2-mavzu: Foydalanuvchining standart turlari. Reja

2-mavzu: Foydalanuvchining standart turlari.
Reja:

1. 
   Foydalanuvchining standart turlari: vektorlar, strukturalar, klasslar va birlashmalar.
   
2. 
   Statik turdagi ma’lumotlar tuzilmasi. To’plam.
   
3. 
   Statik turdagi ma’lumotlar tuzilmasi. Massiv, jadval va yozuv ko’rinishidagi ma’lumotlar tuzilmasi.
   

C++ dasturlash muhitida ma’lumotlarni massivdan tashqari sal boshqacharoq usulda saqlashning yana bir turi mavjud, ya’ni vektorlar. Vektor elementlari ustida massiv elementlari ustida bajariladigan amallarni bajarish mumkin. Ma’lumotlarni massivda saqlashda elementlar soni oldindan ma’lum bo’lishi kerak. Ayrim paytlarda massivga nechta element kiritilishi ma’lum bo’lmaydi va o’shanda dinamik dasturlashdan foydalanish kerak bo’ladi, ya’ni massivga qo’shiladigan elementga xotira ajratishga to’g’ri keladi.

Shunday hollarda vektor klassidan foydalanish mumkin. Vector klassi o’zgaruvchan uzunlikdagi massiv yaratishga yordam beradi. Vektor bu elementlari soni oldindan ma’lum bo’lmagan bir xil toifadagi elementlar ketma-ketligidir. Vektorning massivdan farqi, vektor uzunligi oldindan berilmaydi va u dastur bajarilishi mobaynida o’zgarib turadi.
Vektor yaratish uchun kutubxonasiga ulanish kerak, ya’ni dastur boshida #include qatori bo’lishi kerak va vektorni e’lon qilishning 2 ta usuli mavjud – vektor uzunligini ko’rsatib va bo’sh vektor ko’rinishida.


vector o’zgaruvchi_nomi;


Masalan, vector test;

bu yerda int toifali, test nomli bo’sh vector yaratildi. Vektor elementlariga indeks orqali murojaat qilib bo’ladi, lekin bu ko’rinishda vektor yaratilganda vektor elementiga indeks bilan murojaat qilib qiymat berib bo’lmaydi, ya’ni quyidagi dastur kodi noto’g’ri:

vector vek;
vek[0]=123;
vek[1]=234;
Bu holda vektorga element kiritish quyidagicha amalga oshiriladi: