1. Tema : «Meniń janajan Qaraqalpaqstanım» Jumıstıń maqseti

Tárbiyashi: Balalar sharshap qalmadıńız ba? Endi Balalar sizler menen bilimlerińizdi bekkemlew ushın soraw -juwap oynaymız.
Tárbiyashi: Biyday qay jerde jetistiriledi?
Balalar juwabı : Dalada
Tárbiyashi: Jıynap alınǵan biyday qay jerge alıp barıladı?
Balalar juwabı : Digirmanǵa
Tárbiyashi: Digirmanda biydaydı ne qıladı?
Balalar juwabı : Un tayarlaydı
Tárbiyashi: Onnan neler tayarlanadı?
Balalar juwabı : Nan, hár qıylı azıqlıq zatlar
Tárbiyashi: Ańızdaǵı bay kisi ózi menen ne alǵan?
Balalar juwabı : Júdá kóp altın
Tárbiyashi: Ańızdaǵı jarlı kisi ózi menen ne alıp júredi?
Balalar juwabı : Bir qalta qatqan nan
Tárbiyashi: Balalar soraw-juwap sizlerge jaqtı ma?
Balalar juwabı : Awa jaqtı
Soraw-juwap juwmaǵında aktiv qatnasqan balalar tárbiyashi tárepinen xoshametlentiriledi.
15-Tema :
«Qaraqalpaqstannıń aq altını».
Jumıstıń maqseti: Balalardıń tábiyaat haqqındaǵı bilimlerin anıqlap, Ózbekistan Mámleket baylıqlarınan bolǵan paxta ósimligi haqqında olardıń oyda bilimlerin keńeytiw. Paxtakeshler miyneti hám aq altınnan alınatuǵın shiyki buyımlar haqqında bilim beriw.
Kerekli úskeneler: Paxta mulyaji, paxta, sabaq, shúberek, paxta atızları hám paxtakeshler súwretleri.
Oraylar : «Tábiyaat hám biz» iskerlik hám «Milliy» iskerlik múyeshleri. Iskerliginiń barıwı :
Tárbiyashi: Balalar kelińler sizler menen paxta ósimligi haqqında sáwbetlesemiz.
Bilesizler me Balalar miynetkesh diyqanlarımız paxta shigitin erte báhárde egip, suwberip, ósimliktiń átirapın jumsartıp, baǵadı. Kesh gúzde mol payda jiynastırıp alınadı. Ana jurtımız atızlarında biyday, salı, mákke, palız eginleri, bunnan tısqarı paxta egini de egip, jetistiriledi. Balalar shigitten ósip shıqqan ǵoza júdá shıraylı ósimlik. Japıraqları hám gulleri iri, aqshıl qızǵılt reń hám sarı reńde bolıp tek bir kún dawamında ashılıp turadı. Ǵozaǵa jaz dawamında dıyqanlar qayta islesedi. Áste aqırın gúl ornında miyweler-górekler gúzde mamıq talshıqlar menen oralǵan paxta bolıp ashıladı. Balalar men sizlerge paxta temasında júdá ájayıp videorolik qoyıp beremen kóresizler me. Bunda sizler paxtanı qanday jetistiredi, jiynastırıp aladı, onnan neler islep shiǵarıladı, ózińiz tanısıp shıǵasizlar. (tárbiyashi videorolikti balalarǵa kórsetedi).
Balalar videorolik sizlerge jaqtı ma, kórdińler me Balalar paxta milliy baylıǵımizdı qanday jetistiriwdi hám onnan neler qanday tayarlanıwın. Endi sizlerge qosıq oqıp beremen: Asom Ziyomatovtıń «Paxta»
Paxtanıń góreginde appaq paxta.
Kúlip turar qanday baxıt-a!
Erkelenip oynaydı,
Jaltırap janıp tawlanadi.
Raxmet saǵan áziz diyqan,
Úydiń bizden úlken qırman.
Miynetiǵnen altın boldıq,
Paxtanıń góreginde lim-lim toldıq.
Tárbiyashi: Balalar sizler de qosıq bilesizler me?
1-bala : Shaban -shaban paxta atızı.
Sennen baxtın taptı.
Miynet etip paxtakesh.
2-bala :
Men Ózbektiń aldı kúshi,
Maqtanısh, namısıman.
Jurttıń nanı, kiyimi,
Baylıǵıman nurıman.
Tárbiyashi: Bárekella, balalar atızlarda paxta jetistiretuǵın miynetkeshlerimizdi paxtakesh dep ataymız, Olar erte báhárde shigit egip, jaz mawsiminde ǵozaǵa islew berip, jazdıń aqırınan kesh gúzge shekem miynetleri jemisi bolǵan paxtanı qolda hám mashina járdeminde terip aladı. Balalar paxtanı biykarǵa «Aq altın» dep atamaydı, ol payda. Kúndelik mútajligimiz ushın zárúr paxta mamıǵınan sabaq, shúberek, shúbereklerden kiyim-keshek, tósek tayarlanadı. Shigitten bolsa tutınıw ushın paxta mayı alınadı. Bulardıń barlıǵı mútajliklarimiz ushın isletiledi. Barlıǵıńız túsindińiz be?