Yazışma: 331-ci otaq, Mətbuat pr., 529-cu məhəllə, Bakı, Az 1073, Azərbaycan R



Yüklə 325,5 Kb.
səhifə1/2
tarix31.01.2017
ölçüsü325,5 Kb.
#7208
növüYazı
  1   2

Yeni Yazarlar və Sənətçilər Qurumu

Association of New Writers and Artists


Организация Новых Писателей и Деятелей Исскуства


Yazışma: 331-ci otaq, Mətbuat pr., 529-cu məhəllə, Bakı, Az 1073, Azərbaycan R

Tel.: 418 93 58; 538 03 17; (0-50) 213 40 43; e-mail: aydınxan@mail.ru www.kitabxana.net




Azərbaycan Xalq Cümhuriyyəti - 93,

Dövlət Müstəqilliyimiz – 20,

Xalq yazıçısı Mirzə İbrahimov - 100

27 may 2011-ci il

Yeni virtual oxu mədəniyyətinə yiyələnək!

XI Bakı Kitab Bayramı

Yeni Yazarlar və Sənətçilər Qurumunun təşkilatçılığı, Azərbaycan Respublikası Gənclər və Turizm Nazirliyinin maliyyə dəstəyi, eləcə də Azərbaycan Respublikası Mədəniyyət və Turizm Nazirliyi, Azərbaycan Yazıçılar Birliyi İQƏAİM-nin təşkilati-texniki yardımıyla bu ilin mart-iyun aylarını əhatə edən XI Bakı Kitab Bayramı – Azərbaycanda İllik Milli Kulturoloji Layihə həyata keçirilir. Kulturoloji layihə çərçivəsində sərgi, ilin mədəniyyət, ədəbiyyat və kitab hadisələrini əhatə edən Milli Kulturoloji Müsabiqə, İnternet kitabxanaların təqdimatı, ədəbi görüşlər, müzakirələr və b. tədbirlər təşkil olunub. Mayın 27-də M.F.Axundov adına Milli Kitabxanada XI Bakı Kitab Bayramı Milli Kulturoloji Layihənin əsas mərasimi – sərgi, ədəbi-mədəni ictimaiyyətin görüşü və mükafatlandırma mərasimi keçirilir.

Builki XI Bakı Kitab Bayramı Azərbaycan Xalq Cümhuriyyətinin 93, Dövlət müstəqilliyimizin 20, xalq yazıçısı Mirzə İbrahimovun 100 illiyi kimi əlamətdar hadisələrə həsr olunub, “Yeni oxu mədəniyyətinə yiyələnək!” devizi altında keçirilir. Sərgidə Turizm İlinə həsr olunmuş ekspozisiyası, www.kitabxana.net Milli Virtual - elektron kitabxanaya həsr olunmuş xüsusi təqdmat, uşaq ədəbiyyatına, gənc yazarların kitablarına, elektron nəşrlərə, Qarabağa və başqa mövzulara aid xüsusi güşələr həsr edilib.

Ədəbi-mədəni içtimaiyyətin – yazarların, naşirlərin, jurnalistlərin, tələbələrin, ədəbiyyatsevər oxucuların iştirakçısı olduğu sərginin və XI Bakı Kitab Bayramı – Azərbaycanda İllik Milli Kulturoloji mükafatların təqdimat mərasimində Yeni Yazarlar və Sənətçilər Qurumunun sədri, yazıçı-kulturoloq Aydın Xan (Əbilov), M.F.Axundov adına Milli Kitabxananın direktoru Kərim Tahirov, eləcə də rəsmi dövlət qurumlarının nümayəndələri, AR Gənclər və İdman, AR Mədəniyyət və Turizm Nazirliklərinin, Azərbaycan Yazıçılar Birliyinin nümayəndələri və b. qonaqlar çıxış edib təbriklərini çatdırıblarRəsmi açılışda çıxış edənlər təşkilatçılara ünvanladıqları təbrikləri səsləndirdilər. Daha sonra 2010-cu ilin ayrı-ayrı nominasiyaları arasında dəyərli mədəniyyət, ədəbiyyat, kitab-nəşr məhsulları sahiblərinin - Milli Kulturoloji Mükafat qaliblərinin adı açıqlanıb, fərqlənənlərə XI Bakı Kitab Bayramının qiymətli planşteti və hədiyyələri verilir. Sərgidə yeni kitablara ictimai baxış, yazar və şairlər tərəfindən öz kitablarının imzalanma mərasimi, mini-təqdimat və tanıtım olayları ədəbiyyatsevərlərə ünvanlanıb.

