1-2– Tajriba ishi elektrotexnik xodimlarga qo’yiladigan topshiriqlar, javobgarlik, nazorat va talablarni o’rganish xodimlarni o‘qitish va bilimini tekshirish

1-2– Tajriba ishi
ELEKTROTEXNIK XODIMLARGA QO’YILADIGAN TOPSHIRIQLAR, JAVOBGARLIK, NAZORAT VA TALABLARNI O’RGANISH
Xodimlarni o‘qitish va bilimini tekshirish tartibi «Energetika korxonalari va tashkilotlari xodimlari bilan ishni tashkil etish bo‘yicha rahbariy qoida» talablariga mos bo‘lmog‘i shart.
Sog‘liq uchun zararli va xavfli mehnat sharoitlarida ish olib boruvchi ishchi va muhandis-texnik xodimlar Respublika sog‘liqni saqlash Vazirligi belgilagan tartib va muddatda shifokorlar ko‘rigidan o‘tishlari shart. (1,2-ilova).
Elektr uskunasida ishlayotgan ishchi uzining lavozimi va kasbiga qarab, ushbu Qoidani bilishi va 3-ilova-ga muvofiq elektr xavfsizligi gruppasiga ega bo‘lishi kerak. Qoidani o‘zlashtirganligi haqida sinovdan o‘tgan xodimga belgilangan namunadagi guvohnoma beriladi. Xodim guvohnomani ish paytida o‘zi bilan olib yurishi shart.
Xavfsizlik bo‘yicha qo‘shimcha talablar qo‘yiladigan ishlarni (yoki maxsus ishlarni) bajarish huquqiga ega bo‘lgan xodimlar guvohnomasida shu haqida yozuv bo‘lishi shart.
Bunday ishlarga quyidagilar kiradi:
- balandlikda bajariladigan ishlar;
- tok o‘tkazuvchan qismlarda kuchlanish ostida bajariladigan ishlar:
- izolyatorlarni tozalash, yuvish va almashtirish, simlarni ta’mirlash, simlarni ulangan joylarini hamda izolyatorlarni o‘lchov shtangasi bilan tekshirish va trosslarni moylash;
- bosim ostida bo‘lgan idishlarga xizmat ko‘rsatish;
- elektr uskunani yuqori kuchlanish ostida sinash (megaommetr bilan ishlashdan tashqari).
Maxsus ishlar ro‘yxati korxona rahbariyati ko‘rsatmasiga binoan mahalliy sharoitni hisobga olgan holda boshqa qo‘shimcha ishlar bilan to‘ldirilishi mumkin.
4-ilovada qayd etilgan ishlarda 18 yoshga to‘lmagan shaxslarni ishlashiga ijozat berish man etiladi.
Ushbu Qoida talablarini buzib ishlagan xo­dimlar amaldagi qonunchilikka asosan intizomiy, ma’muriy va jinoiy javobgarlikka tortiladilar. Korxona rahbariyati bunday xodimlarning elektr xavfsizlik gruppasini pasaytirishi mumkin.
Ishni xavfsiz bajarish uchun quyidagi tashkiliy tadbirlar amalga oshirilishi shart:
— ishni xavfsiz bajarish uchun javobgar shaxs, tayinlash;
— naryad yoki farmoyish berish;
— ish joylarini tayyorlashga va ishlashga ijozat berishga ruxsat etish;
— ish joyini tayyorlash va ishlashga ijozat berish;
— ish jarayonida nazorat olib borish;
— boshqa ish joyiga o’tkazish;
— ish jarayonida tanaffus qilish va ish tamom bo’lishini rasmiylashtirish.
Ish jarayonida ishni xavfsiz olib borishga quyidagi shaxslar javobgardirlar:
— naryad, farmoyish beruvchi;
— ish raxbari;
— ish joyini tayyorlashga va ishlashga ijozat berishga ruxsat etuvchi shaxs;
— ish joyini tayyorlovchi shaxs;
— ijozat beruvchi shaxs;
— ishboshi;
— nazorat qiluvchi;
— brigada a’zosi.
Naryad, farmoyish beruvchi shaxs ishni xavfsiz bajarish shartini belgilaydi.
