1. Adabiy turlar haqida ma’lumot. Epik tur

ADABIY TUR VA JANRLAR
R e J A:
1. Adabiy turlar haqida ma’lumot.
2. Epik tur.
3. Lirik tur.
4. Dramatik tur.
5. Liro-epik tur.
Adabiyot tarixi ayrim tur va janrlarning paydo bo`lishi va taraqqiyoti tarixidir. Bu tur va janrlarning paydo bo`lishi va taqdiri tarixiy taraqqiyot taqozosi bilan bog`liqdir. Adabiyotda hayotni badiiy ifodalashning uch turi mavjud: - epik; - lirik; - dramatik. Adabiyotni bu kabi uch turga bo`lish qadim zamonlardan ma’lum bo`lib, hozirgacha davom etib kelyapti. Demak, ana shu uch tur hayotni ifodalash vazifalariga to`la muvofiq keladi. CHunki ana shu uch Shaklda badiiy adabiyot insonning bir daqiqalik tuyg`u va kechinmalaridan tortib, butun bir tarixiy davr voqeligini ifodalashgacha bo`lgan ulkan vazifani uddalay oladi. Hozirda ham adabiyot hayotni aks ettirish usuliga ko`ra uch turga bo`linadi. Har bir tur, o`z navbatida, hayotni ifodalash vazifalariga to`la muvofiq keladi. CHunki ana shu uch Shaklda badiiy adabiyot insonning bir daqiqalik tuyg`u va kechinmalaridan tortib, butun bir tarixiy davr voqeligini ifodalashgacha bo`lgan ulkan vazifani uddalay oladi. Hozirda ham adabiyot hayotni aks ettirish usuliga ko`ra uch turga bo`linadi. Har bir tur, o`z navbatida, hayotni ifodalash Shakliga qarab, o`z ichida bir necha janrga bo`linadi. Masalan, epik tur: - epos, roman, roman-epopeya, qissa, hikoya, ocherk. Dramatik tur: - tragediya, komediya, drama, tragikomediya. Lirik tur: - umuman, kichik lirik Shakldagi barcha lirik she’r Shakllarini o`z ichiga oladi. Bundan tashqari, u yoki bu turga kiritish mumkin bo`lmagan Shakllar ham mavjud. Liro-epik tur ana shunday o`rtaliq turlardan sanaladi. Liro-epik tur: - she’riy roman, doston, ballada, masal. Har bir janr hayotiy voqelikni aks ettirish xarakteriga ko`ra o`z ichida bir necha turga bo`linadi: tarixiy roman, maishiy roman, psixologik roman, falsafiy roman, fantastik roman, sarguzasht roman, satirik roman, sotsial roman va hokazo. Bu kabi tur va janr xillari ko`pincha sof holda emas, bir-biriga aralashgan holda uchraydi. Badiiy adabiyotning bu rang-barang tur va janrlarga bo`linishi tasvir ob’ekti taqozosi bilan vujudga kelgandir. Biroq san’atkorning roman yoki lirika janriga murojaat qilishi sabablarini bevosita hayot voqeligiga bog`lab qo`ya berish adabiy jarayonni vulpgarlashtirish bo`ladi. San’atkorning u yoki bu janr Shakllarga murojaat qilishi uning mahoratiga ham bog`liqdir. Ba’zi san’atkorlar buyuk iste’dodga ega bo`ladilar va adabiyotning barcha tur va janrlarini mukammal egallaydilar. SHuning uchun hayot voqeligi taqozosi bilan istalgan janrda asar yarata oladilar. Masalan, Pushkin, Oybek barcha janr Shakllarida ham muvaffaqiyat bilan ijod qilganlar. Ayrim san’atkorlar u yoki bu janr Shaklida alohida qobiliyat ko`rsata oladilar. Masalan, I.Turgenev barcha janrlarda ham yozib ko`rgan, biroq roman va novellada katta mahorat ko`rsatib, shu janrlar ijodchisi bo`lib qolgan. A.Qahhor va S.Ahmad asosan, hikoyachilikda mashhurdirlar. Hamza esa drama va lirikada, K.Yashin dramaturgiyada, A.Qodiriy romanchilikda mahorat ko`rsatishgan. Muayyan janr turini har bir xalq adabiyoti, har bir san’atkor o`z tajribasi, milliy hamda o`ziga xos xususiyatlar bilan boyitadi. Badiiy adabiyotning bu kabi tur va janrlarga bo`linishi uzoq tarixiy taraqqiyot natijasidir. Eng qadim zamonlarda san’at sinkretik bo`lgan. U o`zida adabiyot va san’atning barcha turlariga xos xususiyatlarni mujassamlagan. Unda san’atda lirik, epik, dramatik, teatrlashgan, musiqaga xos xususiyatlar bir paytning o`zida namoyon bo`lgan. Keyinchalik bu kabi sinkretizm (aralashlilik) san’atidan san’atning ayrim sohalari, ayrim sohalardan esa uning tur va janrlari ajralib chiqa boshlagan. Biroq bu taraqqiyot barcha xalqlarda ham bir xil va bir tartibda bo`lavermadi. Bunga har bir xalqning tarixiy xususiyatlari, Sharoiti va milliy xususiyatlari taqozo qildi. SHu bilan birga, davr taqozosi bilan u yoki bu janr alohida rivojlanadi. SHuning uchun ham u yoki bu janr namunalarini tahlil qilganda, uni davr bilan bog`liq holda o`rganish kerak. EPIK TUR. Voqea va xarakterlar muallifdan tashqarida qilib beriladi. Muallif esa, hikoyachi sifatida bo`ladi. Bu turda voqealar keng tasvirlanadi, inson va uni qurShab olgan muhit voqeligi to`la va har tomonlama beriladi. Bu turda hayotni ifodalashning har xil usullaridan foydalaniladi. SHuning uchun ham epik turda voqelik keng qamrab olinadi. Epik tur uchun xos bo`lgan yana bir xususiyat - voqealar bo`lib o`tgan qilib beriladi. Bu xususiyat muallifga voqealarni tasvirlabgina qolmasdan, izohlash, ularga munosabat bildirishga ham imkon yaratadi. Hikoya ko`pincha uchinchi Shaxsda bo`ladi. Masalan, «Qutlug` qon», «Anna Karenina». SHuningdek, hikoya birinchi Shaxs tilidan ham berilishi mumkin. «Davr mening taqdirimda», «Qadrim», «Zamonamiz qahramoni». Epik tur