XI Bakı Kitab Bayramı – Milli Kulturoloji Mükafat Komissiyası üzvlərinin son toplantısında müsabiqəyə təqdim olunmuş çoxsaylı (250-dan artıq) ədəbi-mədəni və kitab-nəşr layihələrinin sırasında 30-dan çox iş uğurlu sayılmış, qaliblərin mükafatlandırılması qərara alınmışdır. Eyni zamanda kitab nəşri və yayımıyla bağlı bir sıra uğurlu işlər görmüş nəşriyyat, qurum, yazarlar, İnternet portalı diplomlara layiq görülmüşdür.

Tədbirin əsas günü YYSQ-nin innovativ-kulturoloji layihəsi - www.kitabxana.net - Milli Virtual Kitabxananın geniş ictimaiyyətə tanışlıq mərasimi və mini-konfrans, "Azərbaycanın intellektual sərvəti və çağdaş innovativ şəbəkə resurslarımız, sayt və portallarımız" mövzusunda təqdimat mərasimi keçirilib, eləcə də gənc yazıçı və şairlərin poeziya gecəsi, imzalanma mərasimi təşkil olunub.

XI Bakı Kitab Bayramı Layihəsi çərçivəsində

Milli Kulturoloji Mükafatın 2010-ci il üzrə müxtəlif nominasiyalarda qalibləri:

  1. Nominasiya: “2010-cu ilin Mədəniyyət Qurumu”

Qalib: “Aşıq Şəmşir” Mədəniyyət Ocağı İctimai Birliyi.

Təqdimat: Azərbaycan milli-mənəvi dəyərlərinin inkişafındakı roluna, Aşıq sənətinin təbliğinə verdiyi töhfələrə, Ustad Dədə Şəmşir yaradıcılığını tanıdılmasında, mədəniyyətimizin zənginləşməsindəki roluna, mədəniyyət və kitabla bağlı çoxsaylı layihələri dəstəklədiyinə, yeni nəsil yazarların kitablarının nəşrinə verdiyi xüsusi önəmə, milli-mənəvi sərvətlərin inkişafındakı xidmətlərinə görə layiq görülür.

  1. Nominasiya: “2010-cu ilin Nəşriyyatı”.

Qalib: “Hədəf Nəşrləri MMC”. Nəşriyyatın təsisçi Şəmil Sadiq (Sadıqov).

Təqdimat: Azərbaycan milli elm və təhsil dəyərlərini təbliği sahəsindəki uğurlarına, dərslik, kitab və nəşriyyat-poliqrafiya sənətindəki yeniliklərinə, beynəlxalq standartlar uyğun nəşr məhsullarını hazırladığına, elmi-kütləvi, dərslik nümunələrinin çapı istiqamətindəki yüksək fəaliyyətinə görə layiq görülür.

  1. Nominasiya: “2010-cu ilin Uşaq kitabı”.

Qalib: Tanınmış yazıçı-pedaqoq Solmaz Amanovanın “Gəncə xəzinəsi” və “Xurcun” kitabları.