U naryadda ko’rsatilgan xavfsizlik choralarini to’g’riligi va yetarli darajadaligiga, brigada a’zolarining malakasi va soni bo’yicha yetarligiga, ishni xavfsiz bajarish uchun javobgar shaxsni tayinlashga. shuningdek naryadda ko’rsatilgan xizmatchilarni elektr xavfsizligi bo’yicha gruppasi, ular bajarishi kerak bo’lgan ishga muvofiq ekanligiga javobgardir.
Naryad va farmoyishni berish xuquqi korxona ma’muriy-texnik xodimiga va uning tarkibiy bo’limidagi elektr xavfsizligi bo’yicha V gruppaga ega bo’lgan shaxsga beriladi.
Naryad berish xuquqiga ega bo’lgan ma’muriy-texnik xodim yo’q paytida kechiktirib bo’lmaydigan ishni bajarish uchun ushbu elektr uskunani ekspluatatsiya qiluvchi elektr xavfsizligi bo’yicha IV gruppaga ega bo’lgan navbatchi xodim naryad va farmoyish berishi mumkin.
Bunday paytlarda navbatchi xodimga naryad berish xuquqi korxona raxbariyatining yozma ko’rsatmasi bilan rasmiylashtirilishi kerak.
Ish raxbari naryalda ko’rsatilgan barcha xavfsizlik choralarining bajarilishi va uni yetarliligiga, ijozat beruvchi va ishboshi tomonidan brigada a’zolariga berilgan yo’riqnoma sifati va to’laligiga xamda ish jarayonida ishni xavfsiz olib borishni tashkil qilishga javob beradi.
Ish raxbari qilib elektr xavfsizligi bo’yicha V gruppaga ega bo’lgan muxandis-texnik xodimlar tayinlanishi kerak. Agar bajarilayotgan ish ba’zi bosqichlarda ish raxbaridan uzluksiz nazorat va ish raxbari boshchiligida bajarilishini talab qilsa, u xolda naryad beruvchi naryadning «Aloxida ko’rsatmalar» deb qayd etilgan satriga bu xaqda yozib qo’yishi kerak.
Ish joyini tayyorlashga va ishlashga ijozat berishga ruxsat etuvchi shaxs ish bajarish uchun ko’zda tutilgan elektr uskunani o’chirish va yerga ulagich o’rnatish va ularni amalga oshirish imkoniyati choralarining yetarligicha borligiga, xamda ishga qo’yiladigan brigadalarni ish boshlash vaqti va ish joyini muvofiqlashtirishga javob beradi.
Ish joyini tayyorlashga va ishlashga ijozat berishga ruxsat etuvchi shaxs navbatchi yoki ish joyini tayyorlayotgan tezkor-ta’mirlash xodimlariga xamda ishlashga ijozat beruvchiga elektr uskunani oldindan bajarib qo’yilgan o’chirish ishlari va uskunalar yerga ulangani xaqida ma’lumot berishi shart.
Ish joyini tayyorlashga va ishlashga ijozat berishga ruxsat etish mansab yo’riqnomasiga asosan, elektr xavfsizligi bo’yicha IV gruppaga ega bo’lgan navbatchi xodim korxona ko’rsatmasiga binoan vakolat berilgan ma’muriy-texnik xodimgina xaqlidir.
. Ish joyini tayyorlovchi shaxs naryadda ko’rsatilgan ish joyini to’g’ri va aniq tayyorlashga xamda ish sharoitiga taalluqli tadbirlarni (elektr uskunani qulflash, xavfsizlik texnikasi shiorlarini osish, to’siq qo’yish va xokazolarni) bajarishga javob beradi.
Ish joyini tayyorlash xuquqi ushbu elektr uskunada tezkor o’chirish-yoqish xuquqi berilgan navbatchi yoki tezkor-ta’mirlash xodimgagina beriladi.
Ishlashga ijozat beruvchi ko’rilgan xavfsizlik chora-tadbirlarning to’la va to’g’riligiga, ularni naryadda ko’rsatilgan choralarga mosligiga, ish joyi va uni xususiyatiga, ishlashga berilgan ijozatning to’g’riligiga xamda berilayotgan yo’riqnomaning sifati va uni to’laligiga javob beradi.
