Ijtimoiy ishchi faoliyatining mazmuni: · shaxslar, oilalar, guruhlar va hamjamiyatlarga yordam berish (ijtimoiy qo‘llab-quvvatlash, ijtimoiy moslashuv, ijtimoiy reabilitatsiya, ijtimoiy profilaktika);
· zarur ijtimoiy muxofaza va axolini himoya qilish bo‘yicha turli davlat va jamoatchilik tashkilotlari hamda muassasalari faoliyatining integratsiyasiga ko‘maklashish;
· ijtimoiy va psixoijtimoiy muammolarni o‘rganish;
· aholining ijtimoiy ximoyaga muxtoj guruhlari muammolarini hal qilish bo‘yicha ijtimoiy dasturlarni ishlab chiqish va amalga oshirish, bu dasturlarning samaradorligini baholash.
Ijtimoiy ishchi quyidagi shaxsiy-professional sifatlarga ega bo‘lishi, ularni rivojlantirishi va namoyish qilmog‘i zarur:
· xar bir odamning qadriyatlarini shaksiz qabul qilish, uning xuquqlarini hurmatlash;
· odamlarning individual farqlariga bahosiz munosabat, insonparvarlik;
· rivojlangan o‘z-o‘zini anglash va o‘z-o‘zini baholash, tanqidiy tafakkur;
· empatiya (xamdardlik va xayrixoxlik qobiliyati);
· refleksiya (fikrlash, muloxaza yuritish qobiliyati);
· odamlar bilan aloqa o‘rnatish va ishonchli munosabatlarni shakllantirishni uddalay olish;
· odamlarning xissiy xolatiga sezgirlik va ta’sirchanlik, xissiy vazminlik va chidamlilik;
· murakkab vaziyatlarni xal qilishdagi qat’iyatlilik va izchillik;
· xavotirlilikning maqbul darajasi, ruhiy tushkunlik holatiga moyillikning yo‘qligi;
stressli va hissiy murakkab vaziyatlarda ishlash ko‘nikmasi: o‘z - o‘zini nazorat qilish, bir xolatdan boshqasiga o‘tish, o‘z xissiyotlari va axloqini boshqarish qobiliyati.