voqelikni qamrab olish kengligi jihatidan 3 ga bo`linadi: Yirik epik Shaklda inson hayotining ma’lum bir davri uni ko`plab boshqa Shaxslar taqdiri bilan bog`lab beradi. Bunga quyidagilar kiradi: - epos, roman, roman-epopeya. O`rta epik formada inson hayotining ma’lum bir davri, bir necha epizodi beriladi. Bunga quyidagilar kiradi: - qissa. Kichik epik formada inson hayotidan muhim bir epizod olinadi. Bunga hikoya, novella, ocherk kiritiladi. Epos. Epos adabiyot taraqqiyotining dastlabki davrlarida yaratiladi. Unda ma’lum tarixiy davr yoki umumxalq ahamiyatiga ega bo`lgan yirik voqealar tasvirlanadi. Bu bilan shu xalqning shuhrati va qudrati ulug`lanadi. V.Belinskiy aytganiday, bu janrda muallif voqea va hodisalarga o`z xalqi ko`zi bilan qaraydi. Epik poemaning qahramoni xalq ommasi bo`ladi. Undagi asosiy qahramonlarda xalqning eng yaxshi qahramonlarining fazilatlari namoyon bo`ladi. Eposning yorqin misoli Xomerning «Iliada» dostonidir. V.Belinskiy fikricha, bu janr namunasi bo`la oladigan boshqa birorta asarni topish mumkin emas. Bu kabi janr asarlarida ijtimoiy hayot va ijtimoiy tafakkur har tomonlama o`z aksini topadi. «Iliada» da o`Sha davr greklarining hayoti har taraflama o`z aksini topadi. Ma’lum ma’noda «Farhod va SHirin» ham epos namunasi bo`la oladi. Unda hayot keng tasvirlangan, davrning davlat tuzumi, siyosati, tafakkuri, san’ati, ijtimoiy kurashi, xalqning ahvoli, maktab, tarbiya bilimlari, xalqning orzu-niyatlari mujassamlashgan. Hindlarning «Maxabxorat», «Ramayana», Firdavsiyning «SHohno-ma», Dantening «Ilohiy komediya», SH.Rustavelining «Yo`lbars terisi-ni yopingan pahlavon» asarlari ham ma’lum ma’noda epos namunasi bo`la oladi. Ularda eposga xos xususiyatlar uchraydi. Bu asarlarda ham voqealar keng olinadi, butun xalq, butun bir davr tasvirlanadi. Lekin bular eposning barcha talablariga javob bermaydi. CHunki epos aytilganidek, insoniyat taraqqiyotining ilk bosqichlarida yaratiladi, xolos. Eposlar odatda she’r bilan yoziladi. Uning uslubi ko`tarinki, qahramonona bo`ladi. Voqealar shoshilmasdan, batafsil hikoya qilinadi. Natijada ayrim voqea va holatlar detallashtirib beriladi. Bunday janrda insoniyat taraqqiyoti to`laroq namoyon bo`ladi. Insoniyat taraqqiyotining keyingi davrlarida taraqqiyotning murakkablashuvi natijasida bunday janr o`z imkoniyatlarini tugatdi, ya’ni bir asarda butun bir xalq taqdirini berish mumkin bo`lmasdan qoladi. ROMAN. Bu janr voqelik va inson xayoti keng va har taraflama tasvirlaydi, uni butun murakkablikda ifodalaydi va ochadi. Qissadan farqli ravishda romanda ishtirok etuvchi personajlar, syujet liniyalari ko`p va murakkab bo`ladi. Romanning dastlabki namunalari antik adabiyotda yaratilgan. O`rta asrlarga kelib roman keng rivojlangan. Romanning paydo bo`lishi Shaxsning jamiyatdan ajralib chiqishi, insonda individ xayotiga qiziqishning kuchayishi bilan bog`liq. Qadimgi romanlarda ko`proq qahramonlik va sarguzashtlar, qahramonlar taqdirida yuz bergan kutilmagan o`zgarishlar ko`rsatilgan edi. Masalan, «Oltin eShak», Longning «Dafnis va Xloya», ritsarp romanlari. Bu romanlar asosida ko`proq fantastik syujetlar va taqdirlar yotardi. Bu voqealar hayot haqiqatidan ancha uzoqda edi. Hozirgi romanning dastlabki namunalari feodalizmning emirilishi va burjua munosabatlarining paydo bo`lishi bilan bog`liqdir. Realistik romanning dastlabki namunalarini Rable bilan Servantes yaratdilar. Ular o`z asarlarida davrning keng voqeligini ifoda etdilar, feodal jamiyatning halokati, burjua munosabatlari-ning paydo bo`lishini ko`rsatdilar. SHu bilan birga ular burjua munosabatlarining ham cheklanganligini ko`rsatdib, halqning orzu - ideallarini ham ifodaladilar. Bu yozuvchilar davrning ijtimoiy ziddiyatlarini, inson psixologiyasini aniq va bo`rttirib berdilar, yorqin xarakterlar chizish darajasiga ko`tarildilar. Ular o`z asarlarida davrning yirik muammolarini kuratib chiqdilar. SHu bilan Rable va Servantes hozirgi ma’nodagi klassik romanning paydo bo`lishiga zamin hozirladilar. Hozirgi klassik romanning Shakllanishi kapitalistik munosabatlarning qaror topishi bilan bog`liqdir. Belinskiy romanning paydo bo`lishini V.Skott nomi bilan bog`laydi. Demak, evropada XIX asrda kapitalizmning qaror topishi bilan roman janri ham to`la ma’noda Shakllanib etdi. O`zbek adabiyotida romanning daslabki belgilari O`rta asrlarda paydo bo`ldi. Ishqiy-fantastik va sarguzasht romanlari: «Layli va Majnun», «Saddi Iskandariy», «Yusuf va Zulayxo», «Tohir va Zuhro», «Oshiq g`arib va SHoxsanam», «Yusuf va Ahmad», «Kuntug`mish», «Devonai Mashrab» va h.k. Realistik romandagi voqelikni keng va batafsil tasvirlashga intilishni «Bobirnoma»da ko`rish mumkin. O`zbekistonda romanga extiyoj XIX asrlar so`ngida tug`ildi. Bu davrda O`rta Osiyoda kapitalistik munosabatlar qaror topa boshlagan edi. Roman sohasidagi dastlabki izlanishlar ham shu davrdan boshlandi. Hamzaning «Yangi soadat» asari ana shunday izlanish natijasida edi. Lekin to`la ma’nodagi roman o`zbek adabiyotida 20-yillarda yaratildi. O`zbek romanining dastlabki namunalarini yaratganlar - Ayniy, Mirmuhsin, SHermuhamedov, A.Qahhor, CHo`lpon, H.Shams va Oybeklardir. O`zbek romani faqat tashqi ta’sir natijasigina bo`lmay, avvalo hayotiy zaruriyat, hamda milliy an’analar natijasidir. Tashqi ta’sir ana shu ildiz va zaruriyatning Shakllanishiga yordam berdi va ana shu jarayonni tezlashtirdi. O`zbek romanining ildizlari: 1. Hayot voqeligi. 