1. Atomiya fani Anatomiyani o”rganish usullari

Akademik V.P. Vorobev (1876-1937) Xarkov tibbiyot bilimgohining professori, a'zolar va ulardagi nerv tolalarini makro-mikroskopik o’rganishga asos soldi. Murdani mumiyolash ustida ko’p ishlar qildi, olimlar ichida birinchi bo’lib 5 tomlik anatomiya atlasini tuzdi.
V.N. Tonkov (1872-1954) qon tomirlar sistemasini eksperimental yo’l bilan o’rganib, kollateral (yonlama) qon aylanish tug’risidagi g’oyani rivojlantirdi. Rentgenoanatomiya ustida ishladi.
B.A. Dolgov - Saburov (1900-1960) ichki a'zolar nerv sistemasining qon tomirlar bilan aloqasini, venalar innervasiyasini o’rgandi.
N.K. Lisenkov (1865-1941) Odessa tibbiyot oliygohining professori, odam organizmi-ning normal tuzilishi, topografiyasi, plastik anatomiyasini o’rgandi. Uning 1932 yilda V. I. Bushkevich bilan xamkorlikda yozgan "Odamning normal anatomiyasi" darsligi hozirgacha qayta-qayta nashr etib kelinadi.
Yuqorida qayd etilgan olimlar qatorida hazm sistemasini o’rganishda K.A. Zufarov, S.N. Kasatkin, P.O. Isaev, qon tomirlar sistemasini o’rganishda V.V. Kupriyanov, B.V. Ognev, Ye.P. Melman, R.E. Xudoyberdiev, S.A. Dolimov, limfa sistemasini o’rganishda M.R. Sapin, Yu.M. Borodin, nerv sistemasini o’rganishda V.N. Ternovskiy, P.A. Sokolov, N.K. Axmedov, X.3. Zohidov va nerv sistemasining embriologik taraqqiyotini o’rganishda akademik D.M. Golub, N.A. Ibodov, topografik anatomiyani o’rganishda V.F. Voyno-Yaseneskiy, F.F. Amirov, N.X. Shomirzaev va boshqalar anatomiya faniga o’zlarining munosib hissalarini qo’shdilar.


ODAM GAVDASINING TUZILIShI
Anatomiyani o’rganishda odam organizmining xizmati katta. Odam organizmining tuzilishiga yondoshishda ikki xil bir-biriga qarama-qarshi materialistik va idealistik oqimlar paydo bo’lgan va uzoq, yillar davomida ana shu oqimlar orasida kurash davom etib kelmoqda.
Chunonchi, mexanik materialistlar organizm turli xil a'zolarning mexanik yig’indisidan (Morganni), tuqimalar (Bisha) yoki xujayralar yig’indisidan (Virxov) iborat deb qaraydilar. V. Virxov odam organizmini xujayralar davlatiga qiyoslaydi, unda aloxida guruxlar - xujayralar federasiyasi bo’lib, uzi mustaqil yashash imkoniyatiga ega ekanligini ta'kidlaydi. Alohida a'zolarni umumiy bir butun organizmdan ajratib qarash metafizik qarashdir. U xujayra guruxlarini mustaqil yashash imkoniyatiga ega deyish - vitalizmdir.
Dialektika nuqtai nazaridan, organizm alohida qismlar, tuqimalar, a'zo va tuqima elementlaridan tashkil topgan. Ana shu qismlarning bir-biriga uzviy bog’lanishi natijasida bir butunga aylangan tuzilma bo’lib, u beto’xtov o’zgarib turadi. Organizm uzi yashaydigan sharoitga moslashgan va shu sharoitsiz yashay olmaydi.
Organizmning barcha a'zolari bir-biri bilan o’zaro bog’liq bo’ladi, ya'ni tomirlarda oqayotgan qon, limfa suyuqliklari yordamida gumoral yo’l bilan bog’lanadi, markaziy nerv sistemasi organizmni idora etib turadi, bularning hammasi organizmning bir butunligini ta'minlaydi.
Demak, odam organizmi tuqimalardan, a'zolardan, sistemalardan tarkib topgan, ular o’zaro birlashib, bir butun organizmni hosil qiladi.