j) Umurtqa, yirik suyaklar va bo‘g‘imlarning tez rivojlanuvchan destruktiv sili, ichki a’zolar amiloidozi asoratlari bilan.
Kasallikni bu ko‘rinishida shikastlangan joylarda katta yemirilishlar hamda barcha to‘qima va a’zolarda distrofik o‘zgarishlar kuzatiladi.
Bo‘g‘im atrofida chandiqli paylar hosil bo‘lishi, uning xaltachasida ro‘y berayotgan chandiqli buzilishlar artrogen kontrakturalarga olib keladi. Sil spondilitida ko‘pincha sil abssesslari, orqa miya faoliyati buzilishlari va spastik falajliklar kuzatiladi.
Tashxisni asoslash uchun qonning klinik va bioximik laboratoriya tekshiruvlari, sil abssessidan, shikastlangan bo‘g‘imlardan olingan yiringni laboratoriya sharoitida ekib o‘stirish yo‘li bilan sil mikobakteriyasini aniqlash, bo‘g‘im suyuqligi va regionar limfa tugunlarini tsitologik tekshiruvlari, ikki (old va yon) tomondan ko‘rinishdagi rentgenografiya tekshiruvlari o‘tkaziladi. Imkoniyat boricha kompyuter-tomografiya (KT) va magnit-rezonas tomografiya (MRT) tekshiruvlarini o‘tkazish maqsadga muvofiq bo‘ladi.
