1. Quyidagilarni nazarda tutuvchi moliya sektorini yanada rivojlantirish Konsepsiyasini ishlab chiqish:
bank sektorida davlat ulushini bosqichma-bosqich qisqartirish;
moliya regulyatorining avtonomligini kengaytirish;
bank nazoratini kuchaytirish instrumenti sifatida kredit reyestrini yuritish tartibini takomillashtirish;
bank tizimini nazorat qilish va boshqarish sohasida Markaziy bankning salohiyatini mustahkamlash;
kapital bozorining xorijiy investitsiyalarga nisbatan me’yor va cheklovlarini qayta ko‘rib chiqish;
banklararo munosabatlar va kapital bozori, shu jumladan fond va sug‘urta bozori hamda lizing xizmatlari bozorini kengaytirish;
qarz qimmatli qog‘ozlar va boshqa moliyaviy instrumentlarni rivojlantirish, ulushli va qarz instrumentlari orqali moliyalashtirish imkoniyatlarini kengaytirish, qimmatli qog‘ozlar chiqarish jarayonini soddalashtirish;
bozor xatarlarini xedjlash va moliyaviy barqarorlikni ta’minlashning asosiy dastaklaridan bo‘lgan, hosilaviy moliyaviy instrumentlar bozorini rivojlantirish;
investitsiya kompaniyalari, anderaytyerlar, venchur jamg‘armalar faoliyatini rivojlantirish;
tadbirkorlik subyektlari loyihalarini va startaplarni moliyalashtirishning muqobil mexanizmlarini (masalan, kraudfanding) joriy etish;
zamonaviy moliyaviy texnologiyalarni (“Fin-tech”) rivojlantirish uchun normativ-huquqiy bazani yaratish;
elektron raqamli moliyaviy xizmatlar sohasi uchun ishbilarmonlik muhitini yaxshilash chora-tadbirlarini ishlab chiqish;
moliyaviy xizmatlar qamrovini oshirish, moliya sektorida iste’molchilarni himoya qilish va aholining moliyaviy savodxonligini oshirish bo‘yicha strategiyani ishlab chiqish.
| 
