Tariypi. 5-6 qatnasıwshılar oqıtıwshı menen birge sheńber forması boylap otıradı. Olar «balıqlar»

Tariypi.
1. 5-6 qatnasıwshılar oqıtıwshı menen birge sheńber forması boylap otıradı. Olar «balıqlar». Olardıń átirapına gruppanıń qalǵan qatnasıwshıları otıradı (yamasa turadılar ). Olar - «balıq ańshılari».
2. Ishki sheńber aǵzaları («balıqlar») oqıtıwshı usınıs etken sorawdı aktiv talqılaydı. “Balıq ańshıları” bolsa gúzetip turadı hám sorawdı talqılaw qılıp atırǵan qandayda oqıwshınıń pikiri olardı qızıqtırıp qalǵanda processke kirisedi: qosımsha etedi, soraw beredi, anıqlastıradı. Sonda «baliq ańshısı» pikiri onı qızıqtırıp qalǵan «balıq»tıń janına turıp alıwı kerek.
3. Bir mashqalanıń (máseleniń) talqılawı tawsılǵanınan keyin qatnasıwshılar orın almasadı (sheńberden sırtda turǵanlar endi sheńber boylap otıradı). Barlıq qatnasıwshılar sheńberde otırıwları maqsetke muwapıq bolıp tabıladı.
Paydalanıw maqseti.
Tábiyiy hám anıq pánlerdi úyreniw processlerinde qollanıladı.
Abzallıqları.
Qatnasıwshılarǵa rásmiy bolmaǵan sharayatta pikir almasıwǵa, berilgen mashqalanı (máseleni) sheshiw boyınsha óz kóz-qarasların bayanlawǵa múmkinshilik jaratadı. Talqılaw procesine erkin pikir qosıw hám odan shıǵıp ketiwge múmkinshilik beredi. Analitik pikirlew, itibar jıynaw hám gúzetiwshenlikti rawajlandıradı. Sóylewdi hám teris baylanıs texnikasın rawajlandıradı.
Qıyınshılıqları.
Mashqalanı talqılawda barlıq oqıwshılar aktiv qatnasıw processinde tartıs-pikirler, dawlar júzege keliwi múmkin. Usı sebepli oqıtıwshı jaqsı tayarlanıwı hám kúshli qarama-qarsılıqlar payda bolıwına jol bermeytuǵın usıllardı biliwi kerek.
Anıq qadaǵalaw bolıwın talap etedi. Process dawamında ayırım oqıwshılar odan shıǵıp qalıwları (processte qatnaspawı) múmkin. Oqıtıwshı mashqalanı talqılawǵa barlıq oqıwshılardı tartıw usılların oylap shıǵıwı kerek.