6. Sherebe tazalaw bóliminde miynetti qorǵaw hám qáwipsizlik texnikası
Sherebe tazalaw bóliminde koncentraciyalı hák súti bolıp, ol terige tiygende kúshli kúyiwge alıp keledi. Úlgi alıw hám onıń menen alıp barılatuǵın jumıslar qorǵawshı kózáyneklerde hám qalıń gezlemeden tayarlanǵan arnawlı kiyimlerde orınlanıwı tiyis. Soda eritpesiniń qızdırǵıshı basım astında isleydi. Xızmet kórsetiwshi qánigeler qorǵawshı klapanlardıń jaramlılıǵın sistemalı ráwishte tekserip turıwı zárúr. Úskenelerdiń barlıq háreketleniwshi bólimleri qorshawlar menen qorǵalǵan bolıwı tiyis. Apparatsılar jumıs ornında órt óshiriw qurallarına iye bolıwı hám onnan paydalanıp biliwi tiyis.
Qadaǵalaw sorawları
1. Sherebeni aldın – ala tazalaw qanday maqsette ótkeriledi?
2. Sherebeni tazalawda qanday ximiyalıq reakciyalar júredi?
3. Sherebeni tazalawda reagentlerdi aralastırıw tártibi qanday rol oynaydı?
4. Reagentlerdiń artıqsha muǵdarı qanday rol oynaydı?
5. Sherebe tazalaw ushın soda eritpesi hám hák sútin suyıltırǵanda ne sebepten tazalanǵan sherebe qollanıladı?
6. Ne ushın soda eritpesi kondensat penen suyıltırıladı?
7. Sherebe tazalawda júretuǵın ximiyalıq reakciyalar teńlemesi tiykarında, quramında 1,45 n.ú. Ca2+ hám 0,2 n.ú. Mg2+ ionları bar 1 m3 tazalanbaǵan sherebe tazalaw ushın, hák sútiniń hám sodanıń teoriyalıq sarplanıwın esaplań.
Dostları ilə paylaş: |
