Xxxv fəsil İctimai elmlərdə fənn proqramları Ümumi hissə a Giriş



Yüklə 1,14 Mb.
səhifə2/16
tarix02.12.2016
ölçüsü1,14 Mb.
#681
1   2   3   4   5   6   7   8   9   ...   16

Orta pillə

Tarix, coğrafiya və mülki təhsilin tədrisi ümumi təhsilin üçüncü orta pilləsində məktəbin baza pilləsində şagird tərəfindən əldə edilmiş bilik və bacarıqları, icbari və özünün seçdiyi fənləri daha dərindən öyrənməyə, elmi tədqiqatın ümumi spesifikasına yiyələnməyə əsaslanır.



Tarix

Gürcüstan və dünya tarixi biliyi şagirdin vətənpərvər və siyasi cəhətcə savadlı vətəndaş kimi formalaşmasının ilkin şərtidir. Tarixi öyrənmək şagirdə aşılamalıdır ki, tarix qırılmaz bir prosesdir və müasir cəmiyyət üçün ən əhəmiyyətli siyasi, sosial və əxlaq problemləri əhəmiyyətli dərəcədə əsrlər və minilliklər boyu baş vermiş dəyişikliklərlə şərtlənir. Tarixin tədrisi şagirddə həmçinin problemi həll etmək qabiliyyətini inkişaf etdirməlidir.

Bu vəzifələrin yerinə yetirilməsi tələb edir ki, şagirdin tarixi düşüncəsi olsun: o, tarixi dövrü dərk etməyi bacarmalıdır (tarixi dövrün təsviri zamanı hadisələri o dövrdə yaşamış insanların gözü ilə görə bilsin; keçmişdə baş vermiş hadisələrin nəinki təkcə bugünkü baxışdan, həm də o dövrün dəyərlərinin və görüşlərinin nəzərə alınması ilə qiymətləndirə bilsin); tarixi hadisələr arasında mürəkkəb səbəb-nəticə əlaqələrini müəyyənləşdirə və təhlil edə bilsin; tarixi hadisələrin səbəblərinin və nəticələrinin fərqli qiymətləndirilməsini müqayisə və təhlil etsin ; qanunauyğunluqlar barədə öz mülahizəsini əsaslandıra bilsin; müstəqil tarixi tədqiqatı bacarsın (tarixi tədqiqat-axtarış məqsədinin müəyyənləşdirilməsi və planlaşdırılması; yazılı, vizual, ədəbi mənbələrin axtarılması; tarixi sənədlərin təhlili; tarixçilərin fərqli görüşlərini müqayisə etmək; keçirilmiş tədqiqatın əsasında tarixi mövzunun yazılması).

Coğrafiya

Bu pillədə şagird dünya ölkələrinin əsas xüsusiyyətlərini, onlarda cərəyan edən müxtəlif prosesləri və hadisələri öyrənəcəkdir; təbiəti qorumanın və ümumiyyətlə, sabit inkişaf problemlərini, bu məsələlərə münasibətdə alternativ yanaşmaları, onların həllinin mümkün yollarını, qlobal problemlərin coğrafi xüsusiyyətlərini müzakirə və təhlil edəcək; bilik və təcrübə ilə təchiz olunmuş hər bir insanın və cəmiyyətin ətraf mühitin sağlamlaşdırılmasına, onun davamlılığının qorunub-saxlanmasına necə böyük xidmət göstərə biləcəyini dərk edəcəkdir.

Orta pilləni başa çatdırdıqdan sonra şagird ətraf mühitdə baş verən hadisələri müşahidə etmək əsasında əhalinin əsas tələbatlarını və problemlərini müəyyənləşdirməyi bacarmalı və problemlərin həlli yollarını tədqiq etməyi və bu barədə mülahizə yürütməyi bacarmalıdır. Coğrafi tədqiqatı planlaşdırmağı, tədqiqat keçirməyi və onun nəticəsini həm yazılı, həm də şifahi şəkildə təsvir etməyi bacarmalıdır; tədqiqat prosesində vizual material (xəritə və ya başqa coğrafi vasitələr) yaratmalıdır.

___________________

⁴. Məcburidir ki, tarixi dövrü dərk etmə qabiliyyətinin formalaşdırılması ibtidai və baza məktəbi pilləsində başlansın.

Bu məqsədə nail olmaq üçün şagirdin dərslikdən başqa müxtəlif tarixi materiala əli çatması zəruridir.

