Rəqiblərə münasibət
Biz ədalətli bazar münasibətlərində maraqlıyıq. Bu səbəbdən, biz rəqiblərlə ədalətli rəqabət aparmaq prinsiplərinə əsaslanırıq:
-
Biz rəqiblərə hörmətlə yanaşırıq;
-
Biz rəqiblərə münasibətdə qərəzli və yalan məlumatlardan istifadə etmirik;
-
Biz rəqiblər haqqında məlumatların toplanılmasında qeyri-qanuni və qeyri-etik vasitələrdən istifadə etmirik, bunu utancverici hərəkət hesab edirik;
-
Biz rəqiblərlə qiymətlər, qiymət siyasəti və reklam satışı ilə bağlı sövdələşmələr aparmırıq.
Sual: Rəqiblərdən söz düşdükdə özünü necə aparmalı?
Cavab: Bu halda yaxşı olardı ki, siz birbaşa olaraq həmin firmanın sizə rəqib olmasını və sizin rəqib firma haqqında bu və ya digər formada söz deməyinizin düzgün olmadığını və qeyri etik olduğunu bildirəsiniz.
-
Əməkdaşlar arasında münasibət
Biz əminik ki, firmamızın müvəffəqiyəti kollektivimizdə sağlam münasibətlərdən əhəmiyyətli dərəcədə asılıdır. İş yerində sağlam münasibətlər və əhval ruhiyyə işin səmərəsini artırır. Biz, əməksevərlik, düzgünlük, çalışqanlıq, aydın məqsədə can atmaq, xeyirxahlıq, ümumi işə sədaqət kimi dəyərlərə sadiq olmaqla kollektivdə sağlam iş münasibətlərinə nail olmuşuq.
İşimizin uğuru əhəmiyyətli dərəcədə kollektivdə şəxsi mövqeyin müstəqil və açıq ifadə edilməsindən asldır. Rəhbərliyin qərarları ilə razılaşmadıqda hər bir əməkdaş şikayət etmək hüququna malikdir.
-
Dostları ilə paylaş: |
