1. Tema : «Meniń janajan Qaraqalpaqstanım» Jumıstıń maqseti

Tárbiyashi: Balalar mine nanımız da shıraylı bolıpdı. Endi hámmemiz birgelikte nan haqqında qosıq aytamız.
(Nan japqanda qosıǵı aytıladı)
Tárbiyashi: Mine Balalar nanbayshılıq kásipi de mashaqatlı kásip, tań sáhárden tap keshke shekem tınbaay miynet etedi sol sebepli olardı da qádirlewimiz kerek.
Qosımsha bólim: Balalarǵa nanbay miyneti haqqındaǵı videorolik kórsetiw.
Oyınnıń áhmiyeti: Balalarda kásipke bolǵan mehir-muxabbattı oyatıw.

11- Tema :
«Dıyqan miyneti menen tanıstırıw».
Jumıstıń maqseti: Diyqan miyneti menen tanıstırıw. Báhárde diyqannıń miynetlerinen biri jerge tuqım sebiw haqqında bilim beriw. Miynet qılıw qızıǵıwshılıǵın tárbiyalaw.
Kerekli buyımlar : «Tábiyaat hám biz» múyeshi hám «Oyın hám oyınshıqlar» orayı.
Iskerliktiń barısı :
Tárbiyashi: Balalar búgin toparımızǵa dıyqan babamız keledi. Kelińler olar menen sálemlesemiz. Búgin babamız baǵshamızǵa jer maydanshasına mákke tuqımın egedi eken. Bizdi járdemge shaqırıp atır. Hosh Balalar járdemlesiwge baramız ba?
Balalar juwabı : Awa baramız
Tárbiyashi: Balalardı alıp basha jer maydanshasına shıǵadı.
Diyqan baba : Balalar men sizlerdi mákkeni jaqsı kóriwińizdi bilip alǵanman. Sol sebepli jer maydanshasına mákke egemen. Balalar sizler de maǵan járdem beresizler me?
Balalar : Awa járdem beremiz
Tárbiyashi: Balalarǵa mákkeni kórsetip soraydi. Balalar súwrette ne súwretlengen?
Balalar : Mákke
Tárbiyashi: Balalar mákkeni tuqımlardan ósiriw múmkin be?
Balalar : Awa múmkin
Tárbiyashi: Awa birińizdiń alaqanıǵızǵa mákke tuqımın qoyaman. Balalar mákkeniń reńi qanday eken?
Balalar juwabı : Reńi ash sarı
Tárbiyashi: Balalar diyqan baba sizlerge mákkeniń ústi tegis yamasa gidir-budurlıǵın anıqlaw ushın barmaq menen siypalap kóriwińizdi aytadı. Balalar alaqanındaǵı tuqımlardı dıyqan baba kórsetken salmalarǵa egiwdi úyretedi. Qiynalǵan balalarǵa tárbiyashi járdemlesedi. Sonnan keyin diyqan baba tuqımlar ústinen topıraq taslawdı kórsetedi. Keyininen tuqımlarǵa suwdı qanday quyıwdı úyretedi.
Tárbiyashi: Balalar endi men sizlerge jumbaq aytaman.
Boyı bir qarıs
Saqalı eki qarıs (Mákke)
Jeńgem keler apillap,
Bilekleri shapillap. (Mákke)
Egilgen egindi tárbiyashi menen balalar gúzetip baradı.
Balalar bilimlerin bekkemlew ushın soraw -juwap ótkeredi.
1. Balalar , búgin nelerdi úyrendik?
2. Diyqan baba eginleri qanday eken?
3. Mákke urıwın qanday etip ektik?
Balalar úlkenler miynetin qádirlewdi, tábiyaattı súyiwdi bilip aladı. Egin egiwdi hám baǵıwdı bilip aladı.