2. Xalq sarguzasht romanlari, dostonlari. 3. YOzma adabiyotning romantik dostonlari. 4. Sharq va G`arb romanchiligi Hozirgi roman o`zining rang-barangligi va voqea hamda xarakterlarga boyligi bilan ajralib turadi. Hozirgi romanning asosiy xususiyatlari: - inson va jamiyat hayotining barcha sohalariga kirib bora olish; - yirik hayotiy muammolarni ko`tarib chiqa olish; - insonning ijtimoiy va xususiy hayotini butun to`laligi bilan ifoda eta bilish; - personajlarning ko`pligi, ana shu personajlarning o`zaro munosabatlarini har taraflama yoritish; - qahramonlarning hayot Sharoitlarini ko`rsatish va xarakterlarni ana shu hayot Sharoitlari bilan bog`liq holda ko`rsatish, xarakterlarning Shakllanishini, rivojlanishini boshqa janrlarga nisbatan kengroq ko`rsatish; - inson psixologiyasini, murakkab hayot jarayonlarini to`la ocha bilish; - xarakterning ichki taraqqiyotini ko`rsata olish. ROMAN-EPOPeYa. Ijtimoiy taraqqiyotning keyingi yuqori davrlari ham o`z epopeyasiga ega bo`ladi. Bu epopeya xalq hayotining muhim bir davri voqeligini qamrab oladi va o`zida butun xalq hayotini emas, uning muhim bir tomonini qamrab oladi. Bunday epopeyaning qahramoni xalq ommasi bo`ladi. Bu roman-epopeyadir. Bunga L.Tol-stoyning «Urush va tinchlik», M.SHoloxovning «Tinch Don», A.Serafimovichning «Temir oqim», Zolaning «Rugon-Makkarlar» asarlari misol bo`la oladi. QISSA. O`rtacha epik janr bo`lib, unda inson hayotining ma’lum davri, bir necha epizodi beriladi yoki bir qahramon hayoti va taqdiri ko`rsatiladi. Voqealar romandagi kabi keng qamrab olinmaydi va personajlar ham romandagi kabi ko`p bo`lmaydi. Qissada voqealar romandagi kabi detallashtirib chuqur ko`rsatilmaydi. Biroq qissa syujeti hikoyaga qaraganda murakkabroq bo`ladi, syujet liniyalari ham ancha ko`proq bo`ladi. Masalan, «Obid ketmon», «Nur qidirib», «Qadrdon dalalar», «G`oliblar», «O`tmishdan ertaklar», «Sinchalak». Qissada asosan psixologizm, lirizm, axloqiy-oilaviy muammo-larga e’tibor beriladi. Qissanoma asarlar o`zbek adabiyoti uchungina xos emas. Buni rus va boshqa qardoshlar adabiyotida ham ko`rish mumkin. CH.Aytmatov, Tendryakov, Rekemchuk, SHoloxovning «Inson taqdiri» asari va b. HIKOYa. Siqiqlik va rivoyaning uncha murakkab emasligi hikoyaga xos xususiyatdir. Hikoyada qahramon hayotidan bir muhim epizod olinadi, hayotning u yoki bu tomoni ochiladi. Mana shu olingan tomon alohida bo`rttirib tasvirlanadi. Biroq hikoyaning Shakl va usullari rang-barang. Hikoyada voqealar ancha keng olinishi ham mumkin. Biroq bu voqealar ancha siqiq beriladi. Personajlar juda oz bo`ladi, ko`pincha ikki yoki uch kishidan oshmaydi. NOVeLLA. Hajm jihatidan hikoyaga nisbatan ancha ixchamroq bo`ladi, syujetning ancha dinamikligi, echimning kutilmaganligi bilan ajralib turadi. «Mateo falpkone», Turgenev, Mopassan novellalari. «DahShat» - A.Qahhor. Umuman, novella bilan hikoya o`rtasida farq uncha katta emas, ular qariyb bir narsadir. OCHeRK. Rivoya usuli va hajmi jihatidan hikoyaga yaqin turadi. Biroq o`z oldiga qo`ygan vazifasi va hayot materialini o`zlashtirish va tasvirlash usuli bilan undan farqlanadi. Ocherkda hayot faqat o`z holicha tasvir etiladi. Ocherk aniq adresga qaratilganligi va hujjatligi bilan ajraladi. Ocherkda yozuvchi hikoyadagiday erkin umulashmalar va badiiy to`qimalardan foydalana olmaydi, hujjatli voqealardan chetga chiqish imkoniga ega bo`lmaydi. Biroq bu narsa ocherkda umumlashtirish, tipiklashtirish bo`lmaydi, degan gap emas. Ocherkda yozuvchi qahramon xarakterining muhim tomonlarini quyuqlashtiradi, voqealarning hamma tomonlarini emas, ularning muhim tomonlarini quyuqlashtirib tasvirlaydi. Biroq ocherk uchun tipik bo`lgan fakt va hayot hodisalarigina tanlab olinadi. SHu bilan birga ana shu tipik bo`lgan fakt aktual ham bo`lishi kerak. Obrazlar, voqea va hodisalar yozuvchi tomonidan aniqlik bilan berilishi lozim. Ocherk, hikoyadan farqli ravishda, aniq, izchil syujet bo`lmasligi ham mumkin. Ocherk ma’lum muhitning ayrim tomonlari materialidan iborat bo`lishi ham mumkin. Ba’zan ocherkda biror hayotiy epizod tasvirlanadi. Ocherk hayot razvedkachisidir, hayotdagi muhim voqea va hodisalarga hozirjovoblik bilan munosabatda bo`luvchi tezkor janrdir. M: H.Olimjonning «Zaynab» ocherki uning «Zaynab va Omon» dostoniga material bo`lgan. Ocherk XIX asr o`rtalarida rivojlandi. Bu hol rus xalqining mazlum