Şagird başa düşməlidir ki, şəxsiyyətin azad iradəsi və seçim etmək qabiliyyəti vardır. O, dərk etməlidir ki, tarix başqa yollada inkişaf edə bilərdi. Bu halda onda belə bir təəssürat yaranmamalıdır ki, gələcək əvvəlcədən müəyyənləşdirilmişdir və şəxsiyyətin hərəkətinin və onun etdiyi seçimin əhəmiyyəti yoxdur.

Mülki təhsil

Bu pillədə mülki təhsil şagirdə siyasi, hüquqi və iqtisadi elmlərin əsaslarına yiyələnmək imkanı verəcək; sosial, əxlaq, vətəndaş məsuliyyətini dərk etmək və ictimai həyatda iştirak etmək üçün zəruri kompetensiyaların inkişaf etdirilməsində ona kömək göstərəcəkdir.

Mülki təhsilin məcburi və seçimli fənləri şagirdə şəxsi inkişafın, identikliyin elə bir yeni amillərinin dərk olunmasında kömək göstərəcəkdir ki, bunlar aşağıdakılardan ibarətdir: özünün və başqasının şəxsi xüsusiyyətlərinin təhlili; özünün və başqalarının ləyaqətlərinin və nöqsanlarının təhlili; cəmiyyətdə özünün yeri və əhəmiyyətinin müəyyənləşdirilməsi; özünün gələcəyinin planlaşdırılması; mən-in və bizim-in maraqlarının nəzərə alınması ilə müstəqil qərarların qəbul olunması; identikliyə nail olmağın əhəmiyyətli pillələrindən biri kimi peşənin və onun seçilməsi üçün konkret addımların atılması;rəqabət qabiliyyətliliyi, müstəqillik, qərarların qəbul olunması, dəyər kimi seçim azadlığı və onun inkişafına qayğı;

Mülki təhsil şagirdə kömək göstərəcəkdir: müasir dünyada sabit inkişaf prosesində öz rolunu görməkdə və müvafiq addımların atılmasında; iqtisadi düşüncəyə və onun əhəmiyyətinin dərk edilməsində sabit inkişaf kontekstində; intermədəni savadlılıqda və qarşılıqlı münasibətlərdə; ictimai təhlükəsizliyin əhəmiyyətində və onda özünün rolunun dərk edilməsində; ictimai fəaliyyətin əhəmiyyətinin dərkində və yerinə yetirilməsində; sağlam həyat qaydasının əhəmiyyətinin başa düşülməsində fərdi və ictimai səviyyədə. Ona əməl etməyin müvafiq addımlarının atılmasında; dəyərin və sabit inkişafın ölçüsü kimi peşəkarlığın müəyyənləşdirilməsində onun əhəmiyyətinin təyinatında; əməkdaşlıq mədəniyyətinin inkişafında; iqtisadi, siyasi, sosial mənafelərin, münaqişələrin və onların nizama salınması mexanizmlərinin əsaslarının öyrənilməsində rolundan.

Orta pillədə mülki təhsilin təyinatı şagirdə aşağıdakı köməyi göstərməkdən ibarətdir: Gürcüstanı çoxmillətli ölkə kimi dərk etmək; özünü Gürcüstanın vətəndaşı kimi dərk etmək; vətəndaşlıqla şərtlənən hüquqlara, vəzifələrə və məsuliyyətlərə əməl etmək/yerinə yetirmək üçün konkret hərəkətlərin həyata keçirilməsində; vətəndaş cəmiyyəti üçün özünün və başqasının hüquqlarını qorumağın əhəmiyyətinin başa düşülməsi və həyata keçirilməsi.

c) Fənlərin tədrisinin təşkili

İbtidai pillə

I, II, III və IV siniflərdə Gürcüstan tarixinin, coğrafiyasının və mülki təhsilin elementləri başqa tədris fənlərinə (gürcü dili və ədəbiyyatı, təbiətşünaslıq, estetik və əmək tərbiyəsi, riyaziyyat) daxildir. V-VI siniflərdə Gürcüstan tarixi, coğrafiyası və mülki təhsil inteqrativ şəkildə “Bizim Gürcüstan” fənnində tədris olunur.