Təqdimat: Azərbaycan uşaq ədəbiyyatının inkişafındakı xidmətlərinə, yeni innovativ dərslik, elektron kitab nəşrindəki yeniliklərinə, milli elmi-pedaqoji düşüncəmizi dünyada layiqincə təmsil etdiyinə, çoxsaylı kitab hadisələrinin təşkilindəki xidmətlərinə, yazdığı dəyərli uşaq ədəbiyyatı nümunələrinə görə layiq görülür.

  1. Nominasiya: “2010-cu ilin Gənclərə ünvanlanmış kitabı”.

Qalib: Tanınmış düşüncə adamı Osman Nuri Topbaşın “Haqqa həsr olunmuş Gənclik” kitabı.

Təqdimat: Azərbaycan və Türk Dünyası gənclərinin mənəvi-əxlaqi inkişafındakı təsirinə, yeni nəsil nümayəndələrinə bəşəri-dini dəyərlərin tanıdılmasındakı xidmətlərinə və “İpək yolu” nəşriyyatı tərəfindən nəfis şəkildə çap edildiynə görə layiq görülür.

  1. Nominasiya: “2010-cu ilin Biblioqrafik kitabı”.

Qalib: Türkiyənin tanınmış imza sahibi Rəşid Haylamazın ikicildlik “Könül taxtımızın bənzərsiz sultanı: Peyğəmbərimiz” kitabı.

Təqdimat: Bəşəriyyətə nicat gətirmiş Məhəmməd Peyğəmbərin həyatı - müqəddəs İslam yolu barədə qələmə alınmış dəyərli, oxunaqlı biblioqrafik, elmi-kütləvi əsərin səviyyəsinə, müsəlman sivilizasiyasının tarixinə həsr olunmuş intellektual baxışların inkişafındakı xidmətlərinə və “Xəzər” nəşriyyatı tərəfindən nəfis şəkildə çap edildiynə görə layiq görülür.

  1. Nominasiya: 2010-cu ilin Ədəbi portalı”.

Qalib: www.rasulrza.musigi-dunya.az İnternet ünvanlı ədəbi-poetik sayt. Layihə rəhbəri: professor Tariyel Məmmədov

Təqdimat: Xalq şairi Rəsul Rzanın 100 illik yubileyi münasibəti ilə yaradılmış ədəbi-poetik İnternet - elektron şəbəkə resursundakı innovativ-kulturoloji yeniliklərinə, gənclər və Dünya Azərbaycanlıları arasında anadilli ədəbiyyat, eləcə də e-kitabın təbliğindəki uğurlarına, yeni oxu, şəbəkə mədəniyyətinin formalaşdırdığına görə layiq görülür.



  1. Nominasiya: “2010-cu ilin Elmi kitabı”.

Qalib: Akademik İsa Həbibbəylinin “Cəlil Məmmədquluzadə mühiti və müasirləri” elmi-monoqrafik əsəri.

Təqdimat: “Əcəmi” nəşriyyatında yüksək səviyyədə buraxılmış kitabda Mirzə Cəlil ədəbi məktəbinin milli-mənəvi düşüncəmizdəki roluna elmi-kulturoloji nəzər saldığına, Azərbaycan ədəbiyyatı tarixinin az işlənmiş problemlərini araşdırdığına və gələcək nəsillərə layiqincə çatdırdığına görə layiq görülür.



Nominasiya: “2010-cu ilin Satita və yumor kitabı”.

Qalib: Yazıçı-publisist, “Ərgünəş” nəşriyyatının direktoru Oqtay Əliyevin “Təzadlı dünya”kitabı.

Təqdimat: Müasir Azərbaycan ədəbiyyatının satira və yumor qolunun zənginləşməsindəki roluna, bədii-satirik nəsrdə yaradıcılıq uğurlarına, əsərlərində real həyatdakı qüsurların tənqidi təsvirindəki ustalığına görə layiq görülür.

  1. Nominasiya: “2010-cu ilin Tarixi-publisitik kitabı”.

Qalib: Millət vəkili, yazıçı-publisist Qənirə Paşayevanın üçcildlik “Tarixə adını yazan qadınlar” elmi-kütləvi kitabı.

