1. Quvnoq startlar musobaqasini tashkil qilish. Milliy va harakatli o’yinlar fanining maqsadi va vazifasi

Milliy va harakatli o’yinlar fanining maqsadi va vazifasi

Fanni o`qitishdan maqsad – milliy va harakatli o’yinlarning nazariy va amaliy asoslarini o’zlashtirishdan iborat.

Fanning o’qitish vazifalari-talablarda milliy va harakatli o’yinlar vositasida harakatlarga o’rgatish, jismoniy sifatlarni rivojlantirish, mashgulot o’tgazishda foydalanish,musobaqalarni tashkillashtirishga oid kasbiy – pedagogik malaka va ko’nikmalarni hosil qilish hamda shakllantirishga qaratilgan.
Fan bo’yicha talabalarning bilim, ko’nikma va malakalariga quyidagi talablar qo’yiladi.

• 
  Jismoniy sifatlar, texnik - taktik usullar, ularning fazalari, elementlari va qismlari haqida tasavvurga ega bo’lish.
  
• 
  Texnik - taktik usullari nazariy asoslani o’zlashtirish haqida tasavvurga ega bo’lishi kerak.
  
• 
  Milliy va harakatli o’yinlarning rivojlanish tarixini; dastlabki harakatlarga o’rgatish vosita, uslub va tamoyillariga ega bo’lishi kerak.
  
• 
  O’yin texnikasi va taktikasiga oid harakat ko’nikmalariga; milliy va harakatli o’yinlarni o’rgatishda tasavvurga ega bo’lishi, vosita va uslublarni tanlay bilish va ularni me’yorlash ko’nikmasiga ega bo’lishi kerak;
  
• 
  Talaba bajarilayotgan milliy va harakatli o’yinlarni tashkil qilish; musobaqalarni tashkil qilish va o’tkazish; dars bayonnomasini tuzish; ta’lim muassasalarida milliy va harakatli o’yin mashg’ulotlarini tashkil qilish va o’tkazishga oid kasbiy pedagogik malakalariga ega bo’lishi kerak.
  

Milliy va harakatli o’yinlar fanining boshqa fanlar
bilan o’zaro bog‘liqligi.

“Jismoniy madaniyat nazariyasi va metodikasi”, “Gimnastika va uni o‘qitish metodikasi”, “Yengil atletika va uni o‘qitish metodikasi”, “Kurash turlari va uni o‘qitish metodikasi”, “Suzish va uni o‘qitish metodikasi”, “Jismoniy tarbiya gigienasi va sportning tibbiy-fiziologik asoslari”, “Jismoniy madaniyatni o‘qitish texnologiyalari va loyihalashtirish”