I-IV siniflərdə mülki müdafiə və təhlükəsizlik məsələləri təbiətşünaslıq və fiziki təlim/idman (sonradan idman) tədris proqramlarına daxil edilmişdir; lakin, IV sinifdə bir semestr ərzində, cəm şəklində 12 saat xüsusi olaraq “hərəkətin təhlükəsizliyi” (tədris ilinin ikinci semestri üçün tövsiyə olunur) fənninə ayrılmışdır; V-VI siniflərdə qeyd olunan məsələlər təbiətşünaslıq, ictimai elmləri və idman tədris proqramlarına daxil edilmişdir.

Baza pilləsi

VII sinifdən tarix və coğrafiyanın tədrisi müstəqil fənn kimi başlanır. Mülki təhsilin tədrisi VII-VIII siniflərdə tarixlə inteqrativ yolla aparılır.

IX sinifdə hər üç fənn – tarix, coğrafiya və mülki təhsil ayrı-ayrılıqda tədris olunur.

VII-IX siniflərdə mülki müdafiə və təhlükəsizlik fənninə daxil olan mövzular biologiya, fizika, kimya, coğrafiya, tarix, mülki təhsil və idman tədris proqramlarına daxil edilmişdir;

VIII sinifdə bir semestr ərzində bütövlükdə 12 saat xüsusi olaraq “Fövqəladə şəraitdə təhlükəsizlik” fənni üçün ayrılmışdır (tədris ilinin ikinci semestri üçün tövsiyə olunur);

Orta pillə

Bu pillədə (X-XII) hər üç sinifdə tarix məcburi fənn kimi qalır.

X-XI siniflərdə coğrafiya məcburi fəndir, X-XII siniflərdə isə şagirdlərin əlavə seçimli fənlər, məs.: coğrafi tədqiqat seçimi etmək imkanı vardır.

Tarix, coğrafiya və ictimai elmlərinin fənn qrupu X sinifdə şagirdə mülki təhsilin məcburi kursunu, X-XII siniflərdə isə - seçimli fənləri, məs.: dövlət, vətəndaşlıq, sahibkarlığın əsaslarını, praktiki hüquq və s. təklif edir.

X sinifdə mülki müdafiə və təhlükəsizliyin müəyyən məsələlərinin tədrisi mülki təhsil, biologiya və idman tədris proqramlarında inteqrativdir. XI sinifdə fənnə daxil olan tematika fizika və kimya tədris proqramlarına inteqrasiya olunmuşdur. XII sinifdə əlavə şəkildə ayrıca fənn – Mülki müdafiə və təhlükəsizlik tədris olunur. Ona 14 saat ayrılmalıdır (tədris ilinin birinci semestrində).

Standartda göstərilən indekslər

Standartın nəticəsinin indeksi vardır. İndeks fənnin, sinfin və nəticənin nömrəsi barədə informasiya verir. Məs.:



İc. elm. V-VII. 7.-ictimai elm – fənn

V-VI. – sinif

7-nəticənin nömrəsi

İctimai elmlər fənlərinin qısaldılmış indeksləri:

Tar. - tarix

Coğ. – coğrafiya

Mül. – mülki təhsil

Təh. – mülki müdafiə və təhlükəsizlik

ç) Fənlərin tədrisi istiqamətlərinin təsviri

Milli Tədris Planında hər bir sinfin və ya pillənin sonunda tədris prosesinin nəticələri və şagird tərəfindən onlara nail olunmağın indikatorları müəyyənləşdirilmişdir. Nəticələr istiqamətlərə əsasən qruplaşdırılmışdır. Hər bir istiqamət fənnin tədrisinin əsas təyinatını əks etdirir və bir və ya bir neçə komponent sahəsinə əsaslanır. Tarixin X və coğrafiyanın XII siniflərinin standart istiqamətləri tədqiqi və ya kommunikasiya qabiliyyət-vərdişlərinə uyğun olaraq müəyyənləşdirilmişdir.