ahvolini ro`y-rost ko`rsatish ehtiyoji natijasi bo`ldi. Ocherkning paydo bo`lishi adabiyotda xalqchillikning chuqurlashuviga olib keldi. Rus ocherkining yirik namoyandasi G.Uspenskiydir. O`zbek adabiyotida Oybek, X.Olimjon, A.Muxtor ocherkning yaxshi namunalarini yaratganlar. Ocherkchi yozuvchilardan Y.ShamSharov nomini keltirish mumkin. L i r i k t u r. Lirikada Shaxsning biror munosabat bilan tug`ilgan bir muddatli tuyg`u va o`ylari, kayfiyati, kechinmalari, muhit va voqelikka munosabati ifoda etiladi. Biroq bu Shaxsning tuyg`u va kayfiyatlari tasodifiy bo`lib qolmasdan, unda ko`pchilik uchun umumiy bo`lgan kayfiyat va qonuniyatlar o`z ifodasini topadi. SHoir umumiy narsalarni o`z nomidan, o`z qalbining tebranishi sifatida ifodalaydi. Insonning ichki dunyosi lirikada alohida his va ta’sirchanlik bilan ochiladi. SHu sababli lirikani qahramon tuyg`ulari ifodalagan monolog deb atash mumkin. Lirik asarlar kompozitsiyasi ifodalanayotgan tuyg`uning yaxlit bo`lishini taqozo qiladi. Lirika insonning muayyan kayfiyatini ifoda etarkan, ana shu kayfiyat eng kuchli namoyon bo`lgan muddatni oladi. SHu muddatdagi boshqa tuyg`u va kayfiyatlar esa yordamchi ahamiyatga ega bo`ladi. Demak, lirika insonni biror tuyg`u, kayfiyat, kechinma yoki o`y-fikr bilan benihoya band bo`lgan holatini ifodalaydi. SHundagina lirik asar g`oyaviy mazmuni hamda kompozitsiyasi jihatidan yaxlit bo`la oladi. Lirika tuyg`ularning bevosita va hissiy ko`rinishidir. SHuning uchun ham inson tuyg`ulari kuchli va bevosita ifodalangan asarni lirizm xususiyatiga ega deb ta’riflanadi. Lirikada tuyg`u, kayfiyat qanchalik kuchli bo`lmasin, tuyg`uning o`zi lirikaning asosiy maqsadi bo`la olmaydi. Inson taqdirini, hayotini ifodalashning vositasi, Shakli, o`ziga xos usuli bo`la oladi, xolos. Lirika ham adabiyotning boshqa turlari kabi, asosiy maqsadi insonni, uning taqdiri, xarakterini berishdir. Agar lirika inson hayoti, uning ichki dunyosi uchun xarakterli va ahamiyatli, kishilar uchun umumiy bo`lgan tuyg`ularni ifodalamas ekan, qimmatga ega bo`lmaydi. Demak, lirikada faqat muallifning obrazi, tuyg`u va kechinma-lari, ichki dunyosigina ifodalab qolinmasdan, shoir o`z tuyg`ulari orqa-li keng ma’nodagi zamon kishisi, lirik qahramonning umumlashma obrazini yaratadi. Lirik qahramon xoh shoirning o`zi bo`lsin, xoh 2 yoki 3 Shaxs bo`lsin, unda inson xususiyatlari va kechinmalari o`z ifodasini topadi. Lirikada shoir «men»i ham shoir Shaxsidan kengroq bo`ladi, lirik asarlardagi g`oyaviy mazmuni shoir Shaxsining xususiy biografiyasiga taalluqli bo`lganida ham, u orqali jamiyat uchun xarakterli bo`lgan umumlashma o`z ifodasini topadi. Asarda shoirning ifodalagan kayfiyati va tuyg`ulari hayot uchun xarakterli bo`lmasa, muayyan g`oyaga, orzuga qaratilgan bo`ladi, bunday asar qimmatga ega bo`lmaydi. Epos voqea-hodisa bo`lsa, lirika kayfiyatdir. Lekin lirikada ham syujet bo`ladi. Masalan, A.Oripovning «U qo`shiq kuyladi, yor Sha’niga mast» she’rida syujet, voqea, xarakter borligi aniq. Lekin ko`pchilik she’rlarda bu kabi aniq voqea, syujet va xarakter ko`zga tashlanmayadi. Aslida esa bunday she’rlarda ham syujet bo`ladi. Biroq u ilg`ab bo`lmas darajada murakkab namoyon bo`ladi. SHe’rda ifodalangan insonning munosabati, muhit bilan munosabati, bir qarashda tartibsizday ko`ringan tuyg`ulari oqimi ma’lum izchillikda beriladi. SHe’rda syujet va kompozitsiya unsurlari ham o`ziga xos Shaklda namoyon bo`ladi. SHe’riy asarda ham qahramon tuyg`u va kechinmalari rivojlanib, ma’lum holatlarga borganda keskin o`zgarishga uchraydi va biror natija bilan tugaydi. Demak, syujetsiz deb atalgan she’rlarda ham shoir ichki hayotining ma’lum bir muddatli davr tugal o`z ifodasini topadi. Lirik she’rda shoirdagi ma’lum hodisa uyg`otgan tuyg`u, ya’ni tug`yon urgan tuyg`u ifodalanadi. Gap ana shu hodisani his qilishda, uni passiv qabul qilishda emas, ana shu tashqi ta’sirga bo`lgan ichki munosabat-dadir. Lirik asarda insonning xarakteri, taqdiri, uning bir g`oyaga, orzuga bo`lgan munosabati ifodalanadi. Ana shu ichki munosabat (reaktsiya), tuyg`u, g`oya ham ziddiyatlardan holi bo`lmaydi. SHu ziddiyatli-lik she’rning konfliktini tashkil etadi. Lirikada ham tarafkashlik namoyon bo`ladi. Ko`pincha shoir ifoda etgan tuyg`u munozarali bo`ladi, u biror narsa, hodisa yoki fikr bilan munozara qiladi, bahslaShadi, nimalarnidir inkor etadi. SHoir tashqi muhitdan olgan ta’sirning o`zinigina berib qo`ya qolganida edi, she’r uncha qimmatga ega bo`lmaydi. CHunki ta’sirlanish, his qilish va uning misralarda bayon etilishining o`zigina she’r bo`la olmaydi. Masalan, Oybek «Na’matak»da gulni tasvirlab qo`ya qolganida edi, bu hali she’r emas edi, nari borganda peyzaj bo`lardi. Ammo peyzajning o`zi san’at emas. Demak, na’matakni tasvirlash shoirning maqsadi emas. Yuksakda bir savat gulday chaman bo`lib ochilgan va Shamolda chayqalib turgan na’matak shoirda butun bir