1. Tema : «Meniń janajan Qaraqalpaqstanım» Jumıstıń maqseti

Tárbiyashi: Balalar toparımızǵa qonaq keldi. Úyimizge qonaq kelse ne qılamız.
Balalar : Dásturqan bezetemiz, qonaq qılamız.
Tárbiyashi: Kelińler biz de qonaqlardı dásturqanǵa mirat etemiz.
Onıń ushın ne qılıw kerek?
Balalar : Dásturqan jayıp túrli ónimler hám sháynek kese, mazalı zatlar qoyıladı.
Tárbiyashi: Qonaqlarǵa shay quyıp beremiz.
Bilmesbay: Ustaz bul ıdıslar júdá ájayıp eken, olar qanday tayarlanadı?
Tárbiyashı: Balalar aytıń, sháynek hám kese bizge ne ushın kerek?
Balalar : Sháynek shay demlew ushın, kese bolsa shay ıshıw ushın kerek boladı.
Tárbiyashı: Tuwrı ayttıńız kóp jıllardan berli sháynek keseler bizge xızmet etedi, shaydan tısqarı shıpa beriwshi giyalardı, dárilik ósimliklerdi de demlep ishemiz. Bul sháynek, keseler turmısımızda júdá kóp isletiledi. Olardı usta gúlallar ana jurtımızdıń topıraǵınan tayarlaydı. Topıraqtan ılay tayarlanadı hám oǵan kóp islew beriledi. Oǵan forma berip, arnawlı temperaturada, shıraylı hám ıqsham sháynek hám keseler tayarlanadı.
Bilmesbay: Awa túsindim ılaydan sonday shıraylı ıdıslar tayarlansa-ya
Balalar : Biz shınıǵıwlar dawamında hár túrlı ıdıslar jasaymız.
Bilmesbay: Mine bul sháynek hám keseniń bezegin qarań, qanday shıraylı eken!
Tárbiyashı:Awa balalar , ıdıslardı gúlallar arnawlı ılaydan sheńber úskenede tayarlap órtte keptiredi hám sulıw bezekler berip xalqımızǵa usınıs etedi.
Balalar bunnan tısqarı ıdıslar metaldan hám taxtalardan da tayarlanadı. Mısalı : qasıq, lágen, sháynek sol sıyaqlılar.
Sol waqıt Bilmesbay qızıǵıp soradı ıdıslardıń taǵı qanday túrleri bar?
Tárbiyashi: shıyshe hám plasmassa ıdıslar da bar
Bilmesbay: Bul ıdıslar qanday tayarlanadı?
Tárbiyashı: Balalar Bilmesbay bul ıdıslardıń qanday tayarlanıwın bilmes eken biz házir sol haqqında sóylestik sizler aytıp berińler
Balalar juwapları :
Bilmesbay: Raxmet balalar sizlerden júdá kóp zattı úyrenip aldım.
Endi birgelikte ájayıp oyın oynasaq oyınimızdıń atı «Ájayıp tartpa» oyın sol formasında alıp barıladı. Bilmesbay tartpa ishindegi ıdıslardı alıp balalardan ıdıs atların soraydı, balalar ıdıs atların aytadı. Aktiv balalar tárbiyashi hám Bilmesbay tárepinen xoshametlendiriledi.
Pán hám tábiyat orayında : ámeliy tájiriybe ótkeriledi.
Balalar qurǵaq topıraqqa suw quyıp ılay payda etip, soǵıw ushın tárbiyashi tárepinen pisiriledi. Keyingi iskerlik kórkem óner orayında alıp barıladı.
Balalar pape mashe usılında tárbiyashi járdeminde ıdıslar isleydi. Bilmesbay da bul processda qatnasadı. Bilmesbay balalardan kóp zatlardı úyrengeni ushın raxmet aytadı.
Balalar hám tárbiyashı Bilmesbay menen xoshlasadı.