Tədrisin fənlərə və siniflərə əsasən istiqamətləri

İstiqamətlər

Bizim Gürcüstan

Tarix

Coğrafiya

Mülki təhsil

Mülki müdafiə və təhlükəsizlik

Zaman və məkan

5-6

7,8,9,10

7-11

7-8




Ətraf-mühit və iqtisadiyyat

5-6

7,8,11,12

7-11

7-8




Dövlət idarəçiliyi və siyasət

5-6

7-9,11-12




7-8




Mədəniyyət və din

5-6

7-9,11-12




7-8




İnsan və cəmiyyət

5-6

7-9,11, 12




7-8




Ətraf mühit və sosial sistemlər







7-11







Şəxsiyyətin inkişafı










9-10




Dayanıqlı inkişaf










9-10




Özünüidarə və idarəçilik










9-10




Tarixi interpretasiya və tədqiqat




10










Kommunikasiya




10

12







Coğrafi tədqiqat







12







Şəxsi təhlükəsizliyin təminatı













4,8,12

Fövqəladə vəziyyətlərdə təhlükəsiz davranışın əsasları













4,8,12

Həkiməqədər ilkin tibbi yardım













12

Zaman və məkan

İctimai elmlərin istiqamətində “Zaman və məkan”ın birləşmiş nəticələri, ilk növbədə, şagirdə zaman və məkanda istiqamətlənmə qabiliyyətini aşılayır.

Bu istiqamət coğrafiyada nəzərə çarpandır. O, coğrafiya üçün elə bir əhəmiyyətli mövzuları və qabiliyyət-vərdişləri birləşdirir, hansılar ki, xəritəni oxumaqdan, əyani vəsaitlərin təhlilindən, interpretasiyasından və yaradılmasından; eləcə də ərazilərin coğrafi yerləşməsinin müəyyənləşməsindən; coğrafi mühitin, geoloji zamanın, coğrafi hadisələrin, proseslərin və qanunauyğunluqların yayılması biliyindən ibarətdir.

Tarixə gəldikdə isə şagird aşağıdakılardan ibarət olan fundamental anlayışlara yiyələnir: zaman vahidləri, ön/gec, keçmiş, indiki, gələcək, xronologiya istilahları (illərin geoxronoloji hesablanması), illərin hesablanması, dövrilik, əsr, minillik, təqvim, tarixi dövr/mərhələlər,dövr və region.



Ətraf mühit və iqtisadiyyat

“Ətraf mühit və iqtisadiyyat” istiqamətindən məqsəd şagirdə təbii ətraf mühitin və iqtisadiyyatın cəmiyyət üçün əhəmiyyətini göstərməkdən ibarətdir. Bu istiqamət təbii ətraf mühiti, təbii resursları, əhalinin, iqtisadiyyatın sahələrinin dərk edilməsi və öyrənilməsinə yönəldilmiş nəticələri birləşdirir. Şagirdə coğrafi amillərin qarşılıqlı əlaqələrini və qarşılıqlı asılılığını dərk etmək imkanı verilir. Elə bu istiqamətdəcə ətraf mühitin mühafizəsi anlayışlarının formalaşdırılmasına doğru yönəldilmiş nəticələr ətraflı nümayiş etdirilir.

Burada birləşmiş nəticələr şagirdə iqtisadiyyatın və təbii amillərin qarşılıqlı təsirini dərk etmək, bu əlaqələrin zaman və məkan çərçivələrində dərkinin qanunauyğunluqlarını mənimsəməyə imkan verir.

Dövlət idarəçiliyi və siyasət

Bu istiqamətdən məqsəd şagirdə dövlətin nə olduğu və funksiyaları barədə bilik verməkdən, siyasi proseslərin əhəmiyyətini və ümumi qanunauyğunluqları dərk etməkdən ibarətdir. Eləcə də tarixi faktların ümumiləşdirilməsində şagirdə kömək göstərməkdən ibarətdir.



Mədəniyyət və din

Bu istiqamətdən məqsəd şagirdə yer üzərində insanın yaratdığı mədəni irslərin rəngarəngliyini göstərməkdən və onun təsnifatında kömək göstərməkdən, ona tarixi dövrləri və cəhətləri özünəməxsus səciyyəvi etnoqrafik məişət və mədəni nailiyyətlər əsasında fərqləndirməkdə kömək göstərməkdən , şagirdə dinin nədən ibarət olduğunu və əhəmiyyətini müəyyənləşdirməkdə kömək göstərməkdən,Yer üzündə mövcud olan dini sistemlərin rəngarəngliyi barədə təsəvvür yaratmaqdan ibarətdir.



İnsan və cəmiyyət

Bu istiqamətdən məqsəd şagirdə tarixin başlıca yaradıcısının öz hüquqları və cəmiyyət qarşısında müəyyən vəzifələri olan insanın olmasını göstərməkdən ibarətdir. Cəmiyyət müxtəlif sosial təbəqələrdən ibarətdir. Şagird bilməlidir ki, müxtəlif tarixi dövrlərdə müxtəlif sosial təbəqənin insanlarının hüquqi vəziyyəti və ictimai həyata onların cəlb olunması səviyyəsi necə idi.



