Yağış suyunun israf edilməməsi və daha yaxşı məqsədlər üçün istifadəsini nəzərdə tutan xüsusi çənlərin hazırlanmasını təklif edirik. Bu çənlər vasitəsilə yay aylarında quraq ərazilərin suvarılmasını təmin etməyi düşünürük. Bu metodla həm yağış suyunun israfının qarşısını almaq həm də ölkənin su ehtiyyatlarına qənaət etməyi hədəfləyirik. Çənlərin yaradılması güclü yağış yağan zaman baş verə biləcək sel hadisələri nəticəsində kənd təsərrüfatına dəyəcək ziyanı xeyli azaldacaq və bunun nəticəsində iqtisadi cəhətdəndə faydalı olacaq.
Məişət tullantıların ətraf mühiti çirkləndirməsinin qarşısını almaq məqsədilə “ Tullantı = Qazanc” adlı layihə irəli sürürük. Layihə Ekologiya və Təbii Sərvətlər nazirliyi ilə ölkədəki qurum və ictimai iaşə obyektləri arasında əməkdaşlıq çərçivəsində baş tutacaq. Məqsəd həm məişət tullantılarının vurduğu ziyanı azaltmaq həm iaşə obyektlərinə dəstək olmaq həm də əhali arasında ekologiyanın qorunmasına təşviqi (və ya marağı) artırmaqdır. Bununla bağlı layihədə iştirak edəcək əməkdaşlar xüsusi tarif planı hazırlamalıdır. Tarif planı müəssisənin qaydalarına, tullantının çəkisinə uyğun olaraq hazırlanacaq və nazirliyə təqdim olunacaqdır.