tuyg`ular oqimini uyg`otadi. Na’matak orqali Oybek barcha ezguliklar, barcha yorqin narsalarga intiluvchi inson qalbining ehtirosli talpinishini nozik ifoda etadi. SHe’rda sezish, his qilish va tasvirdan tashqari shoirning qalb qo`ri, intilishlari, uning narsalarga munosabati, xullas, fikr bo`lishi kerak. Biroq ana shu fikr salmoqli, salmoqdor bo`lishi, ma’lum qimmatga ega bo`lishi lozim. SHe’rda yaxlitlik bo`lsa-yu, mukammal poetik maqsad bo`lmasa, u estetik qimmatga ega bo`lmaydi. Xuddi shunday she’rda syujet bo`lmaydi. Bunday she’r inson psixologiyasini ochadi, uning ichki dunyosiga ta’sir qiladi. Lirik asarlarda syujet, undagi g`oya aniq ifodalangan fikrning mavjudligi bilan o`lchanadi. Lirik poeziyani janrlarga bo`lish masalasi juda murakkab. CHunki lirikaning o`zi boshqa turlarga qaraganda murakkabdir. SHuning uchun uni janrlarga bo`lishning aniq mezonini belgilab olish mushkul, qariyb mumkin emasdir. Ilgari zamonlarda lirik asarlar detallashtirilib, Shakl va mavzuiga qarab, bir qator janrlarga bo`linadi. G`arb adabiyotining janrlari - annalar, ballada, vodevilp, gimn, difiramb, pamflet, oktava, oksimaran, oda, romans, sonet, tertsina, elegiya, epitafiya, yamb, kansona, alpba, tensona. Sharq adabiyotining janrlari: aforizm, madhiya, marsiya, masal, muammo, munozara, mufradot-fard, noma, ruboiy, ta’rix, tarjibband, tarkibband, tuyuq, qasida, qit’a, g`azal, doston, masnaviy, musaddas, musta’zod, muxammas, nazira. DRAMATIK TUR. Dramatik tur asarlari sahna muhiti bilan bog`liq bo`ladi. Dramatik turda voqealar xarakterlar faoliyati vositasida ochiladi. Unda xarakter rejissyor talqini, aktyor ijrosi natijasidagina to`la ochiladi. Demak, dramatik turda xarakter faqat badiiy til vositasidagina emas, sahna harakati bilan ham ochiladi. Dramatik tur asarlarini faqat o`qib, tushunib, tasvvur qilibgina qolmay, ko`riladi ham. Dramatik tur asarlarida voqealar qahramonlarning dialoglari Shaklida beriladi. Unda muallif nutqi, lirik chekinish, xarakteris-tika bo`lmaydi. Ayrim izohlarni muallif r e m a r k a lardagina bera oladi. Biroq remarka hech qachon muallif izohi bo`la olmaydi. Dramatik turda qahramonlarning kechinmalari, nasriy voqealar ham qahramonlarning nutqi orqali beriladi. Bu narsa san’ator imkoniyatlarini ancha cheklab qo`yadi. Dramatik turning qiyinligi ham shundadir. Dramatik turning yana bir xususiyati - unda inson eng keskin holatlarda beriladi. Unda harakatgina emas, fikrlari, kechinmalari ham keskinlik kasb etadi. Dramatik turda voqealar har tomonlama keng ko`rsatilmaydi, xarakterlarning asosiy konfliktiga taalluqli tomonlarigina ko`rsatiladi. Taqdirlar ham dramada siqiqlik bilan beriladi. Dramatik asarlarda konflikt kuchli bo`lishi kerak, to`qnashuvlar keskin bo`lishi talab etiladi. SHuning uchun ham dramatik asarlarning ta’sir kuchi zo`r bo`ladi. Dramatik tur asosan uch janrga bo`linadi: tragediya, komediya, drama. Tragediya. Dramatik tur janrlari orasida o`zining ulug`vorligi bilan ajralib turadi. Unda insonning kuchli ehtiroslari, katta qurbonlar talab qiluvchi yuksak maqsad yo`lidagi kurash va intilishlari tasvirlanadi. SHuning uchun ham yuksak ma’naviy qudratga ega bo`lgan Shaxslargina tragediya qahramonlari bo`la oladilar. Bu kabi qahramonlar o`zlari tanlagan yo`lning qanchalik fojialiligini bilsalar ham, o`z yo`llaridan qaytmaydilar, qat’iyatli Shaxslar bo`ladilar. Ular oliy niyat, ezgulik uchun kurash yo`lida halok bo`ladilar. SHuning uchun ham ularning o`limi kishini umidsizlantirmaydi. Tragediyaning oxiri fojia: bir yoki bir necha qahramonning halokati bilan tugaydi. Lekin doimo o`lim bo`lishi Shart emas. Qahramon taqdiri biror dahShatli yakun bilan tugashi ham mumkin. Masalan, Edip ko`zini ko`r qilib, mamlakatdan bosh olib ketadi, Medeya o`z ikki farzandini o`ldirib, osmonga uchib ketadi. Tragediya asosini t r a g i k k o n f l i k t tashkil etadi. Bunda ikki baquvvat ijtimoiy kuch kuraShadi. Tragik konflikt to`qnashuvchi kuchlarning teng ekanligidan kelib chiqadi. Bunda ulardan birining halokati aniq bo`lib qoladi. Tragik kolliziya asarga kuch bag`ishlaydi. Qahramon ikki o`t orasida qoladi. Har ikki yo`l ham uning uchun maShaqqatli. SHu yo`llardan birini - eng qiyinini tanlab oladi. Bu yo`lning qanchalik xatarliligini bilsa-da, qahramon o`zi tanlagan yo`ldan qaytmaydi. Uning fojiali taqdiri esa xarakter taraqqiyotining zaruriy natijasi sifatida kelib chiqadi. Tragediya Yunonistonda xalqning Dionis bayramlaridagi o`yinlaridan kelib chiqqan. Dionis Zevsning irodasiga qarshi borib, xalqqa mo`l-ko`lchilik va vino beradi. Bu tragik kolliziya edi. Antik tragediya o`ziga xos bo`lib, u prolog, peripetiya (burilish, kulpminatsiya), echim dan va xorning yakunlovchi qo`shig`idan iborat bo`ladi. Antik tragediyada xor voqealarga bevosita ishtirok etmasdan, qahramonlar taqdiriga munosabat bildirish, voqealarni hikoya qilish, ularga izoh berish vazifasini