Təqdimat: İctimai-siyasi, elmi-publisitik düşüncəmizi zənginləşdirdiyinə, Azərbaycan və dünya tarixində qadın intellektualların rolunu sənədli-obrazlı təsvirinə, mədəniyyət və milli kitab hadisələrinin təşkilindəki xidmətlərinə, ədəbi prosesə verdiyi dəstəyə görə layiq görülür.

  1. Nominasiya: “2010-cu ilin İncəsənət kitabı”.

Qalib: Milli sənətimizin tədqiqatçısı, dosent Vidadi Muradovdovun Azərbaycan, rus və ingiliscə “Azərbaycan xalçaları: Qarabağ qrupu” albom-tədqiqatı.

Təqdimat: Heydər Əliyev Fondunun dəstəyi ilə, “Azər-İlmə” MMC tərəfindən nəfis şəkildə çap edildiyinə, “Azərbaycan xalçaları: bütün məktəbləri” kulturoloji layihəsiylə ölkəmizdə və beynəlxalq aləmdə milli xalçaçılıq sənəti barədə dəyərli tədqiqata, yüksək poliqrafik keyfiyyətdə nəşrinə, incəsənət ədəbiyyatı sahəsini zənginləşdirdiyinə görə layiq görülür.

  1. Nominasiya: “2010-cu ilin Bədii romanı”.

Qalib: Yazıçı-publisist Şövkət Zərin Horovlunun “Arazdan gələn səs” əsəri.

Təqdimat: Eyniadlı bədii nəsr kitabındakı sənət məziyyətlərinə, milli qadın yazarlar arasında son vaxtlar məhsuladar yaradıcılığı ilə fərqləndiyinə, Qarabağ münaqişəsi nəticəsində doğma yurdlarından didərgin düşmüş insanların kədərli-faciəli, ədəbi-bədii obrazını məharətlə yaratdığına görə layiq görülür.

  1. Nominasiya: “2010-cu ilin Qadın yazarı”.

Qalib: Yazıçı-publisist Gülşən Behbudun “Qarabağın qarabəxtliləri” kitabı.

Təqdimat: Son illərin yaradıcılıq məhsuldarlığına, eyniadlı kitabında toplanmış şeir və hekayələrindəki maraqlı sənət axtarışlarına, milli qadın yazarlar arasında fəallığı ilə seçildiyinə, çağdaş ədəbi prosesimizdəki fəal iştirakına görə layiq görülür.

  1. Nominasiya: “2010-cu ilin Ədəbi-ilahiyyat kitabı”.

Qalib: Teoloq, nüfuzlu düşüncə sahibi İmam Nəvəvinin “Riyazus Salehin” müxtəsər kitabı.

Təqdimat: “Xəzər” nəşriyyatında nəfis şəkildə işıq üzü görmüş, böyük Məhəmməd Peyğəmbərin nəsillərə, hər bir insana nümunə sayılacaq nicat yolu haqqında qələmə alınmış dəyərli əsərə, İslam mədəniyyətinın zənginliyini əks etdirdiyinə, ilahiyyat elmi barədə geniş bilgilər verdiyinə görə layiq görülür.

  1. Nominasiya: “2010-cu ilin Musiqi-sənət kitabı”.

Qalib: Sənətşünaslıq doktoru, professor Tariyel Məmmədovun “Karaoke” və “ Yüz şairin yüz şeri” antologiyaları.

Təqdimat: Azərbaycan xalq mahnıları və klassik romanslarının, eləcə də klassik poeziyamızın karaoke formasında – innovativ şəkildə tədqiqi sahəsindəki estetik-sənət yeniliklərinə, el musiqimiz gələcək nəsillərə çatdırılmasındakı xidmətlərinə, mədəniyyətimizdə fərqliliyə, həm kağız, həm də elektron (DVD) variantda nəşrə hazırladığına görə layiq görülür.

