olish uchun, qoida tariqasida, qattiq yarim o‘tkazgichlardan yig‘ilgan sxemalarni qo‘llash zarur.
Kenotron sinash uskunalari, xizmat qiluvchi xodimlarni rentgen nurlarining zararli ta‘siridan saqlanishlari uchun, «Kenotron uskunalarini ekspluatatsiya qilishda xodimlar uchun xavfsizlik texnikasi bo‘yicha namunaviy yo‘riqnoma»-ga asosan ekspluatatsiya qilinishi zarur.
Sinalayotgan uskuna bilan sinov uskunasini ulovchi sim, oldin sinov uskunasi-ning yerga ulangan yuqori kuchlanishli qurilmasiga ulanadi. Bu sim shunday mahkamlanishi kerakki, ushbu sim kuchlanish ostidagi tok o‘tkazuvchi qismiga 1-jadvalning 3-chi ustunida ko‘rsatilgan masofadan yaqin kelishiga (ilashishiga) yo‘l qo‘ymaslik kerak.
Sinov uskunasidan kelayotgan simni kabel fazasiga yoki sinalayotgan uskuna fazasiga ulash va olish, sinov rahbari ko‘rsatmasi bilan, faqat ushbu uskunani yerga ulash pichog‘ini yoxud ko‘chma yerga ulagich yordamida, yerga ulanganidan so‘ng, shu jumladan, maxsus laboratoriyada ishlatiladigan izolyasion dastakli yerga ulagich yordamida, yerga ulanganidan keyin amalga oshiriladi.
Ishboshi, har doim sinalayotgan uskunaga sinov uskunasidan kuchlanish berishdan oldin, quyidagi tadbirlarni bajarishi shart:
- sinov uchun yig‘ilgan sxemalarni to‘g‘riligini, ishchi va himoya yerga ulagichlarni mustahkamligini tekshirish;
- nazorat uchun tayinlangan barcha brigada a‘zolari va qo‘riqlash uchun tayinlangan ishchilar o‘z joylarida turganligini, begona odamlar ish joyidan chiqarilganligini va uskunaga sinov uchun kuchlanish berish mumkinligini tekshirish;
- brigada a‘zolarini, «Kuchlanish berayapman!» degan so‘zlar bilan ogohlantirish va ushbu ogohlantirish barcha brigada a‘zolari eshitganligi to‘g‘risida ishonch hosil qilganidan so‘ng, sinov uskunasini yuqori kuchlanishli tomonidan yerga ulagichni olib tashlab, uskunani 380/220 V kuchlanishli tarmoqqa ulashi zarur;
Sinov uskunasini yuqori kuchlanishli tomonidan yerga ulagich olib tashlangan paytdan boshlab, sinov uskunasi sinalayotgan uskuna va ular orasidagi sim kuchlanish ostida deb hisoblanishi, sinash sxemasida hamda sinalayotgan uskunada qayta ulash ishlarini bajarish man qilinadi.
Sinov uskunasini yuqori kuchlanishli tomoniga kuchlanish berilgan paytdan boshlab, sinov uskunasiga kirish va u yerdan chiqish, sinalayotgan uskunaga yaqinlashish, hamda yerda turib sinov uskunasi tanasiga tegish man qilinadi.
Kabellarni sinash va ulardagi nosoz joylarini kuydirish bilan topish, ularni yerga ulash uskunasi bor qurilma tomonidan bajarilishi zarur. Mustasno tariqasida, yerga ulash uskunalari o‘rnatilmagan kabellarda ushbu ishlar, korxona rahbari ruxsati bilan bajarilishi mumkin.
Sinov ishlari tugatilganidan so‘ng, ishboshi sinov uskunasidan kuchlanishni nolgacha pasaytirishi, uskunani 380/220 V kuchlanishli tarmoqdan uzishi va yuqori kuchlanishli tomonini yerga ulashi hamda «Uskunadan kuchlanish olindi!» degan so‘zlar bilan brigada a‘zolarini xabardor qilishi lozim. Faqat shundan so‘ng, simlarni qayta ulash yoki sinov ishlari to‘liq tugatilgan taqdirda, sinalayotgan uskunani sinov uskunasidan uzib qo‘yib, to‘siqlar olinishi mumkin.
Katta sig‘imli elektr uskunalarida (kabellarda, generatorlarda) sinov ishlari tugaganidan so‘ng, qolgan elektr zaryadi olib tashlanishi zarur.