bajargan. Keyinchalik esa xorning ahamiyati tushib, u yo`qola borgan. Qadimgi tragediyada tragik kolliziyani keltirib chiqargan sabablar shu kolliziyaning o`zi va uning qanday rivojlanishiga katta e’tibor berilardi. Keyinchalik adabiyotning hayotga yaqinlashishi natijasida tragik xarakterlarning alohida bo`rttirib va o`ziga xoslashtirib berilishi sababli tragik kolliziya sabablarini izohlashga ehtiyoj qolmaydi. Uning vazifasi to`la ravishda xarakterlarning to`qnashuvlariga yuklanadi. SHekspir tragediyani sotsial va psxologik jihatdan chuqurlashtiradi, unga kulgililik, tubanlik unsurlarini ham olib kirdi. SHiller esa tragediyani siyosiy tendentsiyalar bilan boyitadi, uni inqilobiy isyonkorlik g`oyalari targ`ibotchisiga aylantiradi. Pushkin esa «Boris Godunov»da cheklanmagan saltanat uchun kurashgan, o`zi tanlagan yo`lning xatarli ekanligini his qilib, o`zining ojizliklarini ham anglab etgan hukmdor fojiasini ko`rsatgan. Biroq V.Belinskiy aytganidek, bu asar ko`proq epiklik kasb etgan. «Xasis ritsar», «Motsart va Salperi» asarlari bilan Pushkin yangicha kichik tragediya janriga asos solgan. Bu asarlarning birinchisida xasislik, ikkinchisida - xasad, jinoyatkorona ehtiroslarning halokatli oqibat-larga olib kelishi ko`rsatiladi. O`zbek adabiyotida tragik konfliktga ega bo`lgan asarlar anchagina. Masalan, «Xolisxon», «O`tkan kunlar», «Sarob», «Qutlug` qon», «Nurxon», «Alisher Navoiy», «Muqanna», «Tohir va Zuhra» va boshqalar. Tragik kolliziyaning yaxshigina namunasi «CHinor» romanidagi Akbarali qissasi. Biroq bularning birortasi ham tragediya bo`la olmaydi, balki tragediya elementlaridir. Tragediya namunasi M.Shayxzodaning «Mirzo Ulug`bek» asaridir. Biroq bu asar ham, garchi muallif uni tragediya deb atasada, to`la ma’nodagi tragediya bo`la olmaydi. Asar tragediyadan ko`ra dramaning yaxshi namunasidir. CHunki tragediya bo`lish uchun «Mirzo Ulug`bek»da tragik konflikt bor-ku, lekin tragik kolliziya yo`q. Ulug`bekning o`limi anchagina tasodifiydir. «Qirol Lir»ning qahramoni Lir o`z ahvolining fojialiligini taxtdan tushganidan so`nggina biladi. Ulug`bek esa o`z ahvolining fojialili-gini, ya’ni caltanat bilan ma’rifatni kelishtirib bo`lmasligini tushunib etgach, taxtni tashlab, o`zini ana shu fojiali ahvoldan olib qochmoqchi bo`ladi, natijada o`zi tanlagan oxirgi yo`lning fojialiligini bilmaydi, josuslar tomonidan o`ldiriladi. Komediya. Bu janr tragediyadan farqli o`lroq, engil voqealarga quriladi. Komediyada eskilik, illat, bid’at tanqid qilinadi, hajv etiladi, anglashilmovchiliklar hal etiladi. Komediya hayotning yumoristik yoki hajviy tasvirini beradi. Komediya ham qadimgi Yunonda tragediyadan keyinroq rivojlangan. Komediyaning otasi Aristofandir. Uning komediyalari o`zining siyosiy o`tkirligi, dolzarbligi bilan ajralib turadi. Antik komediya xususiyatlari: Prolog - asar mavzui, tuguni beriladi, keskin ikki qaramaqarshilik(tendentsiya) belgilab olinadi. Parod - voqea rivojiga zamin hozirlanadi va agonga olib keladi. Agon - muhim siyosiy mavzuda bahs beriladi. SHundan so`ng yana parod - agonning oqibatlari ko`rsatiladi. Eksod - agon va parodning natijasi - echimdir. Keyingi komediyalarda bu kabi qoidalar bo`lmagan, biroq barcha voqealarning bir maqsadga qaratilganligi - harakat birligi saqlanib qolingan. Molperning har bir komediyasi jamiyatdagi biror illatni oxirigacha fosh etishga bag`ishlangan. Gogolpning «Revizor» komediyasida ijobiy Shaxs kulgining o`zidir. Komediyaning yaxshi namunalari - Mayakovskiyning «Klop», «Hammom» asarlari bo`lib, ularda fantastik grotesk usuli qo`llangan. Vodevilp ham komediyaga yaqin bo`lib, musiqali lahzalar va raqsni o`z ichiga oladi. Fars o`tkir groteskli fosh etuvchi komediya turidir. O`zbek adabiyotida tragediyaga nisbatan komediyaning namunasi bo`ladigan asarlar anchagina. Masalan, «Burungi saylovlar», «Toshbolta oshiq», «Oltin devor» kabilar. «Maysaraning ishi» komediyaning mumtoz namunasidir. «SHohi so`zana» dagi Hamrobuvi bilan Holnisa xarakterlarida komik kolliziya yaxshi berilgan, lekin bu asarning asosiy konflikti darajasiga ko`tarilmagan. Asarning asosida esa dramatik konflikt yotadi. Komediya deb atalayotgan ko`pgina asarlarda aslida komizm o`Sha asar tabiatidan kelib chiqmaydi. Ularda ataylab tomoShabinda kulgi qo`zg`otish uchun qiziqchiliklar, turli maynabozchiliklar beriladiki, bu hali komediya uchun etarli emas. Drama (yunoncha - harakat, faoliyat) keng ma’noda, borliqni dialoglar hamda personajlarning harakati asosida tasvirlovchi sahnaga mo`ljallangan asarlar yoki adabiy turlardan (epik, lirik, dramatik) birining nomi sifatida, tor ma’noda, dramatik turning keng tarqalgan janrlaridan (tragediya, komediya, drama) birining nomi sifatida qo`llaniladi. Drama asosida o`tkir xarakterlar va kuchli ehtiroslarning shiddatli to`qnashuvi yotadi. Drama ishtirok etuvchi Shaxslarning «harakati va qarshi harakatlaridan» yasaladi, «unda