Ətraf mühit və sosial sistemlər

“Ətraf mühit və sosial sistemlər” istiqamətində siyasi və sosial cəhətdən əhalinin, yerləşmənin coğrafi öyrənilməsinə doğru yönəldilmiş cəmiyyət barəsində nəticələr birləşdirilmişdir. Bu istiqamətin nəticələri şagirdlərdə ətraf mühit ilə cəmiyyət arasında əlaqələri möhkəmləndirir.



Tarixi interpretasiya və tədqiqat

Bu istiqamətdən məqsəd şagirdə tarixi tədqiqat qabiliyyəti aşılamaqdan ibarətdir.Ona tarixi mənbələr və tədqiqat metodlarının rəngarəngliyi barədə informasiya versin, ona öz mülahizələrini formalaşdıra və onları dəlillərlə müdafiə etməyi öyrədən tarixi mövzunu yazmağı öyrətsin.



Kommunikasiya

Bu istiqamətdən məqsəd şagirdə xəritələr və başqa coğrafi vasitələrin təhlili və onların analoqlarını yaratmaq bacarığı verməkdən ibarətdir; tarixi və coğrafi tədqiqatın fərdi və qrup halında (işin bölünməsi, qrup halında müzakirə və s.) işləmək qabiliyyət-vərdişləri aşılamaqdan; fərdi iş prosesində yaranmış problemləri dəf etməyə yönəldilmiş məsələlərlə maraqlı həmyaşıdlarını cəlb etməkdən; tədqiqat prosesində o şəxslərlə və təşkilatlarla əməkdaşlıq etməkdən ibarətdir, hansılardan ki, arzuolunan informasiya almaq mümkündür. Müxtəlif tip auditoriya üçün təqdimat hazırlamaq bacarığından ibarətdir.



Şəxsi inkişaf

Fərdi səviyyədə şəxsi inkişaf özünüinkişaf və başqalarının inkişafı prosesidir. O, aşağıdakı vəzifələrin yerinə yetirilməsinə yönəldilmiş məqsədləri, planları və hərəkətləri əhatə edir:



  • Öz-özünü təhlil etməyin inkişafı

  • Özünün biliyinin inkişafı

  • İdentikliyin axtarılması, tapılması və ya yeniləşdirilməsi

  • İmkanların və ya istedadın inkişafı

  • Potensialın müəyyənləşdirilməsi və inkişafı

  • İnsan kapitalının inkişafı

  • Həyat keyfiyyətinin yüksəldilməsi

  • Şəxsi inkişaf planının müəyyənləşdirilməsi və yerinə yetirilməsi

Sabit inkişaf

Əksər hallarda sabit inkişafı “hazırkı tələbləri o dərəcədə ödəyə bilir ki, gələcək nəsillərdən tələblərin ödənilməsi imkanlarını almayan bir inkişaf” kimi izah edirlər.

Sabit inkişaf dəyişikliklər prosesindən ibarətdir. Bu dəyişikliklərdə təbii resurslardan istifadə etmək, investisiyalar, elmi-texniki inkişaf, şəxsiyyətin inkişafı və təsisat dəyişiklikləri qarşılıqlı razılaşma əsasında baş verir və insanın tələbatlarını və nailiyyətlərini ödəyə bilməsi üçün lazımi indiki və gələcək potensialı yaradır. Müəyyən mənada, söhbət insanların həyat səviyyəsinin təminatı barəsində gedir.

Özünüidarə və idarə

Özünüidarəetmə və idarəetmə gözlənilənləri, hakimiyyətin verilməsi və ya fəaliyyətə nəzarəti müəyyənləşdirən qərarlarla (fərdi, ailə, icma, ölkə səviyyəsində) əlaqədardır. O, fərdi, yaxud qrup halında və ya ictimai fəaliyyətin idarəetmə proseslərini və liderliyin spesifik hissəsini əhatə edir.