  1. Nominasiya: “2010-cu ilin Araşdırma-sənədli kitabı”.

Qalib: Yazıçı-publisist Şöhrət Səlimbəyli və Məhəmməd Dostunun müştərək “Terrorizm: qan çiləyən torpaqlar” əsəri.

Təqdimat: “Azərbaycan bayrağı” ordenli Şahid Həbibullayevin həyat ştrixlərini ustalığla qələmə aldıqlarına, “Avropa” nəşriyyatı tərəfindən yüksək səviyyədə orijinal bədii-çap həllinə, real təsvirlərlə dəyərli şəxs barədə müxtəsər ensiklopedik əsər yaratdıqlarına görə layiq görülür.

  1. Nominasiya: “2010-cu ilin Poeziya kitabı”.

Qalib: Şairə-publisist Simuzər Nüsrətbəylinin “Kitab, kitab, kitab...” 7 kitabdan ibarət poetik toplusu.

Təqdimat: Azərbaycan qadın şairələri arasında özünəməxsüs poetik-ədəbi üslubu ilə fərqləndiyinə, yeni kitabındakı yaradıcılıq-sənət axtarışlarına, lirik şeirlərindəki uğurlu tapıntılarına, poeziyamızın gənclər arasında yayılmasındakı xidmətlərinə, yaradıcılıq uğurlarına görə layiq görülür.

  1. Nominasiya: “2010-cu ilin Detektiv kitabı”.

Qalib: Yazıçı-publisist Müşfiq Xanın “Tənha canavar” bədii-detektiv romanı.

Təqdimat: “Hədəf nəşrləri” nəşriyyatı tərəfindən nəşr olunmuş eyniadlı romanı ilə çağdaş milli bədii nəsrimizin detektiv qolunun inkişafındakı roluna, Azərbaycan hüquq-mühafizə, milli təhlükəsizlik orqanlarının qəhrəman əməkdaşlarının uğurlu obrazlarını yaratdığına, milli dəyərlərin qorunmasında, inkişafındakı xidmətlərinə görə layiq görülür.

  1. Nominasiya: “2010-cu ilin Elmi-kütləvi kitabı”.

Qalib: Professor Arif Sarsılmazın “110 sualda Yaradılış və Təkamül” araşdırması.

Təqdimat: “Xəzər nəşriyyatı” tərəfindən yüksək poliqrafik səviyyədə nəşr edildiyinə, yaradılış və təkamül probleminə alternativ baxış, intellektual nəzər salındığına, fəlsəfi təsəvvürlər baxımından oxunaqlı dildə yazıldığına, elmi göstəriciləri özündə cəmləyən müxtəsər ensiklopedik formada, maraqla üslubda qələmə alındığına görə layiq görülür.

  1. Nominasiya: “2010-cu ilin Filoloji-elmi kitabı”.

Qalib: Tədqiqatçı – mütəxəssis İsaxan İsaxanlının “Şeir gülüstanının təkrarolunmaz çiçəyi: Sergey Yesenin” araşdırması.

Təqdimat: “Xəzər Universitəsi” nəşriyyatı tərəfindən nəfis şəkildə buraxılmış eyniadlı kitabda müqayisəli poetik tərcümə sahəsindəki uğurlu araşdırmasına, kulturoloji - ədəbiyyat nümunəsindəki estetik-elmi zənginliyə, eləcə də ədəbi əlaqələr sahəsindəki uğurlarına görə layiq görülür.

  1. Nominasiya: “2010-cu ilin Nəşrlər və mətbuat yayımı firması”.

Qalib: “Qaya” Mətbuat Yayımı Firması. Direktoru Xanhüseyn Əliyev.