hamma narsa bir maqsadga, bir mo`ljalga qarab yo`nalishi kerak»,- deydi V.Belinskiy. Ikki kishi o`rtasidagi har qanday bahs, munozara drama bo`lavermaydi. «Bahslashuvchilar bir-birlaridan ustun chiqishi uchun, bir-birlarining xarakterlarining qanday bo`lmasin biron tomonini bosib qo`yishga yoki ruhning zaif tomonlarini chertib qo`yishga urinsalar va bu narsa orqali ularning xarakterlari ochilsa, nihoyat bahslashuvchi ularni bir-birlariga nisbatan yangi munosabatda bo`lishga majbur qilsa, - bu narsa drama deb atalishi mumkin» (V.Belinskiy). Dramada konfliktning keskinligi, xarakterlar qirralarining o`tkirligi, personajlar nutqining ifodaliligiga katta e’tibor beriladi. Personaj nutqi aytilgan payt, vaziyat va holat bilan bog`liq bo`lishi kerak, personajning xarakterini yorqin ifodalashi va maqsadga aniq borib tegishi zarur. O`tkir ijtimoiy muammolar, murakkab sotsial, psixologik ziddiyatlar drama materialidir. Dramada inson uchun ezgu va yaqin bo`lgan qadriyatlarning xavf ostida qolgan holatlari berilib, bu narsa «yuqori darajada» dramatizmni keltirib chiqaradi. Drama tragediya bilan komediya o`rtasidagi hodisa bo`lib, unda har ikki janrning xususiyatlari mujassamlangan. Drama tragediyadan engilroq, komediyaga nisbatan jiddiyroqdir. Unda tragediyaga qaraganda kolliziya kuchli bo`ladi, lekin fojia bo`lishi Shart emas, unda komediyadagi kabi engil, kulgili lahzalar bo`lishi mumkin. Lekin dramaning kulgili bo`lishi Shart emas. Dramada insonning jiddiy hayot sinovlari ko`rsatiladi. Unda kechinmalar keskin qilib qo`yiladi. Komediyada taqdirlar «baxtsizlikdan baxtga», tragediyada «baxtdan baxtsizlikka qarab» rivojlansa, dramada esa taqdirlarning echimi oldindan belgilanmaydi, unda ko`pincha qahramonlarning keyingi taqdiri uzil-kesil hal qilinmay, ochiq qoladi. Drama tragediya va komediyadan keyinroq Shakllangan bo`lib, XU111 asrga kelib janr holiga kelgandir. Bu davr dramasida oddiy kishining xususiy hayoti tasvirlangan bo`lib, uni «meshchanlik dramasi» deb ataganlar. Lessingning «Emiliya Galotti», SHillerning «Makr va muhabbat» dramalari meshchanlik dramasining eng yaxshi namunalaridir. Bundan tashqari, janrning oilaviy-maishiy, tarixiy, qahramonlik, falsafiy, psixologik xillari ham mavjud. XIX asrga kelib drama janri g`oyaviy-badiiy yuksaklikka ko`tarildi, unga sotsial fosh etuvchi xususiyatlar kirib keldi. A.P.CHexovning «Olchazor», A.Ostrovskiyning «Sepsiz qiz», G.Ibsenning «O`yinchoq xonadon» dramalarida burjua voqeligi ichki ziddiyatlari ko`rsatildi. Keyingi bosqichlarda yaratilgan dramalar ichida G.Xauptmanning «Hayot shomi», B.Brextning «Karrar xonim miltiqlari», A.Korneychukning «Front», M.Karimning «Oy tutilgan tunda», O.Abdullinning «O`n uchinchi rais», D.Pounellning «Ustasi farang», shuningdek, N.Pogodin, A.Afinogenov, A.Arbuzov, V.Rozov, A.Gelpmanning dramalari mashhur. Urushdan keyingi bosqichda keng tarqalgan konfliktsizlik nazariyasi drama taraqqiyotiga jiddiy zarar etkazdi, yuzakichilik va sxematizmning kuchayishiga olib keldi. SHu davrlarda G`arb mamlakatlarida «absurd dramasi» deb nomlangan «bema’ni drama» paydo bo`ldi. Unda ma’nisiz xarobazor muhit, nursiz hayot, ilojsizlik g`oyalari ifodalanadi. Biroq uning eng yaxshi namunalarida oddiy insonning g`aribona hayoti, xor-zor va ayanchli qismati butun dahShati bilan ro`y-rost tasvirlanadi. O`zbek dramasi asoschilarining boshida Behbudiy, A.Qodiriy, Hamza turadilar. Behbudiyning «Padarkush», A.Qodiriyning «Baxtsiz kuyov», Hamzaning «Zaharli hayot» asarlari o`zbek adabiyotida yaratilgan ilk drama namunalaridir. Keyingi bosqichlarda Hamzaning «Paranji sirlari», CHo`lponning «YOrqinoy», U.Ismoilovning «Rustam», K.Yashinning «Gulsara», H.Olimjonning «Muqanna», Uyg`un va I.Sultonning «Imon», S.Azimovning «Qonli sarob», O`.Umarbekovning «Qiyomat qarz» kabi asarlari janrning sara namunalari hisoblanadi. Hozirda o`zbek adabiyotida M.Boboev, SH.Boshbekov, E.Vohidov, A.Ibrohimov drama sohasida jiddiy izlanishlar qilmoqdalar. LIRO-EPIK TUR. Bu turda voqealarning nasriy tasviri muallif Shaxsining lirik obrazi, uning tuyg`ulari bilan uyg`unlikda beriladi. Masalan, «evgeniy Onegin» romanida asar qahramonlari Onegin, Tatpyana, Lenskiylar hayoti va taqdirinigina emas, shoirning ichki evolyutsiyasini ham ko`ramiz. Demak, liro-epik turda shoir voqea va obrazlarnigina emas, o`z ichki dunyosi, tuyg`u va kechinmalari ham berish imkoniga ega bo`ladi. Bu turga masalan, ballada, doston-poema, she’riy roman kabilar kiradi. Biroq janrlarning bu kabi bo`linishi ularda voqealarni qamrab olish hajmigina emas, muallif obrazi, uning kayfiyatini ochish imkoniyatlari ham hisobga olinadi. SHe’riy roman. Bu janr dostondan voqelikni qamrab olishning kengligi bilan ajralib turadi. Unda personajlarning o`zaro munosabatlari, muallifning voqea va personajlarga munosabati ko`pqirrali bo`ladi. Xarakterlar har taraflama