Sərbəst iş Tələbə: Bağırova Çəmənxanım Təhsil: Magistr Kurs: I fakultə

AZƏRBAYCAN RESPUBLİKASI TƏHSİL NAZİRLİYİ

AZƏRBAYCAN DÖVLƏT PEDAQOJİ UNİVERSİTETİ



Sərbəst iş

Tələbə: Bağırova Çəmənxanım

Təhsil: Magistr

Kurs: I

Fakultə: Kimyanın tədrisi metodikası və metodologiyası

Fənn: Kimyanın tədrisində ekoloji tərbiyə

Müəllim: Gülnarə İsmayılova

Bakı – 2020

Nitrat turşusu istehsalının atmosferə təsiri

Nitrat turşusunun istehsal texnologiyası. Nitrat turşusu – çox böyük əhəmiyyəti olan mineral turşulardan biridir. Kimya sənayesində istehsal həcminə görə nitrat turşusu sulfat turşusundan sonra ikinci yerdə durur. Nitrat turşusu sənayedə və kənd təsərrüfatında istifadə olunan bir çox məhsulların istehsalında istifadə olunur: Ümumi istehsal olunan nitrat turşusunun 40% -i mürəkkəb və azotlu mineral gübrələrin alınmasına sərf olunur; Nitrat turşusu sintetik boyalar, partlayıcı maddələr, nitrolaklar, plastik kütlələr, sintetik dərman maddələri və s. alınmasında geniş istifadə olunur. Qatılaşdırılmış nitrat turşusu (xüsusilə10% H₂SO₄ əlavə edilməklə) adətən polad sistemlərdə (bir sıra mayeləri saxlamaq və daşımaq üçün böyük çən, vaqon və ya avtomobil) daşınır. Laboratoriya təcrübələrində adətən 65%-li nitrat turşusundan istifadə olunur. Sənayedə nitrat turşusunun iki növündən istifadə olunur: durulaşdırılmış 50–60% -li və qatılaşdırılmış 96–98% -li nitrat turşusu.

Əvvəllər nitrat turşusunu Çili şorasına sulfat turşusu təsir etməklə alırdılar. Hal-hazırda nitrat turşusu sintetik amonyakdan alınır və əsasən də azotlu gübrələrin emalına sərf olunur.