1. Tema : «Meniń janajan Qaraqalpaqstanım» Jumıstıń maqseti

Tárbiyashi: Aktiv qatnasqan balalardı xoshametlantirip iskerlik juwmaqlanadı.

38-Tema :
Men hám meniń denem
Maqset: Balalar insan denesi hár qıylı formada kletkalardan shólkemleskenligi haqqında túsinikke iye boldı. Insannıń ómirinde durıs awqatlanıwdıń áhmiyeti haqqında túsinikke iye boladı, seziw organları dúzilisiniń áhmiyetin biledi. Balalar óz densawlıǵı haqqında qayǵılanıw sezimin úyrenedi.
Syujetli - rolli oyınlar hám saxnalastırıw orayı.
«Shańaraqqa tiyisli emlewxana»
Tábiyaat orayı : «Seziw organları»
Dóretiwshilik orayı : «Kewilli masqarapaz» aplikaciyası
Resurslar : Konstruktor, mozaikalar, qutılar, syujetli oyınlar jámlenbesi. Temaǵa tiyisli predmetli súwretler hám ilyutraciyalar, loto, pazllar, reńli qaǵazlar, kley, qayshı, qaǵaz.
Iskerlik barısı :
Tárbiyashi:
Siz benen biz mákan qılǵan
Bul topıraqta bári de bar
Egin ekseń órre turǵan
Shóplerinde dári de bar
Tegin emes tuwǵan topıraq
Bezalmaydı adam degen
Tereń tamır urǵan daraq
Tereń tamır urǵan daraq
Watan degen, Watan degen
Balalar qosıq jaqtıma?
(Balalardıń juwabı )
Qosıqtan túsingen bolsańız kerek, búgin sáwbetimizdi shańaraq aǵzalarımız benen erkin etip jasap atırǵan qádirdan jer watan ishindegi watan qádirdan kóshemiz, abat hám bárháma gózzal qalamız Nókis haqqında sáwbet quramız. Biz ushın mudam óz bawırın ashqan, biziń jaqsı hám jaman kúnlerimiz guwası bolǵan kóshemiz, onıń miynetkesh, bawırı keń insanların maqtamay, tilge almawdıń hesh ılajı joq.
Kóshemizde salınıp atırǵan hár túrli bir-birinen biyik záwlim imaratlar qarasań kózdi quwantıradı. Bul ushın miynetkesh qurıwshılarımızǵa alǵısımız sheksiz.
Ayziya:- Ustaz meniń ákem de qurıwshı.
Tárbiyashi:-Bárekella Ayziya, seniń áke sıyaqlı qurıwshılardı tek biziń kóshemiz emes, bálki pútkil Qaraqalpaqstan tanıydı. Áziz balalar, biz óz kóshemiz benen qanshelli maqtansaq arzıydı.
Balalar :-watan sóziniń mánisin bilesizler me
Ernazar:- Watan arabsha sóz bolıp, tuwılǵan jer degen mánisti ańlatadı.
Tárbiyashı: Kim watan haqqında qosıq aytıp beredi.
Aydos:
Keleshegi ullı watan
Kindik qanım tamǵan mákan
Meniń ushın joqdur árman
Áziz Qaraqalpaqstan
Gózzal bostanım
Tilde dástanım
Tuwılǵan jerim
Ázız Qaraqalpaqstanım
Sol payıt qapı ashılıp gruppaǵa sıyqırshı apa kirip keledi.
Tárbiyashi:- Assalawma aleykum apa xosh kelipsiz
Sıyqırshı apa: Wa aleykum ássalam. Sizlerdiń sáwbetińizdi esitip, bul bilgir balalar taǵı nelerdi biledi eken dep keleberdim.
Tárbiyashı:-Júdá saz qáne saxnamız tórine marhamat etiń apa. Biz sizge gózzal hám nawqıran qalamız Nókis haqqında sóylep beremiz.
Qáne Húrziya Nókis haqqında qosıq aytıp beriń.
Húrziya:
Sulıw dala japıraǵıń atqan
Alıslarda júrip júregim tartqan
Jetkizbeydi sulıw dalam meniń
Nókis qalam!