11-lekciya. Sql standart funksiyaları

INSTR(str, substr) – kerekli simvoldı jazıwlar ishinen izlewge arnalǵan. Bunda str jazıw quramınan substr bólimjazıw izlenedi hám nátiyjede tabılǵan simvoldıń neshinshi tártipte turǵanı san kórinisinde ekranǵa shıǵadı. Nátiyje tek ǵana dáslepki ushraǵan simvol poziciyasın anıqlaydı, keyingilerdi qaramaydı.
SELECT INSTR('foobarbar', 'bar'); // Nátiyje: 4
SELECT INSTR('xbar', 'foobar'); // Nátiyje: 0
Esabatlar tayarlawda onı oqıw qolay bolıwı júdá áhmiyetli. Sonıń ushın, hár bir shıǵarılatuǵın simvol yaki sanlar birdey tártipte shıǵıwı lazım. YAǵnıy, uzın sózler de qısqa sózler de birdey uzınlıqta shıǵıwı maqsetke muwapıq. SQL de bul wazıypanı “PAD” funkciyası orınlaydı, tek ǵana bul funkciyanı aldına qısqa bolǵan sózler toltırılıwı ushın qaysı tárepten baslap toltırılıwın kórsetiwshi L(left) yaki R(right) háripler qosıladı. Toltırıw degende, berilgen jazıwdı shep yaki oń tárepine kórsetilgen simvol sanına jetpegen simollardı biriktiriw túsiniledi. Kópshilik standart jaǵdaylarda toltırıw lazım bolǵan simvolǵa probel yaki tómengi sızıq qoyıladı.
LPAD(str, len, padstr) hám RPAD(str, len, padstr) - bul jerde str jazıwdı len uzınlıqta padstr simvollar menen toltıradı
SELECT LPAD('hi',4,'??'); // Nátiyje: '??hi'
SELECT RPAD('hi',5,'?'); // Nátiyje: 'hi???'
LEFT(str, len) hám RIGHT(str, len) funkciyalar berilgen str jazıwdı shep hám oń tárepinen len uzınlıqtaǵı simvollardı kesip aladı.
SELECT LEFT('foobarbar', 5); // Nátiyje: 'fooba'
SELECT RIGHT('foobarbar', 4); // Nátiyje: 'rbar
SUBSTRING(str, pos, len) yaki SUBSTR (str, pos, len)– berilgen str jazıwdıń pos orındaǵı simvoldan baslap len uzınlıqta kesip aladı.
SUBSTRING(str FROM pos FOR len) – joqarıdaǵıǵa ekvivalent funkciya.
SELECT SUBSTRING('Quadratically',5,6); // Nátiyje: 'ratica'
SELECT SUBSTRING('Quadratically',5); // Nátiyje: 'ratically'
SELECT SUBSTRING('foobarbar' FROM 4); // Nátiyje: 'barbar'