ochiladi. Masalan, Pushkinning «evgeniy Onegin», Bayronning «Don Juan», Mirmuhsin-ning «Ziyoda va Adiba», X.Sharipovning «Bir savol», M.Alining «Boqiy dunyo», B.Boyqobilovning «SHukuhli karvon» va boshqalar. SHe’riy romanda muallif Shaxsi, obrazi ham kengroq ochiladi. Unda muallif tuyg`ulari va biografiyasining faktlari qahramonlar taqdiri va tuyg`ulari bilan uyg`unlashib ketadi. SHe’riy romanda odatda biror voqea emas, butun davrning mohiyati ochiladi. Doston(poema). Hozirgi ma’nodagi doston yoki poema XIX asrda Shakllangan. Poema lirikaning kengaygan namunasi, lirik qissadir. Poema lirikaning mukammal tarqqiyoti natijasida paydo bo`ldi. Poemada qissa yoki hikoyadagi kabi voqea bo`ladi. Biror she’rga solingan hikoyaning o`zi hali poema bo`la olmaydi. Poema qissa bilan hikoyadan o`zining she’riy Shakli bilangina emas, o`zida ifodalangan badiiy material xususiyatlari va unga muallif munosabati bilan ham farqlanadi. Biror voqeani tasirlar ekan, muallif o`z qahramonlari bilan birga dard chekadi, quvonadi va qayg`uradi. Poemada tasvirlanayotgan voqea tipik epik asarlardagi kabi muallif Shaxsidan tashqarida bo`ladi, uning qalbidan o`tadi. Poemada voqedan ko`ra tuyg`u, voqeaga hissiy munosabat kuchliroq bo`ladi. Poemada voqealar yaxlit bo`lmasligi mumkin, umuman, voqea bo`lmasligi ham mumkin. Poemada voqea bo`lganda muallif bu voqeani to`la va batafsil ochishi Shart emas. Poemada voqealar to`laligi bilan aks etmaydi. Unda voqealrning muhim va ko`tarinki lahzalari o`z ifodasini topadi. Poemada qahramonlar taqdiri va sarguzashtlaridan ko`ra, ularning ichki dunyosiga ko`proq e’tibor beriladi, ulardagi ichki evolyutsiyani ochishga ko`proq e’tibor beriladi. Bu narsa poemani psixologizm bilan ta’minlaydi. Poema bir necha xilga bo`linadi: - voqeaband poema; - lirik poema. Bundan tashqari, fantastik poema («Parizod va Bunyod») ham mavjud bo`lib, bu ham voqeaband poemaga kiradi. Lirik poema lirikaning intellektuallashuvi natajasida keyingi davrda kelib chiqdi. Uning ilk namunasi Bayronning «Ingliz baxshilari va shotland axborotchilari» asaridir. Bu xilning asl va yirik namunalari V.Mayakovskiyning «Juda soz», Oybekning «Navoiy», X.Sharipovning «Quyoshga oshiqman» poemalaridir. Ballada. Bu janr poemadan kichikroq bo`ladi. Unda benihoyat keskin va kuchli emotsionallikka ega bo`lgan voqea beriladi. Ballada qahramonona yoki fantastik syujetga ega bo`ladi. Balladada xarakterlar to`la ochilmaydi, ularning muhim lahzalari bo`rttirib beriladi. Ballada xalq og`zaki ijodidagi maxsus she’riy qo`shiqlardan kelib chiqqan. Ballada ko`pincha fantastik syujetlarga qurilgan bo`ladi. Balladada voqealar shiddat bilan rivojlanib kutilmagan tugallanma bilan tamom bo`ladi. Bu dramaga dramatiklik bag`ishlaydi. Hozirgi realistik balladada kutilmagan tugallanma Shart bo`lmay qoldi, voqea afsonaviy bo`lishi ham Shart emas. Balladada voqealardan ko`ra muallifning o`Sha voqeaga emotsional munosabati asosiy o`rin egallaydi. Balladaning mumtoz namunalarini F.SHiller, M.Lermontovlar yaratgan. O`zbek adabiyotida H.Olimjon, H.G`ulomning balladalari mashhur. Masal. Bu janrning epikligi shundaki, unda biroor epizod tasvirlanadi. Biroq masalda asosiy narsa tasvirlangan voqea emas, unga muallif munosabatidir. O`Sha tasvirlangan voqeadan kelib chiqadigan xulosa - axloqdir. SHuning uchun ham masalni nasriy turga kiritish unchalik to`g`ri bo`lmaydi. Masal ko`pincha allegorik Shakl bo`lib, unda hayvonlar, o`simliklar, jonivor hamda haSharotlar qahramon bo`ladi. SHoir ular vositasida insonlar hayotini, bu hayotning muhim muammolari mohiyatini, ularga o`z munosabatini ochadi. Masalda xatti-harakat va voqealar ana shu o`gitga, axloqqa qaratilgan bo`ladi. Biroq shu xulosa axloq personajlar xarakteri xususiyatlaridan kelib chiqishi lozim. Masal doim ham allegorik bo`lmaydi. Har qanday allegorik latifa, ertak ham masal bo`lavermaydi. Masalning ilk yaratuvchisi eramizdan avvalgi 1U asrlarda yaShagan Ezopdir. Keyinchalik msal Lafonten, Krilov ijodida rivojlantiril-gan. Rus adabiyotida mashhur masalchilar D.Bedniy va S.Mixalkov-lardir. O`zbek adabiyotida masalning etuk namunalarini Navoiy, Gulxaniy, Hamza ijodida ko`ramiz. Hozirda o`zbek masalchilari S.Abduqahhor, Ya.Qurbon, O.Qo`chqorbekov kabilar. Masal o`tkir satirik xarakterga ega bo`ladi. Unda odamlardagi, jamiyatdagi ayrim illatlar tanqid qilinadi. Eng yirik masalchilar o`z asarlarida jamiyatning o`tkir sotsial va siyosiy muammoalrini ko`tarib chiqqanlar. Masalan, Krilovning «Bo`ri bilan Qo`zichoq» masalida ijtimoiy tengsizlik va zo`rlik tanqid qilingan. Masal oxirida o`git beriladi. O`git voqeaga bog`liq bo`lmaydi, lekin o`Sha voqea mohiyatidan kelib chiqadi. Masalda voqea, syujet kichkina va sodda bo`ladi. Unda muallifning qarashlari, voqelikka munosabati aniq namoyon bo`ladi. Masallardagi qissadan hissa ko`pincha obrazli iboraga aylanib, xalq orasida keng tarqaladi.