Ijozat beruvchi shaxslar navbatchilardan yoki 4.1.13.-bandda qayd etilgan shartlar bajarilgan bo’lsa, xavo elektr uzatish tarmoqlarida ishlashga ijozat berish mustasno qilingan xollarda, tezkor-ta’mirlash xodimlaridan tayinlanadi. 1000 V kuchlanishdan yuqori bo’lgan elektr uskunada ishlashga ijozat beruvchi IV gruppaga, 1000 V kuchlanishgacha bo’lgan elektr uskunada esa ishlashga ijozat beruvchi III gruppaga ega bo’lishi kerak.
Ishboshchi quyidagilarga javob beradi:
— tayyorlangan ish joyi naryad ko’rsatmasiga mos ekanligiga;
— brigada a’zolariga berilgan yo’riqnomaning aniq va to’laligiga;
— kerakli ximoya vositalari, asbob-uskunalar, inventarlar va moslamalarning borligiga, soz va yetarliligiga xamda ulardan to’g’ri foydalana bilishligiga;
— ish joyidagi to’siqlarni, xavfsizlik texnikasi shiorlari va belgilarni, berkitish uskunalarining butkulligini saqlashga;
— ishni boshidan oxirigacha xavfsiz va ushbu qoidaga asosan bajarilishiga javob beradi.
Ishboshchi brigada a’zolari ustidan doimiy nazorat olib borishi va mast xoldagi brigada a’zosini ishdan chetlatishi zarur.
Naryad bilan 1000 V kuchlanishdan yuqori bo’lgan elektr uskunada ishboshchi elektr xavfsizligi bo’yicha IV gruppaga, 1000 V kuchlanishgacha bo’lgan elektr uskunada esa III gruppaga ega bo’lishi shart. Zararli gazlar paydo bo’lish xavfi bor yerosti inshootlarida va kuchlanish ostida bajariladigan ishlarda esa ishboshchi IV gruppaga ega bo’lishi kerak.
Ushbu Qoidani 4.3.2.7.5 va 15.2.1 bandlarda ko’satilgan xollardan tashqari barcha elektr uskunada farmoyish bilan ish olib borishda ishboshi elektr xavfsizligi bo’yicha III gruppaga ega bo’lishi mumkin.
Elektr uskunada mustaqil ishlash xuquqiga ega bo’lmagan brigada ishchilari ustidan nazorat olib borish uchun nazorat qiluvchi shaxs tayinlanishi kerak.
Nazorat qiluvchi quyidagilarga javob beradi:
— tayyorlangan ish joyi naryad ko’rsatmasiga mos ekanligiga;
— ish joyiga qo’yilgan yerga ulagichning, to’siqlarning, xavfsizlik shiorlari va belgilarining, o’chirish uzatkichlari qulflarining butkul saqlanishiga;
— ish olib borayottan brigada a’zolarining tok o’rish xavfidan saqlashga;
Ish jarayoni bilan bog’liq xavfsizlikka javobgar shaxs, shu brigada boshqaruvchisi bo’lib, bu shaxs brigada tarkibiga kirib, doimo ish joyida bo’lishi shart. Uning familiyasi naryadning «aloxida ko’rsatmalar» deb qayd etilgan satriga yozib qo’yilishi kerak.
Nazorat qiluvchi shaxs elektr xavfsizligi bo’yicha III gruppaga ega bo’lgan ishchidan tayinlanishi mumkin.
Xar bir brigada a’zosi ushbu Qoida talablarini, ishlashga ijozat berish paytidagi va ish jarayonida olgan yo’riqnoma xamda mexnatni muxofaza qilish bo’yicha maxalliy yo’riqnoma talablarini bajarishi shart.
Korxona raxbarining yozma ko’rsatmasi bilan o’z ishchilariga qo’yidagi xuquqlarni berish rasmiylashtiriladi: naryad, farmoyish beruvchi, ish raxbari, ishboshchi, ishlashga ijozat beruvchi (tezkor-ta’mirlash xodimidan), shuningdek elektr uskunani yakka o’zi ko’rib chiqish xuquqiga ega bo’lgan xodimlar.
Javobgar shaxslar o’rindoshlik yo’li bilan .1.-jadvaldagi qo’shimcha vazifalarning birini bajarishlari mumkin.