Meydanın hər iki yarısında qapının sahəsi nişan olunur. Həmin bu zonadan qapıdan zərbə yerinə yetirilir. Qapı xəttinə düz bucaq altında olan və qapı dirəyindən 5.5 m (6 yard) aralığında yerləşən məsafədə meydanda iki xətt çəkilir. 5.5 m (6 yard) məsafəsində bu xətlər, qapı xəttinə paralel olan başqa xətlə birləşir. Beləliklə qapının sahəsi 18,32 metr (20 yard) 5,5 metrə (6 yarda) bərabərdi.
Cərimə meydançası
Meydanın hər yarısında cərimə meydançası yerləşir. Bu meydançada qapıçı topu əlinə götürə bilər və burada oyunçu oyun pozuntusu eləsə, bu 11 metrlik cərimə zərbəsi kimi dəyərləndirəcək. Qapı xəttinə düz bucaq altında olan və qapı dirəyindən 16.5 m (18 yard) aralığında yerləşən məsafədə iki xətt çəkilir. 16.5 m (18 yard) məsafəsində bu xətlər, qapı xəttinə paralel olan başqa xətnən birləşir. Beləliklə, cərimə meydançasının sahəsi 40,32 metr (44 yard) 16,5 metrə (18 yarda) bərabərdir. Cərimə meydançasl daxilində, qapı xəttinin ortasında və qapıdan 11 m aralı olan yerdə penalti zərbəsinin işarəsi qeyd edilir. O işarə diametri 0,3 m (1 yard) bərabər olan dairədən ibarətdir.
