3-basqısh tiykarg`ı bo`lim 40-45 minut
|
Voleybol oyını haqqında tu`sinik
Voleybol oyının du`n`yag`a tanılg`anına 100 jılday waqıt boldı. Voleybol oyını barlıq muskullerdi rawajlandıradı, tez oy-pikirdi ju`ritedi. Quwatlılıqtı, shaqqanlılıqtı, shıdamlılıqtı, jen`il ha`reketshen`lik sıpatlardı ha`m sıpatlardı tuwrı bag`darlay alıw qa`siyetlerdi rawajlandıradı.
Dem alıw ju`rek qan tamırlarının` qan aylanıw iskerligin bekkemleydi. Voleybol oyının eki komanda bolıp qarama-qarsı oynaydı. Ha`r bir komandada 6 oyınshıdan ibarat komanda oyınshıları toptı qarsı komandag`a (ortada tartılg`an tordan asırıw) bir yamasa eki qollap o`tkeredi. Sonday qılıp, top jerge tu`skenshe yamasa maydannan shıg`ıp ketkenshe tordın` arg`ı jag`ınan bergi jag`ına toptı qoldan qolg`a uzata beredi. Ha`r bir komanda toptı o`z-ara u`sh ret uzatıwı mu`mkin. U`shinshi ret qarsı komandag`a uzatıw mu`mkin. Oyın komandalardın` biri 25 upay toplag`ang`a shekem oynaladı. 25 upay toplagan komanda jen`iske erisken boladı. Eger eki komanda birdey upay jıynag`an bolsa (25 : 25), onda komandalar arasında oyın eki upay ayırmashılıg`ı bolg`ang`a shekem oynaydı (25 : 27, 27 : 29). Oyın u`sh partiyadan ibarat boladı.
Voleybol oyınının` watanı AQSh 1895-jılı V. Morgan voleybol oyının oylap tapqan ha`m oyın qagıydaların islep shıqqan. Ha`r bir voleybol komandada 12 oyınshıdan quralg`an.
1. Voleybol oyınshısının` da`slepki turıw jag`dayları ha`m ha`reketin u`yretiw.
Voleybol oyını ko`birek hu`jim ha`m qorg`anıw texnikasına tiykarlanadı. Oyın waqtında hu`jimde ha`m qorg`anıwda ha`m turıw ha`m jıljıw, toptı uzatıw ha`m qabıl qılıp alıw, toptı bir yamasa eki qollap alıw ha`m qaytarıw, toptı tosıw usıllarınan paydalanadı.
Oyınshının` turıw ha`m jıljıw jag`dayları.
Voleybol oyını dawamında oyınshı maydan boylap ha`rekette bolıp jıljıydı. Maqset – toptı qabıl qılıp alıw ha`m basqa usıllar menen onı uzatıw.
Oyınshı sport jag`dayında turg`anda en` tiykarg`ısı jıljıwg`a ha`mme waqıt tayar bolıp turadı. Oyınshının` turıw jag`dayında, ayaqları iyin ken`liginde dizeler bu`gilgen, bir ayaq bir az aldında gewde aldıng`a en`keygen. Qollar shıg`anaqtan bu`gilgen qol pa`njesi bir-birine qarag`an boladı. Biraq bul jag`day barlıq waqıt bola bermey oyınnın` barısına qarap o`zgerip turadı.
Eger tordan qaytqan toptı alıw lazım bolsa, oyınshı azg`ana en`keyip, uzatqanda tuwrılanadı ha`m t.b. oyınshılar maydanda ayaqları ayqastırılıp (shepke, on`g`a, aldıg`a, artqa) eki qa`dem menen (aldıg`a ha`m arqag`a) sekirip (juwırıw ha`m adımlawdan), juwırıp (maydan boylap tez jıljıw bag`dardı birden o`zgertip) ju`riwi mu`mkin.
|