Təqdimat: Azərbaycanda yazılı KİV – qəzet və dərgilərin, eləcə də müxtəlif səpkili kitab, digər çap-nəşr məhsullarının yayımı, satışı sahəsindəki böyük nailiyyətlərinə, xüsusi xidmətlərinə, işgüzar biznes fəaliyyətinə, ədəbiyyat və milli kitabın dəyərli nümunələrininin təbliğindəki roluna görə layiq görülür.

  1. Nominasiya: “2010-cu ilin Şeirlər kitabı”.

Qalib: Şair-publisist Zərifənin “Ülviyyət yuvası” poetik toplusu.

Təqdimat: “Çıraq” ədəbi jurnalının nəşri olaraq işıq üzü görmüş eyniadlı kitabdakı poeziya nümunələri ilə son illərdə Azərbaycanda gedən ictimai-sosial, psixoloji-mədəni proseslərə poetik qiymət verdiyinə, maraqlı lirik portretlər və obrazlar yaratdığına, dövrümüzün ədəbi nəbzini əks etdirdiyinə görə layiq görülür.

  1. Nominasiya: “2010-cu ilin Bədii nəsr kitabı”.

Qalib: Yazıçı-publisist Qənbər Şəmşiroğlunun “Tale oxşarlığı” povestlər və hekayələr kitab.

Təqdimat: Qarabağ və Azərbaycan həqiqətlərinin ədəbi-poetik formada yeni nəsil nümayəndələrinə uğurla çatdırdığına, xalq ədəbiyyatı – dastanlar üslubunda oxunaqlı bədii nəsr nümunələri yaratdığına, yaradıcılıq imkanlarını genişləndirdiyinə görə layiq görülür.

  1. Nominasiya: “2010-cu ilin Dərs vəsaiti kitabı”.

Qalib: “Azərbaycan dili” kitabı. Pedaqoq-alim Şəmil Sadiq, Elxan Nəcəfov, Arif Əsədov: müştərək müəlliflik.

Təqdimat: Milli dərslik sahəsindəki innovativliyinə, XV-XI siniflərin tədris materiallarını əhatə etməklə, ana dilimizi sistemli öyrənənlərə ünvanlanan, “Hədəf” kurslarının silsilə dərs vəsaitlərindən biri kimi intellektual-kütləvi ədəbiyyat sahəsindəki populyarlığına, fərqli üslubi-metodoloji yeniliklərinə görə layiq görülür.

  1. Nominasiya: “2010-cu ilin ədəbi uğuru”.

Qalib: Şairə-publisist Nailə İbrahimovanın “Ürəklə söhbət” poetik toplusu.

Təqdimat: “Avropa” nəşriyyatında işıq üzü görən eyniadlı şeirlər kitabı ilə yeni yaradıcılıq imkanlarını ortaya qoyduğuna, çağdaş qadın ədəbiyyatını, həmçinin ədəbi-poetik dəyərləri zənginləşdirdiyinə görə layiq görülür.

  1. Nominasiya: “2010-cu ilin Modern yazarı”.

Qalib: Yazıçı, şair-tərcüməçi Nicat Qafuroğlu.

Təqdimat: Son illərin ədəbi prosesindəki fəallığına, istedadlı qələm sahibi olaraq çağdaş Azərbaycan ədəbiyyatının modern qolunu zənginləşdirdiyinə, milli söz sənətimizin təbliği, tanınması istiqamətindəki fəaliyyətinə, İnternet saytı və elektron ədəbiyyat sahəsindəki fərdi yaradıcılıq uğurlarına görə layiq görülür.

  1. Nominasiya: “2010-cu ilin Yeni nəsil yazarı”.

Qalib: Nasir, şəbəkə yazarı Nurlan Quliyeva.

Təqdimat: “Sirli Kainat” kitabındakı fantastik-bədii əsərləri ilə yaradıcı gəncliyin nümayəndələri arasında fərqləndiyinə, çağdaş Azərbaycan ədəbi prosesindəki fəallığına, milli bədii söz sənətinin zənginləşməsindəki roluna, müxtəlif nəşrlərdəki və İnternet saytlarındakı oxunaqlı yazılarına görə layiq görülür.