Coğrafi tədqiqat

Bu istiqamətdən başlıca məqsəd ondan ibarətdir ki, yeniyetmə coğrafiya və coğrafi biliyin insan fəaliyyətinin müxtəlif sahələri üçün əhəmiyyətini dərk etsin. Coğrafi tədqiqatların ənənəvi (təsviri, müqayisəli-coğrafi, kartoqrafik) və yeni (riyazi, məsafəli, geo-informasiya) metodları ilə tanış olsun. Coğrafi proqnozlar və modelləşdirmə məsələlərini öyrənsin. Müvafiq problemlərlə əlaqədar nəzəri material və mənbələr axtara bilsin; səhra şəraitində informasiya toplamağı, materialın təşkilini, təhlilini və coğrafi mövzunun strukturunun işlənib-hazırlanmasını bacarsın.



Mülki müdafiə və təhlükəsizlik təlim tədrisi üç əsas istiqamətdə aparılır:

  • Gündəlik həyatda şəxsi təhlükəsizliyi təmin etmək;

  • Fövqəladə şəraitdə təhlükəsizlik davranışının əsasları;

  • Təxirəsalınmaz həkiməqədər yardım.

__________________________

UnitedNations. 1987. “Report of theWorldCommission on Environment and Development”GeneralAssemblyResolution 42/187, 11 December 1987. Retrieved : 2007-04-12; Smith, Charles; Rees, Gareth (1998). EconomicDevelopment, 2nd edition. Basingstoke: Macmillan. ISBN 0333722280

İnsan həyatı və təhlükəsizliyi üçün təhlükələr özünün səbəbləri-məqsədləri, yayılması, təsiredici amilləri, nəticələri və müvafiq təhlükəsizlik tədbirlərinə əsasən müxtəlifdir. Eyni zamanda, uşağın böyüməsi ilə yanaşı həm onunla əlaqədar təhlükəlilik tipləri, eləcə də təhlükəsizlik normalarına əməl etmək imkanları dəyişir.

Şagird və tədris nəticəsinə yönəldilmiş maarif prosesi, təbii ki, həm təhlükələrin və onunla çarpışmanın, eləcə də uşaqların yaş xüsusiyyətlərini nəzərə almalıdır.

Mülki müdafiə və təhlükəsizlik təhsil proqramının müxtəlif motivasiyalı və imkanlı şagirdlər üçün müxtəlif imkanları nəzərdə tutması vacibdir.

d) İctimai elmlərdə qiymətləndirmə

İctimai elmlərdə qiymətləndirmə komponentləri:


  1. Sinif işi

  2. Ev tapşırığı

  3. Yekun tapşırığı



  1. Sinif işi

Aşağdakı bilik və qabiliyyətlər qiymətləndirilir:

  • Problemlərin düşünülməsi

  • Kommunikasiya

  • Tədris

  • Əməkdaşlıq

_______________________

Bilik hər bir fənnin və sinfin proqram məzmununa uyğun olaraq qiymətləndirilir.



  • İctimai həyatda fəal iştirak etmək

  • Yaradıcılıq

  • Zamanın tarixi anlamı

  • Ətraf mühitə məsuliyyət və qayğı

  • Tarixi tədqiqat

  • Coğrafi tədqiqat

  • Məkanda istiqamət

  • Tarixi dövrün dərki

  • Əyani vəsaitlərdən istifadə etmək və onları yaratmaq

Qabiliyyətlər aşağıdakı fəallıqlarla qiymətləndirilir:

  • Mövzu ilə əlaqədar qoyulmuş suallarla

  • Qoyulmuş suallara verilmiş cavabla

  • Müzakirə olunası məsələ ilə əlaqədar mülahizə və təhlil ilə

  • Müzakirə olunan hadisələrə və proseslərə öz münasibətinin əks olunması ilə

  • Qoyulmuş problemin həlli yolunun təklif olunması ilə

  • Qrup halında işə daxil edilən xidmətlə

  • Diskussiyada iştirakın tezliyi ilə

  • Aydınlaşmış anlayışların və terminlərin izahı və ya ondan istifadə etməklə

  • Hadisələrin və proseslərin müzakirəsi zamanı öz mülahizələrini əsaslandırmaqla

  • Əyani vasitələrdən istifadə etməklə və onları yaratmaqla

  • Təqdimatla

  • Zaman limitinə əməl etməklə

  • Diskussiyalarda söylənilmiş mülahizələr və dəlillərlə



  1. Yüklə 1,14 Mb.

    Dostları ilə paylaş:
1   2   3   4   5   6   7   8   9   ...   16




Verilənlər bazası müəlliflik hüququ ilə müdafiə olunur ©azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin