Umumjamiyat ehtiyojlari – bu jamiyat miqyosidagi barcha kishilar uchun umumiy
bo‘lgan ehtiyoj.
Uslubiy vazifasi – iqtisodiyot nazariyasi fanining o‘zi, tahlili va uning tamoyillari,
olingan xulosalar, tadqiq etilayotgan iqtisodiy qonunlar boshqa ijtimoiy va tarmoq fanlari uchun uslubiy asos bo‘lib xizmat qiladi
Uslubiyat– bu ilmiy bilishning tamoyillari tizimi, yo‘llari, qonun-qoidalari va aniq
hadislaridir.
Xususiy yoki davriy iqtisodiy qonunlar – insoniyat jamiyati taraqqiyotining ma’lum bosqichlarida amal qiladi. Masalan, talab qonuni, taklif qonuni va qiymat qonuni.
Yakka ehtiyoj– bu alohida shaxsning ijtimoiy-iqtisodiy mavqеi, dunyoqarashi va
boshqa xususiyatlari ta’sirida shakllanuvchi ehtiyoji.
Ehtiyojlarning qondirilish darajasi (EQD) har bir davrdagi haqiqiy iste’mol (HI)ni ehtiyojlarning umumiy darajasi (EUD)ga taqqoslash orqali aniqlanadi, ya’ni:
EQD = HI / EUD x 100
EQD tovar va xizmatlarning alohida turlari va guruhlari bo‘yicha aniqlanadi.
Topshiriq 1. Mavzu bo`yicha savollarga javob bering 1. Nima uchun iqtisodiyot nazariyasi fanini o‘rganamiz.
2. Iqtisodiyot nazariyasining shakllanishining asosiy yo‘nalishini ayting?
3. Iqtisodiyot nazariyasi qanday fanlar jumlasiga kiradi?
4. Ehtiyojlar tushunchasiga ta’rif bering.
5. Iqtisodiyot qanday darajada o‘rganiladi va ular qanday bir-biri bilan bog‘liq?
6. Iqtisodiyot nazariyasi fani qanday vazifalarni bajaradi?
7. Iqtisodiyot nazariyasi fanining maqsadi nimada?
8. Iqtisodiyot nazariyasining predmeti nima hisoblanadi?
9. Iqtisod va siyosat qanday bir-biri bilan bog‘liq?
10. Mikroiqtisodiyot deganda nima tushunasiz?
11. Makroiqtisodiyot nimani o‘rganadi?
12. Megaiqtsodiyotga tushuncha bering.
13. Qanday iqtisodiy qonunlarni bilasiz?
14. Iqtisodiy kategoriya nima?
15. Iqtisodiyot nazariyasi fani qanday uslublarga ega?