  1. Nominasiya: “2010-cu ilin Rusca bədii kitabı”.

Qalib: İstedadlı nasir Bəxtiyar Məmmədovun “Svyatoy qreşnik” – “Müqəddəs günahkar” kitabı.

Təqdimat: Əsərlərini rusca yazan nasirin eyniadlı romanındakı yaratdığı obrazlara, həyat həqiqətləri barədə bədii formada məlumat verdiyinə, çağdaş Azərbaycan ədəbi prosesinin zənginləşdirdiyinə, oxunaqlı yazılarına görə layiq görülür.

  1. Nominasiya: “2010-cu ilin Dərslik kitabı”.

Qalib: Filoloq-alim, şair-tədqiqatçı Knyaz Aslanın “Dünya kitabxanaları tarixi” dərsliyi.

Təqdimat: “BDU” nəşriyyatı tərəfindən nəşr edilmiş monoqrafik dərs vəsaitindəki elmi-intellektual dəyərlərə, çağdaş kitab-dərslik sahəsindəki xüsusi uğura, milli dərslik mədəniyyəti tarixindəki yeniliyə, metodoloji səviyyəsinə görə layiq görülür.

  1. Nominasiya: “2010-cu ilin Esselər kitabı”.

Qalib: Tanınmış yazıçı Yusif Kərimovun “Əbədiyyət yolu” esselər kitabı.

Təqdimat: Eyniadlı kitabdakı bədii esselərlə yeni ədəbi gəncliyin nümayəndələri arasında Ümumilli liderimiz Heydər Əliyevin işıqlı obrazını yaratdığına, dəyərli həyat və amalı, dövlətçilik fəaliyyəti barədə bədii formada məlumat verdiyinə, çağdaş ədəbi prosesdəki fəallığına, bədii söz sənətimizin zənginləşməsindəki roluna, oxunaqlı yazılarına görə layiq görülür.

  1. Nominasiya: “2010-cu ilin Jurnalı”.

Qalib: “Azerimobile” dərgisi. Baş redaktoru: yazıçı-publisist Günel Anarqızı.

Təqdimat: Azərbaycan mətbuatında yüksək poliqrafik səviyyədə nəşrində fərqləndiyinə, biznes və mobil rabitə sahəsindəki innovativ metodların, yeniliklərin təbliğində və tanıdılmasındakı xidmətlərinə, milli mətbuatın inkişafındakı roluna görə layiq görülür.

  1. Nominasiya: “2010-cu ilin Bədii tərcümə kitabı”.

Qalib: Nobel mükafatı laureatı Orxan Pamukun “Yeni həyat” və “Bəyaz qala” romanları. Tərcümə edən: gənc yazar-mütərcim, hazırda hərbi xidmətdə olan Fərid Hüseyn.

Təqdimat: Çağdaş dünya və qardaş Türkiyə ədəbiyyatının tanınmış nümayəndəsinin iki maraqlı romanını - “Yeni həyat” və “Bəyaz qala” əsərini ilk dəfə bütöv halda Azərbaycancaya məharətlə çevirdiyinə, bədii tərcümə sənətimizdə yeni səhifə açdığına görə layiq görülür.

32. Nominasiya: 2010-cu ilin Kitabxanası”.

Qalib: M.F.Axundov adına Milli Kitabxana. Direktoru Kərim Tahirov

Təqdimat: Kitabxana işinin dünya standartları səviyyəsində qaldırdığına, oxuculara xidmətdəki yeniliklərinə, estetik-intellektual dəyərlərin qorunması istiqamətindəki səylərinə, geniş oxucu kütləsində mütaliyəyə həvəs oyatdığına, mədəniyyət, ədəbiyyat və kitabların təbliğindəki uğurlarına görə layiq görülür.

33. Nominasiya: 2010-cu ilin Elektron kitabxanası”.

Qalib: www.kitabxana.net İnternet ünvanlı Milli Virtual Kitabxana. Layihə rəhbəri: Aydın Xan (Əbilov).

Təqdimat: İnternet - elektron şəbəkə resurslarının arasında seçilərək humanitar-kulturoloji layihə kimi uğurla həyata keçirilən, www.kitabxana.net ünvanlı Milli Virtual Kitabxana olaraq yeni nəslin nümayəndələri və dünya Azərbaycanlıları arasında anadilli ədəbiyyatın, milli e- kitabın təbliğindəki uğurlarına, yeni oxu, yazı mədəniyyəti formalaşdırdığına görə layiq görülür.

Milli Kulturoloji Mükafat Münsiflər Heyəti,

Yeni Yazarlar və Sənətçilər Qurumu

Müxtəliv yazılı və elektron KİV-də, İnternet sayt və portallarda getmiş materiallar:

http://www.azertag.gov.az/index_az.jsp?id=8119&date=2011-05-27

XI Bakı Kitab Bayramı keçirilmişdir

Bakı, 27 may (AzərTAc).

Mayın 27-də M.F.Axundzadə adına Milli Kitabxanada Yeni Yazarlar və Sənətçilər Qurumunun (YYSQ) təşkilatçılığı ilə 28 May - Respublika Gününə həsr olunmuş XI Kitab Bayramı keçirilmişdir.

AzərTAc xəbər verir ki, YYSQ-nin rəhbəri Aydın Xan Əbilov bildirmişdir ki, Kitab Bayramı ənənəvi olaraq hər il Azərbaycan Respublikası Gənclər və İdman Nazirliyinin, Mədəniyyət və Turizm Nazirliyinin, Azərbaycan Yazıçılar Birliyinin birgə təşkilatçılığı ilə keçirilir. Builki kitab bayramı Demokratik Respublikanın 93, Dövlət Müstəqilliyimizin 20 və Xalq Yazıçısı Mirzə İbrahimovun 100 illik yubileyinə həsr olunmuşdur.

Bildirilmişdir ki, YYSQ-nin təşəbbüsü ilə ölkəmizdə illik Milli Kulturoloji Layihə həyata keçirilmişdir. Kulturoloji layihə ilin sərgi, mədəniyyət, ədəbiyyat və kitab nəşrlərini əhatə etmişdir.

Kitab bayramında Milli Kulturoloji Mükafatın komissiya üzvlərinin 250-dən artıq ədəbi-bədii, elmi əsərlər, kitab-nəşr layihələrinin arasından seçdiyi 30-dan çox yazara, quruma, nəşriyyata və internet portallarına mükafatlar təqdim olunmuşdur. “Aşıq Şəmşir” Mədəniyyət Ocağı İctimai Birliyi “2010-cu ilin Mədəniyyət Qurumu” nominasiyasının, akademik İsa Həbibbəylinin “C.Məmmədquluzadə mühiti və müasirləri” elmi monoqrafiyası “2010-cu ilin Elmi kitabı” nominasiyasının, Milli Məclisin deputatı Qənirə Paşayevanın üçcildlik “Tarixə adını yazan qadınlar” kitabı “2010-cu ilin Tarixi-publisist kitabı” nominasiyasının qalibi sayılmışdır. Şair Zərəngiz Dəmirçi Qayalının “Qayalı” kitabı “Nizami” beynəlxalq mədəniyyət mükafatına, yazıçı-publisist Gülşən Behbud “Qarabağ qarabəxtliləri” kitabına görə “İlin qadın yazarı” adına və s. layiq görülmüşlər.


Yüklə 325,5 Kb.

Dostları ilə paylaş:
  1   2




Verilənlər bazası müəlliflik hüququ ilə müdafiə olunur ©azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin